Մուտք

Invalid username or password

Մոռացե՞լ եք գաղտնաբառը

Հայկական ծագմամբ ամենախելացի տեսախցիկը սկսեց հաղթարշավը indiegogo-ում (լուսանկարներ, տեսանյութ)

Վերադարձ լուրերի բաժին

09:18 , 18 Հոկտեմբեր 2017

Volterman խելացի դրամապանակից հաջողությունից հետո հանրային դրամահավաքի (crowdfunding) գծով արդեն նշմարվում է հայկական մեկ այլ խելացի արտադրանքի՝ The Moon-ի հաղթարշավը։

Հիշեցնենք, որ Volterman-ին հաջողվեց indiegogo հարթակի միջոցով հավաքել մեկ միլիոն դոլար և մեկնարկել սերիական արտադրության գործընթացը։ Երեկ երեկոյան Indiegogo մտավ նաև The Moon տեսախցիկը, իսկ այսօր առավոտյան նախագիծը հավաքել է արդեն 22,4 հազար  դոլար։ Այսինքն, մի քանի ժամվա ընթացքում The Moon-ը հավաքել է առաջին փուլի համար թիրախային 45 հազար դոլարի կեսը։

moon2

The Moon-ը տեսախցիկ է, սակայն ոչ սովորական։ Այն առաջին «լողացող» տեսախցիկն է։ Սարքը լողում է իր պատվանդանից որոշակի բարձրության վրա, ինչը թույլ է տալիս 360 աստիճանով պտտվել և ծածկել ամբողջ տարածքը։ Նաև լիցքավորումն է կատարվում անլար եղանակով։ Բնականաբար, ունի նաև գիշերային նկարահանման հնարավորություն։

Խցիկը զինված է ձայնային և շարժման դետեկտորով և ավտոմատ ուղղվում է ձայնի ու շարժման կողմը։ Ունի նաև ջերմային, խոնավության, ածխաթթու գազի և լուսային սենսորներ, ինչը նշանակում է, որ սարքը կարող է «հսկել» տնային սարքերի գործունեությունը։

Այն Smart Home (խելացի տուն) հանգույց ունի, որը համադրելի ZigBee, Z-Wave, BLE & IR Blaster համակարգերի հետ։

moon4

Այս ամենից հետո հասկանալի է, թե ինչու է The Moon-ը համարվում աշխարհի ամենանորարարական և ամենախելացի տեսախցիկը։

Սարքի մասին ավելի մանրամասն կարող եք տեղեկանալ indiegogo-ում։ Հենց այդտեղ կարող եք ցանկության դեպքում մասնակցել դրամահավաքին, կամ պատվիրել սարքը։ The Moon-ը այսօր նախապես պատվիրելու դեպքում կկիրառվի 43% զեղչ և կվաճառվի 348 դոլարով՝ 612-ի փոխարեն։

Նշենք, որ The Moon-ի նախագծմամբ և արտադրությամբ զբաղվող 1-Ring ընկերությունը գրանցված է ԱՄՆ-ում, սակայն թիմն ամբողջությամբ հայկական է։ Այսինքն, The Moon-ը դառնում է հերթական հայկական ամենախելացի սարքը։

moon3

ԱՄԵՆԱԿԱՐԴԱՑՎԱԾ ԼՈՒՐԵՐ

Որտեղից են փող ստանում հայերը

Հայաստանի տնային տնտեսությունների ամսական անվանական դրամական եկամուտները 1 շնչի հաշվով 2016 թվականին կազմել են 56 544 դրամ։

Տնտեսական ակտիվության աճն արագացել է՝ 7%

2017 թվականի հունվար-հոկտեմբերին՝ նախորդ տարվա նույն ժամանակահատվածի համեմատ, ՀՀ տնտեսական ակտիվությունն աճել է 7%-ով

ՀՀ կենսաթոշակային ֆոնդերի հետաքրքրությունը պետական պարտատոմսերի նկատմամբ թուլացել է

ՀՀ կենսաթոշակային ֆոնդերի ակտիվների 34%-ը արտարժութային են