Մուտք

Invalid username or password

Մոռացե՞լ եք գաղտնաբառը

Հայկական ARLOOPA-ի շնորհիվ բելառուսական ընկերության պաղպաղակի վաճառքը աճել է 6 անգամ

Վերադարձ լուրերի բաժին

00:01 , 17 Սեպտեմբեր 2017

Հայաստանյան ՏՏ ոլորտի ընկերությունները վերջին շրջանում հաջողություններ են գրանցում ոչ միայն Հայաստանում, այլև Հայաստանի սահմաններից դուրս։ Ամենաթարմ օրինակը ARLOOPA-ն է, որը զբաղվում է վիրտուալ իրականության (VR) և լրացված իրականության (AR) տեխնոլոգիաներով։

Բելառուսական «Нордар» ընկերությունը արդեն չորս տարի է թողարկում է «Наше детство» կոչվող պաղպաղակը։

2017 թվականի ամառային սեզոնին ընդառաջ ընկերության մարքեթինգի թիմը որոշել է պոտենցիալ նոր սպառողներին ներգրավելու համար օգտագործել համտեսների մեթոդը։

Որպես համտեսի վայրեր ընտրվել են տարբեր առևտրային կենտրոններ և խանութներ։ Հիմնական շեշտը դրվել է Корона, Алми, Гиппо հիպերմարկետների վրա։

Նորույթն այն է, որ համտեսի ժամանակ օգտագործվել են նաև թվային տեխնոլոգիաներ՝ ֆոտոտարածք «3Д-պլանշետ՝ մինյոնների պրոյեկցիայով»։

Մուլտֆիլմի հերոսը «կենդանանում է» պլանշետի մեջ։ Մինյոնի հետ նկարվելու համար անհրաժեշտ է ներբեռնել ARLOOPA հավելվածը, պլանշետը ուղղել հատուկ շրջանի վրա, որտեղ հայտնվում է մինյոնը՝ պաղպաղակը ձեռքին։

Նշենք, որ ARLOOPA-ն հայաստանյան ընկերություն է։ Արման Աթոյանի գլխավորությամբ՝ ARLOOPA-ի նորույթներն արդեն մեծ հետաքրքրություն են առաջացնում ոչ միայն Հայաստանում, այլև աշխարհի տարբեր երկրներում՝ մշակույթի, կրթության և այլ բնագավառներում։

Հավելվածի օգտագործումը ոչ միայն զվարճանքի համար է, այլ կոնկրետ ֆինանսական արդյունք է ապահովում։

Մասնավորապես, 3D մինյոնների օգտագործումը մեծացրել է հետաքրքրությունը համտեսի նկատմամբ, ներգրավել ավելի շատ մարդկանց։ Արդյունքում, «Наше детство» կոչվող պաղպաղակի վաճառքի ծավալը ամառային համտեսի արդյունքում աճել է 6 անգամ։

ԱՄԵՆԱԿԱՐԴԱՑՎԱԾ ԼՈՒՐԵՐ

Երբ կընդունվի Հարկային օրենսգրքին վերաբերող փաթեթը

Վերջին շրջանում հատկապես գործարար հատվածի կողմից բավականին շատ է հնչում այն հարցը, թե Հարկային օրենսգրքում և

Դասեր տնտեսագիտությունից․ շտկող հարկեր և նորարարական հարկային քաղաքականություն

ԵՄ տարածքում ալկոհոլամոլության դեմ պայքարի շրջանակում, մի շարք երկրներ (Դանիա, Իռլանդիա, Միացյալ Թագավորություն և այլն) ակցիզային հարկի ավելի ցածր կամ 0-ական դրույքաչափ են կիրառում մինչև 2.8% ալկոհոլի պարունակությամբ գարեջրի նկատմամբ։

Ներխուժում կատարած անձինք և նրանց գույքը շարունակում են մնալ Ամուլսարի ծրագրի տարածքում՝ չնայած Դատարանի վճռին

Քանի դեռ Ամուլսարի տարածք անխափան մուտքը չի վերականգնվել, Լիդիանը համարում է, որ ոստիկանությունը չի իրականացրել դատարանի վճռով սահմանված իր պարտականությունները: