Մուտք

Invalid username or password

Մոռացե՞լ եք գաղտնաբառը

Հայկական IU Networks-ը ընկերությունը հաղթել է ԱՊՀ պետական սեկտորի տեղեկատվական տեխնոլոգիաների ոլորտի խոշորագույն մրցույթում

Վերադարձ լուրերի բաժին

14:27 , 08 Հունիս 2018

Հայկական IU Networks ընկերության առաջարկած ծրագրային լուծումը հաղթող է ճանաչվել Տաջիկիստանի պետական ծառայությունների էլեկտրոնային կառավարման անցումն ապահովող ծրագրի միջազգային մրցույթում: Ընկերության առաջարկած նորարարականծրագրային լուծման շնորհիվ այս երկրի բոլոր գերատեսչությունները և գործակալությունները կկարողանան տեղեկատվության փոխանակման բոլոր գործառույթներն իրականացնել ստանդարտավորված եղանակով՝ միևնույն պլատֆորմի և պրոտոկոլների կիրառմամբ։

«ՏՀՏ համակարգերի ներդրման և սպասարկման այս մասշտաբի միջազգային մրցույթները բարդ ու երկարատև գործընթացներ են, և հպարտ եմ, որ կարողացանք միջազգային շուկա դուրս բերել մի վերջնական ծրագրային լուծում, որի մտահղացումը, ճարտարապետությունը, ծրագրավորումն ու իրականացումն ամբողջովին կատարվել է Հայաստանի Հանրապետությունում՝ հայաստանյան մասնագետների կողմից»,-ասել է IU Networks ընկերության գործադիր տնօրեն Վահրամ Մերանգուլյանը։

Ընկերության ստեղծած ծրագրային լուծուման շնորհիվ հայտատուն կամ տնտեսվարողը կկարողանան «մեկ պատուհանի» սկզբունքով իրականացնել հայտերի հանձնման և թույլտվությունների ստացման բոլոր գործառույթները, ինչը կհեշտացնի տնտեսվարողների աշխատանքը, թույլ կտա խնայել ժամանակը, ինչպես նաև կնվազեցնի կոռուպցիոն ռիսկերը։ Նմանօրինակ մի ծրագիր IU Networks ընկերությունն իրականացնում է նաև ռումինական, ռուսաստանյան և բելառուսական ընկերությունների հետ կոնսորցիումով։ Կոնսորցիումը Եվրամիության կողմից հայտարարված տենդերում լավագույնն է ճանաչվել շնորհիվ ԵՄ ստանդարտներին համապատասխանող լուծման։

«2008-ին, երբ ստեղծվում էր IU Networks ընկերությունը, հայաստանյան ՏՀՏ շուկան կանգնած էր երկընտրանքի առջև՝ առաջարկելով որակյալ, սակայն ընդամենը ծրագրավորման ծառայություններ, թե՞ անել անհնարինը՝ ստեղծելով ամբողջական ու վերջնական լուծումներ։ Ուղիղ 10 տարի անց IU Networks-ը դարձավ այն ընկերությունը, որը կոտրեց հայկական ՏՀՏ ոլորտի ընկերությունների՝ աութսորսինգային լինելու վերաբերյալ կարծրատիպը»,-ասել է IU Networks ընկերության համահիմնադիր, §Ինֆորմացիոն տեխնոլոգիաների ձեռնարկությունների միության» (UITE) նախագահ Ալեքսանդր Եսայանը։

Նշենք, որ ծրագրավորմամբ զբաղվող հայկական մոտ 500 ՏՀՏ ընկերությունների մեծ մասը պատվերներն իրականացնում է արտերկրում ստեղծված լուծումների հիման վրա, և այդ տեսանկյունից սեփական ծրագրային լուծումով հանդես գալն արտերկրում իրական ձեռքբերում է հայ ՏՏ մասնագետների համար։

ԱՄԵՆԱԿԱՐԴԱՑՎԱԾ ԼՈՒՐԵՐ

Յունիբանկը թողարկել է 5.25% եկամտաբերությամբ նոր դոլարային պարտատոմսեր

Մեկ պարտատոմսի անվանական արժեքը 100 դոլար է, գնման նվազագույնը ծավալը` 1 000 դոլար: Պարտատոմսերի շրջանառության ժամկետը 36 ամիս է: Պարտատոմսերը կարելի է ձեռք բերել Յունիբանկի գլխամասային գրասենյակում կամ 51 մասնաճյուղերից ցանկացածում:

ՀՀ ֆինանսների նախարարը հանդիպել է Արցախի պետնախարարի հետ

Կողմերը նշել են, որ մակրոտնտեսական՝ մասնավորապես հարկաբյուջետային քաղաքականության հարցերում հարաբերությունները մշտապես եղել են բարձր մակարդակի վրա:

ԳԾԱՊԱՏԿԵՐ: Պարենային անվտագությունն առաջնային խնդիր է

ՀՀ ներկրվել է ավելի էժան կարտոֆիլ, որի գինը զիջել է տեղական կարտոֆիլի գներին, իսկ լոլիկի դեպքում՝ 2018 թ. համեմատ ավելի թանկ լոլիկ է ներմուծվել: Ներմուծումն իրականացվել է այնպիսի երկրներից, որոնցից 2018 թ. 9 ամիսների ներմուծում չի իրականացվել: Այս միտումը նաև ահազանգում է հասունացող պարենային ավտանգության խնդրի մասին: