Մուտք

Invalid username or password

Մոռացե՞լ եք գաղտնաբառը

Հայաստանի բյուջեի կատարողականի ցուցանիշն աճել է

Վերադարձ լուրերի բաժին

12:58 , 16 Հոկտեմբեր 2019

Հայաստանի բյուջեի կատարողականի ցուցանիշն ընթացիկ տարվա 9 ամիսներին նախորդ տարվա նույն ժամանակահատվածի համեմատ աճել են: ՊԵԿ նախագահ Դավիթ Անանյանը նշեց, որ 2018 թվականի 9 ամսվա կատարողականը եղել է 880 մլրդ 700 մլն դրամ: 2019 թվականի 9 ամիսներին այդ ցուցանիշը եղել է 1 տրիլիոն 79 մլրդ կամ առկա է 191.5 մլրդ դրամով, 21.6 տոկոսով գերակատարում նախորդ տարվա նույն ժամանակահատվածի համեմատ:

Դրական դինամիկա կա ԱԱՀ-ի և եկամտային հարկի վերադարձելիության ուղղությամբ: Այս ցուցանիշը նախորդ տարվա 9 ամսին եղել է 72.5 մլրդ դրամ, այս տարվա նույն ժամանակահատվածում 86.7 միլիարդ դրամ: «Այսինքն՝ այստեղ ունեք բիզնեսին կամ հարկ վճարողներին հարկերի վերադարձման ծավալների դրական դինամիկա»,-ասաց Դավիթ Անանյանը:

ՊԵԿ նախագահն անդրադարձավ առաջին կիսամյակի կատարողականի ցուցանիշները ամփոփելիս ներկայացված 63 մլրդ դրամի գերակատարման ցուցանիշի շուրջ ծավալվող քննարկումներին: «Ինչպես գիտեք, մենք ասել էինք, որ տարեկան գերակատարման ցուցանիշը, որը պլանավորվել է 62 մլրդ դրամ, ըստ էության, կիսամյակով ենք ապահովել, բայց դա չի նշանակում, որ նույն տեմպերը պահպանվելու են: Եթե հիշում եք, որ երկրորդ եռամսյակի ցուցանիշները շատ ավելի համեստ են կանխատեսվել, քան երրորդ եռամսյակում: Ասել էին, որ երրորդ եռամսյակում կարող է լինել 20-25 մլրդ դրամի նվազեցում ընդհանուր գերակատարման ցուցանիշում, սակայն 4-րդ եռամսյակում այսպես ասած «թերակատարման» ցուցանիշը կհաղթահարվի: Ի՞նչ ունենք հիմա: Այն 62 մլրդը ինչպես պլանավորվել էր, հստակ կա և որպես ծախս պետական բյուջեով իրականացվում է: Եվ եթե մենք կանխատեսում էինք, որ երրորդ եռամսյակի թերակատարումը կլինի 20-25 մլրդ, ապա տեսնում ենք, որ մոտավոր 10 մլրդ է եղել: Այսինքն՝ տեմպերը շատ ավելի լավն են, քան կարելի էր պատկերացնել կիսամյակային արդյունքներն ամփոփելիս»,-ասաց Դավիթ Անանյանը:

Նա տեղեկացրեց, որ ընթացիկ տարվա 9 ամսվա հարկային եկամուտները կազմել են 1 տրիլիոն 61 մլրդ 500 մլն: «Եթե այն փաստացի հարկային եկամուտների կատարողականի հետ համադրում ենք, ապա տեսնում ենք, որ ունենք գերակատարում 17.7 մլրդ դրամով»,-ընդգծեց ՊԵԿ նախագահը:

ԱՄԵՆԱԿԱՐԴԱՑՎԱԾ ԼՈՒՐԵՐ

Երիտասարդ ընտանիքների համար ստեղծվում են բնակապահովման նոր հնարավորություններ

Եթե ունեք երկու և ավելի անչափահաս երեխա և ցանկանում եք անշարժ գույք ձեռք բերել մարզերում, կարդացեք մեր հոդվածը:

4292 կազմակերպության գործունեության գործունեություն դադարեցվել է

Բոլոր ստուգվողներին տրամադրվել են խորհրդատվություն և խախտումների անհապաղ վերացման պարտադիր կատարման ցուցումներ։

Երևան-Լանջազատ-Գառնի ճանապարհի կառուցման մրցույթ

Ճանապարհի վերանորոգումը կիրականացվի Տեղական տնտեսության և ենթակառուցվածքների զարգացման ծրագրի շրջանակում, որը ֆինանսավորվում է Համաշխարհային բանկի կողմից: