Մուտք

Invalid username or password

Մոռացե՞լ եք գաղտնաբառը

Հայաստան – ԵԱՏՄ առևտրի առանձնահատկությունները 2018թ. առաջին կիսամյակում

Վերադարձ լուրերի բաժին

09:15 , 20 Օգոստոս 2018

2018 թվականի հունվար-հունիս ամիսներին ՀայաստանԵԱՏՄ առևտրաշրջանառության ծավալը 915.7 մլն դոլար։ Այս մասին տեղեկանում ենք ՀՀ Վիճակագրական կոմիտեից։

2017 թվականի առաջին կիսամյակի համեմատ՝ ԵԱՏՄ երկրների հետ մեր առևտուրն աճել է 20.4%-ով։ Նույն ժամանակահատվածում՝ ՀՀ ընդհանուր արտաքին առևտրաշրջանառությունն աճել է 28.9%-ով։

ՀՀ- ԵԱՏՄ առևտրի ավելի դանդաղ աճի արդյունքում՝ ԵԱՏՄ-ի տեսակարար կշիռը Հայաստանի արտաքին առևտրաշրջանառության մեջ նվազել է 1.9 տոկոսային կետով՝ 28.2%-ից հասնելով 26.3%-ի։

Հայաստան- ԵԱՏՄ առևտրի մոտ 97%-ը (885.8 մլն դոլար) բաժին է ընկնում Ռուսաստանին։ ՀՀ – ՌԴ առևտուրն աճել է 19.9%-ով։ Ընդհանուր առմամբ, Ռուսաստանին բաժին է ընկնում ՀՀ ամբողջ արտաքին առևտրաշրջանառության 1/4 մասը։

Բելառուսի հետ 2018 թվականի առաջին կիսամյակում արել ենք 23.7 մլն դոլարի առևտուր, Ղազախստանի հետ՝ 5.9 մլն դոլարի, Ղրղզստանի հետ՝ ընդամենը 403.5 հազար դոլարի։

arm-eatm-2018

 Հայաստան- ԵԱՏՄ առևտրաշրջանառության հաշվեկշիռն առաջին կիսամյակում բացասական է. 335.1 մլն դոլարով ավելի շատ ներմուծել ենք, քան արտահանել (արտահանման ծավալն առաջին կիսամյակում 290.3 մլն դոլար է, ներմուծումը՝ 625.4 մլն դոլար)։

ԵԱՏՄ անդամ չորս երկրներից երկուսի՝ Ռուսաստանի և Բելառուսի գծով, ունենք բացասական հաշվեկշիռ, մյուս երկուսի՝ Ղազախստանի և Ղրղզստանի գծով՝ դրական։

Նշենք նաև, որ Ռուսաստանի հետ մեր առևտրի միտումը առաջին կիսամյակում եղել է հօգուտ մեզ՝ արտահանումն ավելի արագ է աճել, քան ներմուծումը։ Այսպես, Հայաստանից Ռուսաստան արտահանումը նախորդ տարվա առաջին կիսամյակի համեմատ աճել է 27.5%-ով և կազմել 281.2 մլն դոլար։ Իսկ Ռուսաստանից Հայաստան ներմուծումը (ըստ ապրանքի ծագման երկրի) աճել է 16.6%-ով և կազմել 604.6 մլն դոլար։

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանից Ռուսաստան արտահանումն ավելացել է 20%-ով

Հայաստանից Ռուսաստան արտահանումը 2018թ. ավելացել է ավելի քան 20%-ով՝ կազմելով 666 միլիոն 501.7 հազար դոլար: Եվրասիական փորձագիտական ակումբի մասնագետների գնահատմամբ՝ այդ ցուցանիշն ապահովել է նախորդ 3 տարիներին գրանցված աճի շարունակականությունը: b4b.am-ի հաղորդմամբ՝ «Արմենպրես»-ի մամուլի սրահում փետրվարի 16-ին այդ մասին հայտնել է «Ինտեգրացիա և զարգացում» ՀԿ նախագահ, Եվրասիական փորձագիտական ակումբի համակարգող Արամ Սաֆարյանը: «Հայաստանից արտահանման ծավալները, […]

Հայաստանից ԵԱՏՄ արտահանման ծավալն աճել է

Եվրասիական տնտեսական միության շուկան արտահանման առումով Հայաստանի համար մեծ առավելություններ ու նշանակություն ունի, իսկ առաջացող տեխնիկական և այլ խնդիրներն անմիջապես լուծում են ստանում հենց Հայաստանի առաջարկությամբ: Արդյունքում ԵԱՏՄ երկրների հետ առևտրաշրջանառութունը նախորդ տարի աճել է 11.3 տոկոսով: Հայաստանից արտահնման ծավալը կազմել է 688 մլն 976 հազար դոլար, որը 2017-ի համեմատ ավելացել է 20.7 տոկսով: «Արմենպրես»-ի […]

ԱԺ-ն շարունակում է քննարկել կառավարության ծրագիրը. ՈՒՂԻՂ

Գործադիրի ղեկավարին հարց տալու համար հերթագրվել է 53 պատգամավոր: