Մուտք

Invalid username or password

Մոռացե՞լ եք գաղտնաբառը

Հայկական շուկա մուտքի խոչընդոտման շատ դեպքեր եղել են պետական տարբեր մարմինների կարգավորման դաշտում. Արտակ Շաբոյան

Վերադարձ լուրերի բաժին

17:40 , 22 Մարտ 2018

Տնտեսական մրցակցության պաշտպանության պետական հանձնաժողովի նախահահ Արտակ Շաբոյանն արձանագրում է, որ անցած տարիների ընթացքում հանձնաժողովի ուսումնասիրությունների արդյունքում պարզվել են հայկական շուկա մուտքի խոչընդոտման դեպքեր, որոնք սակայն եղել են ոչ թե հանձնաժողովի իրավասության, այլ տարբեր պետական մարմինների կարգավորման տիրույթում: Ինչպես փոխանցում է Արմենպրեսը, Արտակ Շաբոյանը նման հայտարարությամբ հանդես է եկել Ազգային ժողովի տնտեսական հարցերի մշտական հանձնաժողովի նիստի ընթացքում՝ պատասխանելով «Ծառուկյան» խմբակցության պատգամավոր, Ազգային ժողովի փոխնախագահ Միքայել Մելքումյանի հարցին:

«Կարող եմ ասել, որ հատկապես շատ են դեպքերը, երբ մեր ուսումնասիրությունները ցույց են տալիս, որ մուտքի խոչընդոտ, սահմանափակումներ են լինում, սակայն դրանք այդքան էլ հանձնաժողովի իրավասության շրջանակներում չեն լինում: Շատ դեպքերում դրանք գտնվում են տարբեր պետական մարմինների կարգավորման դաշտում: Պետական մարմինները, որոնք վարչարարություն են իրականացնում՝ վերահսկողություն, լիցենզավորում, կարգավորում, կարող են իրենց գործունեությամբ մուտքի խոչընդոտներ ստեղծել»,-  նշել է Արտակ Շաբոյանը:

Նա համաձայնել է Միքայել Մելքումյանի պնդման հետ, որ տնտեսական մրցակցության համար ամենակարևորը մուտքի խոչընդոտների վերացումն է, ինչպես նաև շուկայից հեշտությամբ դուրս գալու հնարավորությունների ապահովումը:

Միևնույն ժամանակ, Արտակ Շաբոյանն ընդգծել է, որ բացահայտել են շուկա մուտքի խոչընդոտների բազմաթիվ դեպքեր, որոնք վերացվել են: «Եթե կունենանք մուտքի խոչընդոտների վերաբերյալ նոր փաստեր, նոր ապացույցներ, մենք հետևողական կլինենք դրանք վերացնելու ուղղությամբ»,- եզրափակել է ՏՄՊՊՀ նախագահը:

ԱՄԵՆԱԿԱՐԴԱՑՎԱԾ ԼՈՒՐԵՐ

2018 թ. Ամերիաբանկն առաջատար դիրքում է եղել ֆակտորինգային գործառնությունների ծավալով

Ամերիաբանկը 2018 թ. արդյունքներով առաջատարն է ՀՀ բանկային համակարգում ֆակտորինգի պորտֆելի ծավալով: Հաշվետու տարում Բանկի պորտֆելը նախորդ տարվա համեմատությամբ աճել է 59%-ով և տարեվերջին կազմել շուրջ 11 մլրդ ՀՀ դրամ: Ներկայում ֆակտորիգի պորտֆելն արդեն գերազանցում է 12 մլրդ ՀՀ դրամը: Ֆակտորինգը, որպես կարճաժամկետ ֆինանսավորման լավագույն գործիք, ակտիվորեն կիրառվում է Ամերիաբանկի կողմից, որի արդյունքում Բանկի ֆակտորինգի […]

Յունիբանկը հայտարարում է 5% եկամտաբերությամբ դոլարային պարտատոմսերի նոր թողարկման մասին

Յունիբանկը թողարկում է դոլարային արժեկտրոնային նոր պարտատոմսեր 5 մլն ԱՄՆ դոլար ծավալով, առաջարկելով բարձր եկամտաբերություն` 5% տարեկան: Արժեկտրոնային եկամուտը կվճարվի եռամսյակային պարբերականությամբ: Մեկ պարտատոմսի անվանական արժեքը կազմում է 100 դոլար, շրջանառության ժամկետը` 36 ամիս: Պարտատոմսերը կարելի է ձեռքբերել բանկի գլխամասային գրասենյակում կամ 47 մասնաճյուղերից մեկում: Տեղաբաշխման ժամկետը սահմանված է մինչև 20.05.2019թ.-ը: «Մենք արդեն հաջողությամբ տեղաբաշխել […]

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]