Մուտք

Invalid username or password

Մոռացե՞լ եք գաղտնաբառը

Հայաստանի ներքին պարտքը 43.5%-ով աճել է

Վերադարձ լուրերի բաժին

09:08 , 12 Դեկտեմբեր 2016

Մինչ բոլորիս ուշադրությունը կենտրոնացած Հայաստանի արտաքին պարտքի վրա՝ ներքին պարտքը, ուշադրությունից դուրս մնացած, աննախադեպ տեմպով աճում է։

Ներքին պարտքը տարբեր ժամկետայնության պետական գանձապետական պարտատոմսերն են։

Տարվա սկզբին` 2015 թվականի դեկտեմբերի 31-ի դրությամբ, ՀՀ ներքին պարտքը կազմել է 368.4 մլրդ դրամ, իսկ նոյեմբերի 30-ին՝ 528.8 մլրդ դրամ։  ՀՀ ներքին պարտքը 2016 թվականի 11 ամիսների ընթացքում ավելացել է 160.4 մլրդ դրամով կամ 43.5%-ով։ Համեմատության համար նշենք, որ նույն ժամանակահատվածում արտաքին պարտքը աճել է 70.1 մլրդ դրամով կամ 3.3%-ով։

Այսինքն, Հայաստանի պետական պարտքն աճել է հիմնականում ներքին պարտքի հաշվին, մինչդեռ մենք միշտ արտաքին պարտքն ենք ակտիվ քննարկում։

Դա ինչ-որ առումով հասկանալի է։ Նախ, արտաքին պարտքը մեծ է. ՀՀ պետական պարտքը 2016 թվականի նոյեմբերի վերջին կազմել է 2 տրիլիոն 686.8 մլրդ դրամ կամ 5 մլրդ 596.3 մլն դոլար, որի 80%-ից ավելին (մոտ 4.5 մլրդ դոլար) արտաքին պարտքն է։ Բացի այդ, ներքին պարտքը հոգեբանորեն ավելի թեթև է ընկալվում, այն իմաստով, որ մենք ինքներս մեզ ենք պարտք, և այդ առումով արտաքին աշխարհից կախման մեջ չենք։

Սակայն պետք է նկատի ունենալ, որ ներքին պարտքը շատ ավելի ծանր է։ Պետական պարտատոմսերի միջին կշռված եկամտաբերությունը այսօր 13.3% է։ Այսինքն, պետությունը նեպքին պարտքը շատ ավելի բարձր տոկոսով է վերցնում, քան արտաքին պարտքը։ Համեմատության համար նշենք, որ 2014 թվականին պարտատոմսերի եկամտաբերությունը 10%-ից քիչ էր, և 2015 թվականից սկսած այն բարձրացավ՝ պահանջարկը խթանելու համար։

Իսկ արտաքին պարտքի մեծ մասը ցածր տոկոսադրույքով ու արտոնյալ պայմաններով վարկեր են։

 

ԱՄԵՆԱԿԱՐԴԱՑՎԱԾ ԼՈՒՐԵՐ

Կհաջողվի՞ արդյոք Կարեն Կարապետյանի կառավարությանը՝ մեծացնել հետաքրքրությունը լիզինգի նկատմամբ

Ֆինանսական վարձակալության՝ լիզինգի ծավալները վերջին 1.5 տարվա ընթացքում նվազել են

Բանկային ոլորտի կապիտալիզացիան հուլիսին նվազել է (գծապատկերներ)

Հայաստանում գործող 17 բանկերի հաշվեկշռային ընդհանուր կապիտալը 2017 թվականի հուլիսի վերջի դրությամբ կազմել է 653.7 մլրդ դրամ։

10 գծապատկեր՝ հայկական ֆեյսբուքի մասին

Հատուկ շեշտենք, որ այս ամենը, բնականաբար, խիստ սուբյեկտիվ է և հումորային։ Այնպես որ, պարզապես եկեք զվարճանանք։