Մուտք

Invalid username or password

Մոռացե՞լ եք գաղտնաբառը

Հայաստանի մշտական բնակչությունը և դրա փոփոխությունը վերջին 1 տարում (ըստ եռամսյակների)

Վերադարձ լուրերի բաժին

09:01 , 05 Նոյեմբեր 2018

Հայաստանի Հանրապետության մշտական բնակչության թիվը 2018 թվականի հոկտեմբերի 1-ի դրությամբ կազմել է 2 մլն 969.2 հազար մարդ։ Այս մասին տեղեկանում ենք ՀՀ վիճակագրական կոմիտեի զեկույցից։

Այդ թվում, քաղաքային բնակավայրերի մշտական բնակչության թիվը կազմել է 1 մլն 895.4 հազար մարդ, գյուղական բնակավայրերում՝ 1 մլն 73.8 հազար մարդ։ Երևանի բնակչության թիվը հոկտեմբերի 1-ի դրությամբ կազմել է 1 մլն 79.4 հազար մարդ։

Իսկ ինչպե՞ս է փոխվել բնակչության թիվը վերջին 1 տարվա ընթացքում։

Մեկ տարվա կտրվածքով՝ 2017 թվականի հոկտեմբերի 1-ի դրությամբ, ՀՀ մշտական բնակչությունը նվազել է 10.4 հազարով։ Այդ թվում՝ գյուղական բնակավայրերի բնակչության թիվը նվազել է 7 հազարով, քաղաքային բնակչության թիվը՝ 3.4 հազարով։  Հատկանշական է, որ այս համընդհանուր նվազման ֆոնին՝ մայրաքաղաքի մշտական բնակչությունն աճել է 2.8 հազարով։ Այսինքն, տեղի է ունեցել բնակչության տեղաշարժ՝ մարզերից Երևան։

2018 թվականի ապրիլի 1-ի համեմատ՝ մշտական բնակչության թիվը նվազել է 700-ով։ Այդ թվում, քաղաքային բնակչության թիվն ավելացել է 900-ով, իսկ գյուղական բնակավայրերինը՝ նվազել 1600-ով։ Մայրաքաղաքի բնակչության թիվն այս ընթացքում աճել է 1.8 հազարով։

POP-msht

ԱՄԵՆԱԿԱՐԴԱՑՎԱԾ ԼՈՒՐԵՐ

ԱԺ-ն հաստատեց նախորդ տարվա պետական բյուջեի կատարման հաշվետվությունը

Նախագիծը հաստատվեց հունիսի 20-ի նիստում քվեարկությամբ: Կողմ քվեարկեց 94 պատգամավոր, դեմ՝17-ը:

Հայ-վրացական «Բարեկամության կամուրջը» կսկսի կառուցվել օգոստոսին

Կամրջի կառուցման համար ՎԶԵԲ-ը տրամադրել է 7 միլիոն 300 հազար եվրո վարկ, գումարի 50 տոկոսը կմարի Վրաստանը, 50 տոկոսը՝ Հայաստանը: