Մուտք

Invalid username or password

Մոռացե՞լ եք գաղտնաբառը

Հայաստանն ունի առավելություններ, որոնք կարող է ներկայացնել աշխարհին. «CityBranding» ընկերության տնօրեն

Վերադարձ լուրերի բաժին

15:45 , 22 Մարտ 2017

Հայաստանն ունի բազմաթիվ առավելություններ, որոնք կարող է հաջողությամբ  ներկայացնել աշխարհին: Երևանում ընթացող «Ճգնաժամից դեպի զարգացում՝ սնուցվելով հաղորդակցությամբ» խորագրով ֆորումի ընթացքում նման կարծիք է հայտնել Ռուսաստանում գործող «CityBranding» ընկերության գործադիր տնօրեն Վասիլի Դուբեյկովսկին:

«Հիանալի երկիր է Հայաստանը:  Մարդիկ ասում են, որ Հայաստանը փոքր երկիր  է, դրա համար աշխարհում որոշ մարդիկ չգիտեն այս երկրի մասին: Բայց Հայաստանն ունի բազմաթիվ առավելություններ, որոնք կարելի է ներկայացնել ողջ աշխարհին: Բրենդավորումը ոչ թե խնդիրների մասին խոսելն է, քանի որ մյուսներին չեն հետաքրքրում ձեր խնդիրները, այլ խոսելն է այն մասին, թե ի՞նչ կարող եք անել, որո՞նք են ձեր առանձնահատկությունները»,- «Արմենպրես»ի հաղորդմամբ՝ ընդգծել է Դուբեյկովսկին: Նրա խոսքով՝ բրենդավորման հարցերով ոչ թե պետք է մեկ մարդ կամ մեկ բաժին զբաղվի, այլ բոլոր բնակիչները պետք է դառնան տվյալ տեղանքի բրենդավորման հենակետը: «Հայաստանի բնակչությունից երկու անգամ ավելի շատ հայ է ապրում Հայաստանից դուրս:

Հայաստանի համար լավ հնարավորություն է օգտագործել այդ գործիքը: Նրանց պետք է օգտագործել որպես հենակետեր ձեր երկրի մասին տեղեկատվություն տարածելու համար: Պետք է Հայաստանից դուրս բնակվող հայերի հետ տարբեր նախագծեր իրականացնել»,- ասել էԴուբեյկովսկին:

Նա նաև  նշել է, որ իրազեկվածությունը երկրների ամենակարևոր չափանիշն է  կորպորատիվ բրենդավորում անելիս: Նրա գնահատմամբ՝ երբ խոսում են երկրի բրենդավորման մասին, չեն կարող անտեսել երկրի պատմությունը, ավանդույթները:

«CityBranding» ընկերության գործադիր տնօրենն ընդգծում է, որ երկրների մասին առաջինը մարդիկ տեղեկանում են դեռ դպրոցական տարիքից՝ աշխարհագրության, պատմության, գրականության դասագրքերից: Երկրի ներկայացման համար շատ է օգտագործվում նաև մշակույթն ու խոհանոցը:

ԱՄԵՆԱԿԱՐԴԱՑՎԱԾ ԼՈՒՐԵՐ

Մանե Թանդիլյանի պարզաբանումը՝ կուտակային կենսաթոշակային համակարգի հետ կապված խոսակցությունների կապակցությամբ

Ինչպես հայտնի է, այս տարվա հուլիսի 1-ից պետք է ուժի մեջ մտնի կուտակային կենսաթոշակային համակարգի պարտադիր բաղադրիչը։ 

Առաջարկներ «անցումային կառավարությանը»՝ տնտեսագետ Արտակ Մանուկյանից

Ստվերի հարկումից հետո հնարավոր է կարճաժամկետում գեներացնել առնվազն 180 մլն ԱՄՆ դոլար (86 մլրդ դրամ)-մոտ 2400 դրամ ամսական մեկ բնակչին

Փոքր ու միջին ձեռնարկատերերը «ծաղկաքաղ» են անում ՓՄՁ զարգացմանը խոչընդոտող խնդիրները

Ասոցիացիան մշակելու է մի քանի տասնյակ խնդիրները և ներկայացնելու է ՀՀ նոր կառավարությանը