Մուտք
Invalid username or password
Հայկական գինու միջազգային պահանջարկը շարունակում է աճել
Վերադարձ լուրերի բաժին
11:27 , 04 Դեկտեմբեր 2019
Դիտումներ1650
2019 թվականի առաջին կիսամյակում 2018 թվականի նույն ժամանակահատվածի համեմատ գինիների արտահանման աճ է նկատվում: Այդ մասին ասել է Հայաստանի խաղողագործության և գինեգործության հիմնադրամի տնօրեն Զարուհի Մուրադյանը: Այս տարի բավականին ծանրաբեռնված աշխատանքային օրեր են եղել, և տարբեր ծրագրեր ենք իրականացրել խաղողագործության և գինիների ճանաչելիության բարձրացման ու արտահանման ուղղությամբ:
2019 թվականի ընթացքում հայկական գինիները ներկայացվել են միջազգային տարբեր ցուցահանդեսներում՝ Ռուսաստանում, Չինաստանում, Լեհաստանում, Կանադայում և այլն: «Միջազգային հարթակներում հայաստանյան գինեգործությունը ներկայացնելիս ոլորտի մասնագետները, հաճախ ստիպված են լինում պայքարել հանուն խաղողի հնագույն տեսակները հայկական կոչելու իրավունքի։ Հաճախ դրանք ներկայացվում են որպես ադրբեջանական կամ վրացական տեսակներ։ Մեր «Արենի» և «Ոսկեհատ» խաղողները եվրոպական էլեկտրոնային բազայում նշված էին որպես ադրբեջանական տեսակներ»,- ասել է Մուրադյանը։
Անդրադառնալով հայկական գինու արտահանման տվյալներին՝ Մուրադյանը նշել է, որ 2019 թվականին 2018 թվականի համեմատ գինիների արտահանման աճ է նկատվում: «Արտերկրում հայկական գինու պահանջարկը շարունակում է բարձր մնալ։ 2018 թվականի առաջին կիսամյակի համեմատ, 2019 թվականի նույն ժամանակահատվածում շուրջ 300 000 լիտր գինի ավելի է արտահանվել: Արտահանման ծավալների հստակ և վերջնական տվյալները պարզ կդառնան տարեվերջին»,- ասել է Հայաստանի խաղողագործության և գինեգործության հիմնադրամի տնօրենը։ Հայկական գինու երկրորդ շուկան Չինաստանն է, իսկ առաջինը՝ Ռուսաստանը: Զարուհի Մուրադյանն ընդգծել է, որ Չինաստան ավելի շատ արտահանվում են ոչ թե խաղողի, այլ մրգային գինիներ։
Արմենպրես
Դիտումներ 1650
ԱՄԵՆԱԿԱՐԴԱՑՎԱԾ ԼՈՒՐԵՐ
ԵԱՏՄ-ում չօգտագործված մեծ ներուժ կա
Նիկոլ Փաշինյանը համոզված է, որ Հայաստանը ԵԱՏՄ-ում շուտով կներկայանա նոր նախաձեռնություններով:
ՏԵՍԱՆՅՈՒԹ: ՊԵԿ-ը 2019 թվականին արձանագրվել է մաքսային իրավախախտման 202 դեպք:
Մաքսանենգները գերազանցապես փորձել են տեղափոխել թմրամիջոցներ:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։