Մուտք

Invalid username or password

Մոռացե՞լ եք գաղտնաբառը

Հայաստանում տաքսիների միջոցով ուղևորափոխադրումները կտրուկ աճել են

Վերադարձ լուրերի բաժին

00:01 , 22 Հոկտեմբեր 2018

2018 թվականի օգոստոսին Հայաստանում ուղևորաշրջանառության ծավալը՝ ըստ ընդհանուր օգտագործման տրանսպորտի տեսակների, կազմել 234.1 մլն ուղևոր-կմ։ Այս մասին տեղեկանում ենք ՀՀ վիճակագրական ծառայության զեկույցից։ 2017 թվականի օգոստոսի համեմատ ցուցանիշը նվազել է 2.5%-ով։

Իսկ հունվար-օգոստոսի կտրվածքով ուղևորաշրջանառության ծավալը նվազել է 5.1%-ով և կազմել 1 649.9 մլն ուղևոր-կմ։

Նշենք, որ ուղևորափոխադրումների դինամիկան խիստ տարբերվում է՝ ըստ տրանսպորտի տեսակների։

Այսպես, երկաթուղային ուղևորափոխադրումները այս տարվա օգոստոսին՝ նախորդ տարվա օգոստոսի համեմատ, չեն փոխվել՝ 16.6 մլն ուղևոր-կմ։ Իսկ հունվար-օգոստոսին՝ նախորդ տարվա նույն ժամանակահատվածի համեմատ, երկաթուղային ուղևորափոխադրումներն աճել են 6.4%-ով և կազմել 44.7 մլն ուղևոր-կմ։

Օդային տրանսպորտով իրականացված ուղևորափոխադրումները օգոստոսին աճել են 25%-ով (ծավալը՝ 27.5 մլն ուղևոր-կմ), հունվար-օգոստոսին՝ 44.8%-ով (ծավալը՝ 85.6 մլն ուղևոր-կմ)։

Էլեկտրատրանսպորտային ուղևորաշրջանառությունները օգոստոսին՝ նախորդ տարվա օգոստոսի համեմատ, աճել են 10.1%-ով և կազմել 7.6 մլն ուղևոր-կմ։ Աճի գրեթե նույնպիսի դինամիկա է նաև հունվար-օգոստոսի կտրվածքով՝ 10.2% աճ (ուղևորաշրջանառության ծավալը՝ 60.3 մլն ուղևոր-կմ)։

Ավտոմոբիլային ուղևորափոխադրումները, որոնց բաժին է ընկնում ընդհանուր ուղևորաշրջանառության 88%-ը, նվազել են թե՛ ամսական, թե՛ ժամանակահատվածի կտրվածքով։

Այսպես, 2018 թվականի օգոստոսին ավտոմոբիլային ուղևորաշրջանառության ծավալը կազմել է 182.4 մլն ուղևոր-կմ, ինչը 6.3%-ով ցածր է 2017 թվականի օգոստոսի ցուցանիշից։ Իսկ հունվար-օգոստոսի կտրվածքով՝ ավտոմոբիլային ուղևորափոխադրումները նվազել են 7.8%-ով և կազմել 1 459.3 մլն ուղևոր-կմ։

Ուշագրավն այն է, որ ավտոմոբիլային ուղևորաշրջանառության մեջ ոտրնող տաքսիների ցուցանիշները հակառակը՝ կտրուկ աճել են։ Այս տարվա օգոստոսին տաքսիների միջոցով կատարված ուղևորաշրջանառությունը կազմել  8.1 մլն ուղևոր-կմ, ինչը 58.8%-ով բարձր է 2017 թվականի օգոստոսի ցուցանիշից։ Իսկ 2018 թվականի հունվար-օգոստոսին՝ նախորդ տարվա հունվար-օգոստոսի համեմատ, տաքսիների միջոցով կատարված ուղևորաշրջանառությունն աճել է 30.7%-ով և կազմել 53.7 մլն ուղևոր-կմ։

ԱՄԵՆԱԿԱՐԴԱՑՎԱԾ ԼՈՒՐԵՐ

«Կառավարության գործողությունները և անգործությունը Լիդիանի ներդրումային ծրագրի դեմ թիրախավորած արշավի մաս են»,- Լիդիան

«Կաշխատենք նաև ELARD-ի հետ, որը ինչպես ներկայացվում է կառավարության կողմից, իրականացնելու է վերջին աուդիտը»,- Լիդան:

Կուսումնասիրեն Հայկական ԱԷԿ-ի՝ մինչև 600 մեգավատ հզորությամբ էներգաբլոկ ունենալու հնարավորությունը

Հայկական ատոմային էլեկտրակայանում շարունակվում են շահագործման ժամկետի երկարաձգման աշխատանքները, որի համար դեռ 2014-2015 թվականներին Հայաստանը Ռուսաստանի Դաշնության հետ ստորագրել է համագործակցության և ֆինանսավորման մասին երկու համաձայնագիր: b4b.am-ի հաղորդմամբ` Հայաստանում ատոմային էներգետիկայի զարգացման հեռանկարները պանելային քննարկման ժամանակ լրագրողների հետ զրույցում Հայաստանի էներգետիկ ենթակառուցվածքների և բնական պաշարների նախարարության էներգետիկայի վարչության ատոմային էներգետիկայի բաժնի պետ Արտեմ Պետրոսյանն ասաց, […]

Քննարկվել են ՀՀ կառավարության և Գերմանական զարգացման բանկի միջև համագործակցության ընդլայնմանը վերաբերող հարցեր

Վարչապետ Նիկոլ Փաշինյանն ընդունել է Գերմանական զարգացման բանկի (KfW) տարածաշրջանային տնօրեն Օլաֆ Ցիմելկայի գլխավորած պատվիրակությանը: Այդ մասին b4b.am-ին հայտնեց կառավարության մամուլի բաժինը։ Կառավարության ղեկավարն ընդգծել է, որ մի քանի ամիսների ընթացքում երկու երկրների միջև տեղի են ունեցել բարձր մակարդակի փոխայցելություններ, որոնք նոր թափ կհաղորդեն հայ-գերմանական բարեկամական հարաբերություններին: Նիկոլ Փաշինյանի խոսքով՝ այդ հարաբերություններում կարևոր տեղ ունի […]