Մուտք

Invalid username or password

Մոռացե՞լ եք գաղտնաբառը

Հայաստանյան բանկերում առկա է շուրջ 3.1 տրլն դրամի ավանդ

Վերադարձ լուրերի բաժին

14:58 , 03 Մարտ 2020

Հայաստանում ավանդների ծավալը շարունակաբար աճում է, նախորդ տարի այն ավելացել է 19 տոկոսով: Այս տարի առկա գրեթե 3.1 տրլն դրամի վարկերից 1 տրլն դրամը ոչ ռեզիդենտների ավանդներն են: Այդ մասին ասել է ՀՀ կենտրոնական բանկի ֆինանսական համակարգի կայունության և զարգացման վարչության պետ Անդրանիկ Գրիգորյանը:

«Մենք անգամ խորը ճգնաժամերի ժամանակ չենք ունեցել ավանդների նվազում, միշտ ունեցել ենք աճ՝ անգամ 2009-ին, 2014-ին և 2018-ի քաղաքական զարգացումների ժամանակ: 2018-ի վերջին ունեցել ենք ավանդների շուրջ 10.7 տոկոս աճ:»,-ասել է Գրիգորյանը:

Անդրադառնալով տեղեկություններին, թե 2018-ին հեղափոխության օրերին ոմանք իրենց ավանդները հանել էին բանկերից՝ նա նշել է՝ իսկապես 2018-ի սկզբին, երբ քաղաքական շարժումները սկսվեցին, նկատվեց որոշակի արտահոսք: «Դրանք կարող էին լինել ոչ ռեզիդենտների ավանդները: Սակայն դրանք ոչ թե հանեցին տարան ուրիշը տեղ, այլ մի 3-4 ամիս հետո կրկին ամբողջությամբ վերադարձան: Եվ ավելին այդ ժամանակ ունեցանք 10 տոկոսի չափով աճ: Դա բավականին լավ ցուցանիշ էր, և խոսում է ֆինանսական համակարգի, բանկային համակարգի նկատմամբ վստահության մասին»,-ասել է Գրիգորյանը:

Նա նկատել է՝ ֆինանսական կայունության վրա ամեն բան կարող է ազդեցություն ունենալ, սակայն դա չի նշանակում, թե ֆինանսական անկայունություն ունենք: «Մեր առանձնահատկությունն այն է, որ մենք ունեինք բավական լավ կապիտալացված ֆինանսական համակարգ, և բանկերը վայելում էին վստահություն ներդրողների և հաճախորդների շրջանակում: Հենց այդ վստահությունն էր, որ օգնեց մեր ֆինանսական համակարգին հեշտությամբ հաղթահարել 2018-ը, և ոչ միայն 2018-ը, 2009-ին ունեցանք շուրջ 23 տոկոս արժեզրկում, 2014-ին ունեցանք շուրջ 15 տոկոս արժեզրկում»,-ասել է պաշտոնյան:

Գրիգորյանի խոսքով՝ Հայաստանում ֆինանսական համակարգի միջին կշռված կապիտալի համարժեքության ցուցանիշը մոտ 17 տոկոս է, ինչը բավական բարձր է: Նվազագույնը սահմանվել է 12 տոկոս: Եվրոպայում ընդունված նվազագույն մակարդակը 8 տոկոսն է, այսինքն՝ Եվրոպայում ընդունված նվազագույն 8-ից արդեն երկու անգամ ավելի կապիտալի համարժեքության ցուցանիշ ունենք: Գրիգորյանը վստահեցրել է՝ Հայաստանում ֆինանսական համակարգը բավականին իրացվելի է՝ սպասարկելու հաճախորդների ցանկացած պահանջ, միևնույն ժամանակ կորուստների դեպքում ունի բավականին մեծ կապիտալ՝ կլանելու պոտենցիալ կորուստներ:
Արմենպրես

ԱՄԵՆԱԿԱՐԴԱՑՎԱԾ ԼՈՒՐԵՐ

Ռազմական դրության ժամանակահատվածում սահմանված հարկային արտոնությունները

Լրացուցիչ հարցերի դեպքում կարող եք դիմել ՀՀ պետական եկամուտների կոմիտեի հեռախոսազանգերի կենտրոն՝ 060 544 444 կամ 0 8000 0007 հեռախոսահամարներով։

Ժամանակավորապես չի գործելու Աջափնյակի՝ Շինարարների 3/1 հասցեում տեղակայված սպասարկման սրահը

Կոմիտեն միաժամանակ տեղեկացնում է, որ ՊԵԿ հարկ վճարողների սպասարկման վարչությունում գործում է «մեկ պատուհան» սկզբունքը, և հարկ վճարողներն, անկախ հաշվառման վայրից, կարող են դիմել հարկային մարմնի սպասարկման ցանկացած բաժին և ստանալ ծառայություն:

Արգելք՝ թուրքական ծագում ունեցող ապրանքների ներմուծման համար

Թուրքական ծագմամբ ապրանքների ներմուծման արգելքով դադարեցվում է հայաստանյան աղբյուրներից Թուրքիայի պետական գանձարանի ֆինանսական սնուցումը: