Մուտք

Invalid username or password

Մոռացե՞լ եք գաղտնաբառը

Հայաստանյան BetConstruct-ը դարձել է Արսենալի պաշտոնական գործընկեր

Վերադարձ լուրերի բաժին

14:41 , 06 Փետրվար 2019

Ծրագորման ոլորտի առաջատար հայաստանյան BetConstruct ընկերությունը դարձել է լոնդոնյան Արսենալ ֆուտբոլային ակումբի գործընկեր՝ խաղային ծրագրային ապահովման գծով։ Այս մասին տեղեկացնում է Արսենալ ֆուտբոլային ակումբի պաշտոնական կայքը։

Արսենալի կոմերցիոն տնօրեն Փիթեր Սիլվերսթոունը այս առիթով ասել է. «Ուրախությամբ ենք BetConstruct-ին ընդունում պաշտոնական գործընկերների մեր ընտանիք։ 8 տարի առաջ իր հիմնադրման պահից ի վեր BetConstruct-ը տպավորիչ աճ է ունեցել և խաղային սոֆթի ոլորտում ձեռք է բերել նորարարական լիդերի գերազանց հեղինակություն։ Մենք կնպաստենք,  որ BetConstruct-ը ավելի ճանաչելի դառնա աշխարհի սպառողների և բիզնեսմենների շրջանում»։

BetConstruct ընկերության հիմնադիր և գլխավոր գործադիր տնօրեն Վիգեն Բադալյանն այս առիթով ասել է հետևյալը․ «Դառնալ «Արսենալի» պաշտոնական գործընկերը, մի ակումբի, որի պատմությունն իր մեջ 3 դար է ներառում, հպարտանալու առիթ է։ Սա միաժամանակ հրաշալի հնարավորություն է BetConstruct-ի համար ներկայացնելու իր հիմնարար տեխնոլոգիաները և ծառայություններն «Արսենալի» համաշխարհային լսարանին։ «Արսենալն» այն ակումբն է, որի արժեքները և տեսլականը տպավորիչ են։ Մենք ուրախ ենք երկարաժամկետ համագործակցություն կառուցելու այս հնարավորությամբ։ Համոզված ենք՝ այն կլինի հաջողակ և փոխշահավետ»։

Առցանց և իրական խաղային ոլորտում ծրագրային լուծումներ մշակող և մատակարարող բազմամրցանակակիր BetConstruct ընկերությունը հիմնադրվել է 2011 թվականին և ունի զարգացման, վաճառքի ու սպասարկման կենտրոններ ամբողջ աշխարհով մեկ։ Այն Հայաստանի ՏՏ ոլորտի առաջատարներից մեկն է։

ԱՄԵՆԱԿԱՐԴԱՑՎԱԾ ԼՈՒՐԵՐ

Հայ գործարարն ընդունել է Ցուկերբերգի մարտահրավերը և ստեղծել «քնելու տուփ»

«Մենք ընդունել ենք Ցուկերբերգի մարտահրավերը»,-Գրեգ Հովհաննիսյանն իր բիզնես գաղափարի համար արդեն հավաքել է ավելի քան $100 000:

Տիգրան Ավինյանը Բոսթոնում հանդիպել է հայ համայնքի հետ

Փոխվարչապետը հայրենակիցներին կոչ է արել գիտելիքի և փորձի փոխանակման ճանապարհով ակտիվորեն ներգրավվել նոր Հայաստանի կառուցման աշխատանքներին:

ՏԵՍԱՆՅՈՒԹ: Վարչապետը ծանոթացել է Շիրակի մարզի ընկերությունների արտադրանքին

Նիկոլ Փաշինյանն ընկերությունների ներկայացուցիչներից հետաքրքրվել է արտադրության կազմակերպման խնդիրներից և առաջիկա ծրագրերից: