Մուտք

Invalid username or password

Մոռացե՞լ եք գաղտնաբառը

Հայաստանցիների 15%-ն է ցանկանում աշխատել հարկայինում. ինչո՞ւ են ցանկանում և ինչո՞ւ՝ ոչ

Վերադարձ լուրերի բաժին

00:01 , 09 Ապրիլ 2018

Որպես հարկային տեսուչ աշխատել ցանկացողները շատ չեն, ընդամենը 15 տոկոս: Հարցվածների 81 տոկոսը մերժել են այդ գաղափարը: Այս մասին են վկայում է հարկային բարեփոխումների ընկալումների հետազոտության արդյունքները, որն անցկացվել է «Հետազոտական ռեսուրսների կովկասյան կենտրոն – Հայաստան» կազմակերպության կողմից (ֆինանսավորումը՝ Deloitte-ի կողմից)։

Հարցումն անցկացվել է 2016թ. օգոստոս-դեկտեմբեր ժամանակահատվածում։ Ընդ որում, 2013թ. իրականացված հարցման արդյունքների համեմատ, երեք տարի հետո հարկային տեսուչ աշխատել ցանկացողների տեսակարար կշիռը 19 տոկոսից իջել է 15 տոկոսի:

harkayin1

Հարկային մարմնում աշխատել ցանկացողների զգալի մասը հետամուտ է եղել պարզապես աշխատանքի կամ ազդեցիկ ու հնարավորություններ ընձեռող, եկամտաբեր զբաղմունքի, մի մասն էլ նպատակ են ունեցել աշխատել հարկային մարմնում “արդարացի աշխատելու, համակարգը օգտակար դարձնելու և ի նպաստ ժողովրդի աշխատելու” համար: «Նվիրված» մարդկանց այդ խումբը, փաստորեն, կազմում է հարցվածների 4 տոկոսը կամ հարկային մարմնում աշխատել ցանկացողների 23 տոկոսը:

Նրանք, ովքեր չէին ուզենա աշխատել հարկային մարմնում, իբրև պատճառ մատնանշել են ինչպես իրենց հատուկ հմտությունների ու գիտելիքի անբավարար մակարդակը, աշխատանքի անհետաքրքիր լինելն ու բարդությունը, այնպես էլ անհարգելի աշխատանքը և համակարգի անարդարությունը:

harkayin2

Բացի վերը նշված «նվիրված» մարդկանց խմբի, կա նաև խոստումնալից ինտելեկտուալների մի խումբ, ում գրավում է աշխատանքի հետաքրքիր լինելը (15 տոկոս): Հետագա ուսումնասիրությունները ցույց են տալիս, որ այս հաշվետվությունում քննարկվող բոլոր հիմնական հարցերում հարկային տեսուչ աշխատել ցանկացող անձանց պատասխանները՝ հարկերի վճարելու պատրաստակամության, օրինական կարգով աշխատող վաճառողների հետ գործ ունենալու և այլ հարցերում ցույց են տվել միջինից բարձր մեծություններ։

harkayin3

ԱՄԵՆԱԿԱՐԴԱՑՎԱԾ ԼՈՒՐԵՐ

«Նա չկարողացավ տանել անաչառ արբիտրի դերը». Տիգրան Ավինյանի պատասխանը Արթուր Գրիգորյանինն

Աշխատանքային էթիկան այսքան ժամանակ թույլ չի տվել խոսել առկա բազմաթիվ բացթողումների մասին, սակայն թերևս այսօր կբերեմ միայն մի օրինակ՝ ցույց տալու համար այն անհեթեթ իրավիճակը, որի մեջ մենք հայտնվում էին պարբերաբար պարոն Գրիգորյանի բուռն գործունեության շնորհիվ: