Մուտք
Invalid username or password
Հայաստանն ու Բելառուսը քննարկում են տրակտորների հավաքման և արտահանման հարցը
Վերադարձ լուրերի բաժին
15:11 , 10 Հուլիս 2019
Դիտումներ258
Տարածքային կառավարման և ենթակառուցվածքների նախարար Սուրեն Պապիկյանը Բելառուս կատարած աշխատանքային այցի շրջանակում այդ երկրում մեր դեսպան Արմեն Ղևոնդյանի ուղեկցությամբ այցելել է Մինսկի տրակտորների գործարան, ծանոթացել գործարանի արտադրական հնարավորություններին և տրակտորների հավաքման գործընթացին։
Տարածքային կառավարման և ենթակառուցվածքների նախարարության մամուլի ծատայությունը հայտնել է, որ ընկերության մարքեթինգային տնօրենի տեղակալ Ալեքսանդր Կազակևիչի հետ հանդիպման ընթացքում նախարար Սուրեն Պապիկյանը նշել է, որ բելառուսական տրակտորները մեծ պահանջարկ ունեն Հայաստանում, և ինչպես գյուղատնտեսության մեջ, այնպես էլ լայնածավալ ճանապարհաշինական, շինարարական աշխատանքներում, մեքենասարքավորումների արդիականացման անհրաժեշտություն կա։ Այս համատեքստում հայկական կողմը հետաքրքրված է բելառուսական տրակտորների վերջին մոդելների ներկրմամբ։
Ալեքսանդր Կազակևվիչը նախարարին հայտնել է, որ բելառուսական տրակտորների մատակարարումը Հայաստան իրականացվում է 1992 թ. ի վեր։ Մինչ օրս ներկրվել է 1000 տրակտոր, որից միայն 104-ը՝ 2018 թ. իսկ 2019թ. նախատեսվում է մատակարարել 115 միավոր տրակտոր։ Կազակևիչի խոսքերով՝ բելառուսական ընկերությունը պատրաստ է ընդլայնել համագործակցությունը Հայաստանի հետ և դիտարկել մեքենասարքավորումների արտահանման ծավալները մեծացնելու հեռանկարը։
Հանդիպմանը քննարկվել են նաև Հայաստանում բելառուսական տրակտորների հավաքման արտադրություն ստեղծելու և դրանք Հայաստանի տարածքից Մերձավոր Արևելքի երկրներ արտահանելու հնարավորությունը։
Դիտումներ 258
Այս տարի նվազել է առաջին անգամ Եմ երկրներում ապաստն հայցած ՀՀ քաղաքացիների թիվը
Անցած երեք տարիներին առաջին անգամ այդ թիվը 2000-ից պակաս է եղել:
Արմեն Սարգսյանն ընդունել է HSBC բանկի միջազգային հարցերով գործադիր տնօրենին
Քրիստոֆեր Դեյվիսն իր հերթին նշել է, որ HSBC-ն Հայաստանում ներդրել է լավագույն չափանիշները, և բանկի հայաստանյան թիմը համարվում է ամենապատրաստվածներից մեկը:
2019 թ. Առաջին կիսամյակում գազի կորուստը երբևէ արձանագրված ամենացածր մակարդակին է եղել
Այդ մասին հայտնել է ՀՀ վարչապետը:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։