Մուտք

Invalid username or password

Մոռացե՞լ եք գաղտնաբառը

Հայաստանն ու մյուսները՝ Doing Business-ում. համեմատական

Վերադարձ լուրերի բաժին

00:01 , 27 Հոկտեմբեր 2016

Ինչպես արդեն տեղեկացրել ենք, Հայաստանը 5 հորիզոնականով առաջադիմել է Համաշխարհային բանկի խմբի «Գործարարություն 2017: Հավասար հնարավորություն բոլորի համար» (Doing Business 2017: Equal Opportunity for All) զեկույցում։ Մենք այժմ գործարարությամբ զբաղվելու դյուրինության առումով 190 երկրների շարքում 38-րդն ենք՝ նախորդ զեկույցում զբաղեցրած 43-րդ տեղի փոխարեն։

5 հորիզոնականով առաջադիմելն, իհարկե, վատ չէ։ Սակայն դա բավարա՞ր է։

Բանն այն է, որ ներդրումներ ներգրավելը նույնպես մրցակցություն է՝ երկրների միջև։ Ու այս առումով, եթե կարևորում ենք Doing Business-ը, ապա այդ զեկույցում մեր դիրքն ու տեղաշարժը պետք է դիտարկել համեմատության մեջ՝ հարևանների ու գործընկերների հետ։

Մենք կազմել ենք համեմատական աղյուսակի՝ Հայաստանին սահմանակից երկրների և նախկին ԽՍՀՄ երկրների համար, որտեղ ներկայացված է նրանցից յուրաքանչյուրի դիրքը Doing Business 2016 և Doing Business 2017 զեկույցներում, ինչպես նաև՝ այդ դիրքի փոփոխությունը (առաջընթացը կամ նահանջը)։

doing-business-texasharj

Ինչպես տեսնում եք, համեմատության մեջ (փոփոխությունների առումով) պատկերն այնքան էլ փայլուն չէ բավականին տխուր է։

Վրաստանը առաջադիմել է 7 հորիզոնականով և արդեն 16-րդ տեղում է։ Եվրասիական տնտեսական միության անդամ երկրներից Բելառուսը բարձրացել է 13 տեղով և 50-րդ հորիզոնականից հայտնվել 37-րդում (մեզնից առաջ)։ Ղազախստանն ընդհանրապես փայլուն արդյունքներ է գրանցել. 51-րդ տեղից բարձրացել է 35-րդ տեղը (16 տեղով առաջընթաց)։ Ընդհանրապես, ինչպես նշվում է զեկույցում, երկրորդ տարին շարունակ Ղազախստանը իրականացված բարեփոխումների թվով աշխարհում առաջատար է: Այսինքն, այս երկրների հետ մրցակցության մեջ տանուլ ենք տալիս։

Իհարկե, կարող ենք ինքներս մեզ մխիթարել, որ Doing Business-ում մեր դիրքերն ավելի լավ են, քան Ռուսաստանինը (40-րդ տեղ, 4 տեղով նահանջ), Ղրղզստանինը (75-րդ տեղ, 2 տեղով նահանջ) կամ Ադրբեջանինը (65-րդ տեղ, 4 տեղով նահանջ)։ Սակայն Ռուսաստանին չի կարելի մեզ մրցակից դիտակել՝ ներդրումների ներգրավման տեսանկյունից, քանի որ Ռուսաստանը մեզ համար ավելի շատ ներդրումների աղբյուր է (այսինքն՝ մրցակցում ենք ուրիշների հետ՝ ՌԴ-ից ներդրումներ ներգրավելու առումով)։

Իսկ Ղրղզստանն ու Ադրբեջանը կարծում ենք չեն կարող Հայաստանի համար նշաձող լինել, եթե ցանկանում ենք նոր որակի փոփոխություն։

ԱՄԵՆԱԿԱՐԴԱՑՎԱԾ ԼՈՒՐԵՐ

ՊԵԿ-բիզնես գործընկերային երկխոսությունը՝ կոմիտեի առաջնահերթություն

ՊԵԿ նախագահ Էդվարդ Հովհաննիսյանը խոշոր հարկ վճարողների հետ քննարկել է ոլորտի խնդիրները և հստակեցրել գործընկերային ուղենիշները:

Ucom-ը հավելյալ ռեսուրսներ է ներդրել որակի ապահովման համար

Ucom ընկերության ձայնային ծառայություններից օգտվող բաժանորդները կարճատև անհարմարություն են ունեցել տվյալների փոխանցման և որոշ դեպքերում նաև ձայնային ծառայություներից օգտվելիս։

Ինչքանո՞վ պետությունը նպաստեց ՀՆԱ-ի անկման մեղմմանը 2020թ-ին

Կարող ենք ասել, որ պետական ծախսերի աճի շնորհիվ պետությունը 2020թ-ին ավելի քան 2%-ային կետով նպաստել է ՀՆԱ-ի անկման մեղմմանը: