Մուտք

Invalid username or password

Մոռացե՞լ եք գաղտնաբառը

Հայաստանի ֆոնդային բորսան՝ լավագույնը Հարավային Կովկասում. Global Banking and Finance Review

Վերադարձ լուրերի բաժին

Երկրորդ տարին անընդմեջ Հայաստանի ֆոնդային բորսան ճանաչվել է «Հարավային Կովկասի լավագույն ֆոնդային բորսա»` ըստ բրիտանական Global Banking and Finance Review հեղինակավոր ամսագրի։

Նորարարության, զարգացման, որակավորման չափանիշները հաշվի առնելով՝ Global Banking and Finance Review-ն առանձնացրել է տարվա լավագույն ֆինանսական կազմակերպությունների ցանկն ամբողջ աշխարհում։ Նշենք, որ Հայաստանի ֆոնդային բորսան 2020 թ. ընթացքում շարունակել է արդիականացման գործընթացը և հաջողությամբ ներդրել է պետական պարտատոմսերի աճուրդների նոր համակարգ։ Սրան հետևելու են արժեթղթերի երկրորդային շուկայի հետագա համալիր արդիականացումը, այդ թվում «DMA»` շուկայի ուղիղ հասանելիության առցանց հնարավորություն բորսայի մանրածախ ներդրողների համար։

2020 թ. ընթացքում Հայաստանի ֆոնդային բորսան արձանագրել է ընդհանուր շուկայական ծավալի (market value) աննախադեպ՝ 47% աճ: Պարտատոմսերի շուկան 2020 թ․ ավելի քան երբևէ եղել է ակտիվ թե՛ ցուցակված պարտատոմսերի քանակով, թե՛ իրականացված գործարքների ծավալով։ Բորսայական առևտուրը և, մասնավորապես, արտարժութային կորպորատիվ պարտատոմսերով իրականացված առևտուրը ունեցել են վերջին տարիների ամենաբարձր ցուցանիշը։

«Առավել քան երբևէ այս մրցանակը կարևոր է մեզ համար։ Նախորդ տարվա համավարակի ազդեցությունը և տնտեսական իրավիճակը ինչպես Հայաստանում, այնպես էլ ամբողջ աշխարհում թողեցին իրենց հետևանքները, սակայն նպատակասլաց և նվիրված աշխատանքի շնորհիվ հնարավոր եղավ հաղթահարել մարտահրավերները։ Բորսայի զարգացումը լինելու է շարունակական` նպաստելով կապիտալի շուկայի զարգացմանը և տնտեսական աճին»,- նշել է Հայաստանի ֆոնդային բորսայի գլխավոր տնօրեն Հայկ Եգանյանը։

1lurer.am

ԱՄԵՆԱԿԱՐԴԱՑՎԱԾ ԼՈՒՐԵՐ

Յունիբանկն առաջատար է POS վարկերի քանակով

2020թ.-ի արդյունքներով Յունիբանկը տրամադրված POS վարկերի քանակով զբաղեցրել է առաջատար դիրք: Բանկին բաժին է ընկնում POS վարկավորման շուկայի մոտ 20% -ը:

«Գալաքսի» ընկերությունների խումբը 2020 թվականին ավելի քան 11,5 միլիարդ դրամի հարկային վճարումներ է կատարել

«Գալաքսի» ընկերությունների խումբը իր ապրանքների ու ծառայությունների միջոցով մուտք է գործում ամեն երրորդ տնային տնտեսություն Հայաստանում, և համայնքի պրոֆիլը 18-55 տարեկան ակտիվ ՀՀ քաղաքացիներն են: Տնտեսական և սոցիալական ազդեցության զեկույցն ամբողջությամբ հասանելի է այստեղ:

ՎՏԲ-Հայաստան Բանկի և Ucom ընկերության համագործակցությունը

Ucom ընկերության հետ համագործակցության շրջանակներում բոլոր ցանկացողները կարող են ձևակերպել ապառիկ վարկեր Ucom-ի 78 վաճառքի և սպասարկման կենտրոններում և ձեռք բերել ապրանքներ առանց Բանկ այցելելու: