Մուտք

Invalid username or password

Մոռացե՞լ եք գաղտնաբառը

Հայաստանի տնտեսությունը մտնում է վերականգնման փուլ

Վերադարձ լուրերի բաժին

Հայաստանի տնտեսությունը հետճգնաժամային վերականգնման առաջին նշաններն է ցուցադրում՝ Կառավարության այսօրվա նիստի մեկնարկին ասաց վարչապետ Նիկոլ Փաշինյանը:

«Փետրվարի առաջին 15 օրերի տվյալներով՝ հանրապետությունում հսկիչ դրամարկղային կտրոններով ու հաշվարկային փաստաթղթերով արձանագրվել է 604 հազար գործարքով ավելի, քանի նախորդ տարվա փետրվարի առաջին 15 օրերին: Իսկ դրամաշրջանառությունը նախորդ տարվա փետրվարի առաջին 15 օրերի համեմատ աճել է 12 տոկոսով կամ շուրջ 31.4 միլիարդ դրամով»,- նշեց վարչապետը՝ հիշեցնելով՝ նախորդ տարվա նույն ժամանակահատվածում դեռ Քովիդ-19-ը չկար:

Վարչապետը հայտնեց, որ փետրվարի առաջին 15 օրերի ընթացքում էականորեն աճել են արտահանման և ներմուծման ծավալները:

«Հետևությունն այն է, որ տնտեսությունը կարծես թե մտնում է վերականգնման փուլ»,- նշեց Կառավարության ղեկավարը՝ հույս հայտնելով, որ սպառման ծավալները կվերականգնվեն, քանի որ մեծագույն խնդիրներից մեկը սպառման ծավալների անկումն էր:

ՊԵԿ նախագահ Էդվարդ Հովհաննիսյանը մանրամասնեց՝ դրամաշրջանառության մասով գրանցված աճը հիմնականում վերաբերում է երեք ոլորտի:

«Սպառման ծավալներն են աճել, արտադրության ու ծառայությունների մատուցման: Իսկ արձանագրված 604 հազար գործարքները հավասարապես վերաբերում են ներկայացված ոլորտներին նույն համամասնությամբ: Հետաքրքիր է այն, որ աճել են և՛ մեծածախ, և՛ մանրածախ ոլորտի, այսինքն՝ 80 տոկոսը վերաբերում է ՀԴՄ կտրոններով իրացման շրջանառությանը, իսկ 20 տոկոսը՝ հաշվարկային փաստաթղթերով իրացման շրջանառությանը: 483 հազար գործարք նույն համամասնությամբ վերաբերում է ՀԴՄ կտրոններին, իսկ ավելի քան 120 հազարը՝ հաշվարկային փաստաթղթերին»,- նշեց ՊԵԿ նախագահը:

1lurer.am

Ամենամյա բարեգործական ընթրիք՝ հասարակության խոցելի խավին աջակցելու համար

Ամենամյա հերթական ընթրիքից հետո, նոր ծրագրերի մեկնարկը տրված է, իսկ աշխատանքային ժամանակացույցը՝ հագեցած:

«BUSUU» լեզուների ուսուցման հավելված՝ Վիվա-ՄՏՍ-ի բաժանորդների համար

2878 կարճ համարին ուղարկվող SMS հաղորդագրությունների համար հավելյալ գումար չի գանձվում: Ռոումինգում գտնվելիս, SMS հաղորդագրությունների համար վճարը գանձվում է համապատասխան ուղղության սակագների հիման վրա:

Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում

Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը: