Մուտք

Invalid username or password

Մոռացե՞լ եք գաղտնաբառը

ՀԱՅԲԻԶՆԵՍԲԱՆԿԸ հորդորում է ուշադիր լինել և չընկնել ֆինանսական թակարդը

Վերադարձ լուրերի բաժին

12:43 , 01 Սեպտեմբեր 2020

b4b.am

ՀԱՅԲԻԶՆԵՍԲԱՆԿԸ շարունակում է զարգացնել իր կողմից մատուցվող ծառայությունները՝ միաժամանակ հաճախորդների համար իրականացնելով ֆինանսական կորուստներից զերծ մնալու և խարդախություններին զոհ չգնալու կանխարգելիչ միջոցառումներ:

Կարևորելով հաճախորդների անվտանգությունը՝ բանկը տեղեկացնում է, որ վերջերս անհայտ անձինք սոցիալական ցանցերի էջերին կամ էլեկտրոնային հասցեներին ուղղված հայերեն նամակների միջոցով՝ քաղաքացիներին առաջարկում են ցածր տոկոսով վարկեր՝ հորդորելով տրամադրել իրենց անձնագրային տվյալները՝ վարկային հայտը դիտարկելու նպատակով: Դրանից հետո վարկային հայտի վերջնական դիտարկման և ձևակերպման համար նոտարական ծախսի փոխհատուցման նպատակով առաջարկում են իրականացնել փոխանցում արագ դրամական համակարգերի միջոցով։ Միաժամանակ, նշված անձինք քաղաքացիներին հորդորում են գումարը փոխանցելիս բանկում չհայտնել վերոգրյալի վերաբերյալ և որպես գործարքի նպատակ նշել՝ «փոխանցում ընկերոջը»:

Հաշվի առնելով, որ նմանատիպ գործարքները պարունակում են արտաքուստ գրավիչ պայմաններով բիզնես առաջարկ՝ առերևույթ խարդախության հատկանիշներով, Բանկը հորդորում է.
• Չարձագանքել սոցիալական ցանցերի էջերին կամ էլեկտրոնային հասցեներին ուղղված նամակներին, որոնք առաջարկում են ցածր տոկոսով վարկեր:
• Ցուցաբերել զգոնություն և ուշադրություն արագ դրամական համակարգերով փոխանցումներ իրականացնելիս,
• Փոխանցումներ կատարելիս նշել գործարքի իրական նպատակը՝ ունենալով հիմնավորող փաստաթղթեր։
• Չտրամադրել անձնագրային տվյալներ կասկածելի անձանց՝ վարկային հայտը դիտարկելու համար:
• Չիրականացնել գործարք՝ բավարար և հավաստի տեղեկատվություն չստանալու և/կամ հավաքագրված տեղեկատվության նկատմամբ անվստահություն ունենալու և ցանկացած հնարավոր խարդախության կասկածի դեպքում:

Բանկը վերահսկվում է ՀՀ Կենտրոնական բանկի կողմից:

ԱՄԵՆԱԿԱՐԴԱՑՎԱԾ ԼՈՒՐԵՐ

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում

Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը:

Ucom-ը երկարացնում է անասահմանափակ ինտերնետի առաջարկը Level up 4700 և Level up 5500 բաժանորդների համար

Բաժանորդները կշարունակեն օգտվել անսահմանափակ ինտերնետից մինչև 2022 թվականի հունվարի 31-ը:

Ucom-ի աշխատակիցները պարգեւատրվել են հայրենիքին մատուցած ծառայությունների համար

2021 թվականի օգոստոսի 9-ին Ucom-ի անվտանգության բաժնի ղեկավար Արամ Սարգսյանին շնորհվել է «Երախտագիտություն» մեդալը Արցախի Հանրապետության նախագահ Արայիկ Հարությունյանի կողմից։