Մուտք

Invalid username or password

Մոռացե՞լ եք գաղտնաբառը

Հայկական մեղրն արդեն ազատ մուտք ունի եվրոպական շուկա. Պյոտր Սվիտալսկի

Վերադարձ լուրերի բաժին

13:02 , 15 Մարտ 2018

ՀՀ-ում Եվրամիության պատվիրակության ղեկավար-դեսպան Պյոտր Սվիտալսկին տպավորված է վերջին ամիսների ընթացքում սննդի անվտանգության ապահովման ուղղությամբ ՀՀ կառավարության նախաձեռնություններով: Այդ մասին Սվիտալսկին նշեց ՀՀ ԳՆ սննդամթերքի անվտանգության պետական ծառայության նախաձեռնությամբ կազմակերպված «Անվտանգ սնունդ. թվային լուծումներ» համաժողովի բացման ժամանակ:

Դեսպանը շնորհավորեց ՀՀ կառավարությանն այն ջանքերի համար, որոնք գործադրվում են սպառողների շահերի պաշտպանության և սննդի անվտանգության ոլորտներում: «Տպավորված ենք այն նախաձեռնությունների թվով, այն հավակնությունների մակարդակով, որոնք դրսևորվել են վերջին ամիսների ընթացքում կառավարության կողմից, վարչապետ Կարապետյանի գլխավորությամբ: Մենք՝ որպես Եվրոպական միություն, պատրաստ ենք աջակցել այդ ջանքերին, քանի որ սպառողների իրավունքների պաշտպանության խնդիրները շատ կարևոր տեղ ունեն ՀՀ-ԵՄ համաձայնագրի շրջանակում: Կան կոնկրետ ծրագրեր, մենք դուրս ենք գալիս Առևտրի համաշխարհային կազմակերպության շրջանակներից և այս գործընթացը լրիվ համահունչ է նաև Հայաստանի անդամակցությանը ԵԱՏՄ-ին: Սա երկկողմ օգտավետ գործընթաց է, ու մենք պատրաստ ենք կոնկրետ օժանդակություն ցուցաբերել այս ջանքերին»,- «Արմենպրես»-ի փոխանցմամբ, ասաց Պյոտր Սվիտալսկին:

Դեսպանը վստահություն հայտնեց, որ օժանդակության և համագործակցության շրջանակում ԵՄ-ն կարող է կոնկրետ քայլեր առաջարկել նոր ֆինանսական փաթեթում: Դա, նրա խոսքով, տեխնիկական կարողությունների զարգացումն է, փորձի փոխանակումը, ինչպես նաև օժանդակությունը կոնկրետ միջոցառումների իրականացմանը: «Հուսով եմ, որ օժանդակությունը կապահովի անհրաժեշտ արդյունքներ: Վստահ եմ, որ կառավարության համապատասխան քայլերի ձեռնարկումը կնպաստի նաև արտահանման ծավալների մեծացմանը դեպի ԵՄ շուկա: Հայկական սնունդը շատ համեղ է, մենք գիտենք դա, պարզապես պետք է ստեղծել անհրաժեշտ շրջանակ, որը կապահովի երաշխիքներ, կապահովի ոչ միայն համը, այլ նաև դրա անվտանգ և ապահով լինելը: Փետրվարից ներդրվել է ՀՀ-ԵՄ սերտիֆիկացման նոր գործընթաց և ուրախ եմ, որ հայկական մեղրն արդեն ազատ մուտք ունի եվրոպական շուկա: Հուսով եմ, որ շուտով նաև խեցգետինն էլ նույն ուղղությամբ կգնա և մյուս ապրանքները»,- ասաց ՀՀ-ում ԵՄ պատվիրակության ղեկավարը:

ԱՄԵՆԱԿԱՐԴԱՑՎԱԾ ԼՈՒՐԵՐ

Տոկիո-2020-ի ընթացքում մեկնարկում է «Ucom Sport Challenge» սպորտային մարզաձեւերի մրցույթ-մարտահրավերը

Հավելենք, նույն մասնակիցը կարող է դառնալ հաղթող և՛ դիտումների քանակով, և՛ Ucom ժյուրիի ընտրությամբ։

Նոր տուն՝ նոր հույսերով

2021թ. բնակարանաշինության ծրագրի իրականացման համար, Վիվա-ՄՏՍ-ը նախատեսում է հատկացնել 225 մլն. ՀՀ դրամ, որի արդյունքում աջակցություն կստանա 84 ընտանիք:

Յունիբանկի պարտատոմսերի փոխցուցակումը Մոսկվայի բորսայում ճանաչվել է Հայաստանի լավագույն գործարք

Կորպորատիվ պարտատոմսերի շուկայի կապիտալիզացիան Հայաստանում եռապատկվել է 2018-2020 թվականներին: