Մուտք

Invalid username or password

Մոռացե՞լ եք գաղտնաբառը

Հայտնի է Ucom-ի աջակցությամբ կայացած Robotex Armenia-ի հաղթողը

Վերադարձ լուրերի բաժին

23:07 , 11 Նոյեմբեր 2019

Խուլերի մշակույթի և սպորտի հանրապետական պալատում տեղի ունեցավ ռոբոտաշինության Robotex Armenia միջազգային մրցույթը, որին մասնացկում էր մոտ 40 թիմ աշխարհի տարբեր երկրներից, այդ թվում՝ Բոսնիա և Հերցեգովինայից, Վրաստանից և Եթովպիայից։

Հայաստանում մրցույթն առաջին անգամ է կայացել՝ «Խելացի քաղաք» խորագրի ներքո։ Միջոցառման նպատակը ռոբոտաշինության, ծրագրավորման և դիզայնի նկատմամբ հետաքրքրության խրախուսումն ու հանրահռչակումն է, ռոբոտաշինության ոլորտի և ճարտարագիտական մտածելակերպի զարգացումը:

«Ես այստեղ եմ՝ ներկայացնելու Եթովպիան։ Մեր թիմը տեխնիկական պատճառներով չի կարողացել ներկա գտնվել, սակայն իմ այստեղ լինելու նպատակը գործնական կապեր հաստատելն ու փորձի փոխանակումն է, քանի որ մոտ ապագայում մենք մեծ ցանկություն ունենք Եթովպիայում ևս կազմակերպել Robotex մրցույթն ու հրավիրել միջազգային թիմերի։ Միջոցառումը հետաքրքիր է ու գրավիչ, ուստի ուրախ եմ վերջինիս ներկա գտնվելու համար»,- նշել է «Finfinee Auroscope and Robotics International Institute»-ի գործադիր տնօրեն եւ հիմնադիր Էլիաս Յիրդոուն։

Ժյուրիի կազմում էին ոլորտի առաջատար մասնագետներ, որոնց շարքում են Արման Պողոսյանը՝Instigate ընկերությունից, Հրանտ Խաչատրյանը՝Symotec ընկերությունից, Արամ Կերյանը՝ Հայաստանի ամերիկյան համալսարանից, Հրաչյա Մակարյանը՝ «Փուլ» ընկերությունից, Պատվական Հախինյանը՝ Վանաձորի տեխնոլոգիական կենտրոնից, Կառլ-Տանել Պաեսը՝ Robotex Armenia միջազգային միավորումից և Հայկ Զարգարյանը՝ Ucomից։

«Այսուհետ Հայաստանը հանդես կգա որպես ռոբոտաշինական մրցույթների կենտրոն, և Robotex-ը Հայաստան հրավիրելով՝ Միությունը կարևոր քայլ է անում մեր երկիրն այդ ուղղությամբ ճանաչելի դարձնելու համար։ Հայաստանը ներկայացնող թիմերը գերազանցապես բաղկացած են «Արմաթ» ինժեներական լաբորատորիաների սաներից, ինչը խոսում է գործածվող տեխնոլոգիայի արդյունավետության մասին ու ոգևորում է ոչ միայն մեզ, այլև մեր արտասահմանյան գործընկերներին», – նշել է ԱՏՁՄ գործադիր տնօրեն Կարեն Վարդանյանը:

2019 թվականի հուլիսին Առաջատար տեխնոլոգիաների ձեռնարկությունների միությունը (ԱՏՁՄ) անդամակցել է Robotex միջազգային միավորմանը: Այն կոնսոլիդացնում է գրեթե 50 երկիր, որոնք գործունեություն են ծավալում ռոբոտաշինության ոլորտի զարգացման ուղղությամբ, այդ թվում՝ ԱՄՆ-ը, Չինաստանը, Հնդկաստանը, Հունաստանը, Էստոնիան, Կոլումբիան։

Առաջին մրցանակին արժանացել է Գյումրու ՀԱՊՀ ավագ դպրոցի Digital Cloud թիմը, երկրորդ մրցանակին՝ Ստեփանակերտի թիվ 7 դպրոցի «Ադանա» թիմը, երրորդ մրցանակին՝ Իջևանի թիվ 5 դպրոցի «Հանճար» թիմը։

Մրցույթի գլխավոր հովանավոր Ucom ընկերությունը նորագույն սերնդի HTC Smartphone-ներ նվիրեց առաջին եւ երկրորդ տեղը գրաված թիմերի բոլոր անդամներին, անլար JBL ականջակալներ՝ երրորդ տեղը գրաված թիմի ներկայացուցիչներին, ինչպես նաև Samsung և Huawei պլանշետներ հաղթած թիմերի խմբակավարներին։

«Ucom ընկերությունը տարիներ շարունակ հնարավորինս աջակցել է մարզերում «Արմաթ» ինժեներական լաբորատորիաների բացմանը, հովանավորել ճարտարագիտական մտածելակերպը զարգացնող բազմաթիվ մրցույթներ, հետևել երկրի ներսում երիտասարդ մասնագետների աճին, ուրախացել խելացի սերնդի յուրաքանչյուր հաղթանակով ու ձեռքբերումով, խրախուսել ապագա ինժեներներին ու հորդորել պատանիներին լինել ստեղծող, այլ ոչ սպառող։ Այսօրվա մրցույթը ևս մեկ հնարավորություն էր կիսվելու փորձով, ձեռք բերելու գիտելիքներ ու նոր հմտություններ», – նշել է Ucom ընկերության համահիմնադիր և գլխավոր տնօրեն Հայկ Եսայանը։ Robotex Armenia մրցույթի հովանավորն է Ucom ընկերությունը, գործընկերը՝ Symotec ընկերությունը։

ԱՄԵՆԱԿԱՐԴԱՑՎԱԾ ԼՈՒՐԵՐ

Նիկոլ Փաշինյանը և Արմեն Սարգսյանը քննարկել են երկրի զարգացմանը վերաբերող հարցեր

Կառավարության ղեկավարը գոհունակությամբ նշել է, որ իր, երկրի ղեկավարի և Ազգային ժողովի միջև ձևավորվել է կառուցողական աշխատանքային մթնոլորտ:

Խաղային ոլորտի միջազգային փորձագետները ուսումնասիրել են ՀՀ-ում ինտերակտիվ խաղային ոլորտը

ՀՀ ՊԵԿ նախագահի տեղակալը փորձագետների հետ քննարկել է հայկական խաղային շուկան:

Արևային էներգիայով ջեռուցում՝ Ծովակ գյուղի մանկապարտեզում

ՎիվաՍել-ՄՏՍ-ն ու Վայրի բնության և մշակութային արժեքների պահպանման հիմնադրամը (FPWC) լուծել են օրհասական հարցը: