Մուտք

Invalid username or password

Մոռացե՞լ եք գաղտնաբառը

Հայաստանն ու Բելառուսը ՏՏ ոլորտում համագործակցության մեծ հեռանկարներ ունեն

Վերադարձ լուրերի բաժին

Հեղինակ

B4B.am

Խորագրեր

ԵՏՄ
Լուրեր

00:35 , 02 Հուլիս 2019

Հայաստանն ու Բելառուսը ծանոթանում են միմյանց փորձին տեղեկատվական տեխնոլոգիաների ոլորտում: Մինսկում գտնվող «Սինոփսիս Արմենիա»-ի տնօրեն, Հայաստանի ազգային ճարտարագիտական համալսարանի հոգաբարձուների խորհրդի նախագահ Հովիկ Մուսայելյանը «Արմենպրես»-ի հետ զրույցում նշեց, որ այցը լավ հնարավորություն է տեսնելու, թե երկրները տեխնոլոգիական զարգացման ուղղությամբ ինչ առաջընթաց են գրանցել:

«Տեղեկատվական տեխնոլոգիաների ոլորտը բավական ընդգրկուն է: Երբ մենք խոսում ենք մրցակցային գործոնների մասին, ապա պետք է հստակ ասենք, թե որ ուղղության մասին է խոսքը: «Մինսկի տեխնոլոգիական կենտրոն»-ն ունի տպավորիչ ցուցանիշներ: Առաջին հերթին կառանձնացնեմ այն հանգամանքը, որ այնտեղ 500-ից ավելի ընկերություններ են գործում: Երկրորդը՝ այնտեղ կան իրական արտոնություններ: Եթե երկրում միջին եկամտահարկը 13-16 տոկոս է, նայած, թե ինչ գործունեության ոլորտ է, ապա այստեղ 9 տոկոս է: Ավելին, այստեղ ոչ ոք չի ասում, որ ՏՏ ոլորտի եկամուտը շատ է, եկեք ավելի շատ հարկենք, հակառակը՝ գնում է նվազեցում՝ խրախուսելով օտարերկրյա ներդրումները»,- ասաց նա:

Հովիկ Մուսայելյանը նշեց, որ Բելառուսում տեխնիկական ուղղվածության բուհերը տարեկան ունենում են ՏՏ մասնագիտությունների գծով 5-6 հազար շրջանավարտ: Եվ նրանք բոլորը պահանջված են մասնավոր ընկերություններում՝ անկախ նրանց առաջադիմությունից: Նրանց վստահվում է աշխատանք իրենց գիտելիքներին համապատասխան:

«Մի բան հստակ է՝ կրթական համակարգն ինչպես Հայաստանում, այնպես էլ Բելառուսում հետ է մնում տեխնոլոգիական զարգացումներից: Եթե լրջագույն ներդրումներ չարվեն համալսարանական ծրագրերում, ապա անջրպետ կառաջանա: Կոնկրետ մեր երկրում մոտ 3 հազար որակյալ կադրերի պակաս ունենք»,- ասաց նա:

Հովիկ Մուսայելյանը տեղեկացրեց, որ ՀՀ նախագահը տեխնոպարկի ղեկավարությանը հրավիրել է Հայաստան: Դա լավ հնարավորություն է մանրամասն բելառուսական ընկերություններին ներկայացնելու Հայաստանի հնարավորությունները:

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանի և ՌԴ Սվերդլովսկի մարզի միջև նախանշվել են համագործակցության զարգացման հեռանկարները

«Մենք զգալի հեռանկարներ ենք տեսնում Սվերդլովսկի և Հայաստանի ձեռնարկությունների փոխշահավետ համագործակցության զարգացման համար, մասնավորապես՝ տրանսպորտի, մեքենաշինության և սարքաշինության ոլորտներում», – Ալեքսեյ Օրլովը:

Վարչապետ Նիկոլ Փաշինյանը Իրանի նախագահ Հասան Ռոհանիի հետ քննարկել է երկկողմ գործակցությունը

Կողմերը քննարկել են նաև Իրան-Եվրասիական տնտեսական միություն համագործակցության զարգացման հեռանկարները, ինչպես նաև մտքեր փոխանակել տարածաշրջանում տեղի ունեցող զարգացումների վերաբերյալ:

Տիգրան Խաչատրյանը մասնակցում է GMIS 2019-ին

Գագաթնաժողովի նպատակն է արտադրողների, կառավարությունների, ՀԿ-ների, տեխնոլոգների և ներդրողների միջև կամուրջներ ստեղծել, ինչպես նաև քննարկել Չորրորդ Արդյունաբերական հեղափոխության գլոբալ տնտեսության վերափոխման հեռանկարները։