Մուտք

Invalid username or password

Մոռացե՞լ եք գաղտնաբառը

Հայաստանի ապահովագրական շուկան 2017 թվականին (գծապատկերներ)

Վերադարձ լուրերի բաժին

09:01 , 19 Մարտ 2018

Ինչ ծավալի ապահովագրավճարներ են հավաքագրվել և հատուցումներ տրվել՝ ԱՊՊԱ-ի և ապահովագրության այլ տեսակների գծով։

2017 թվականի ընթացքում Հայաստանում գործող ապահովագրական պայմանագրերի քանակը աճել է 162 հազարով՝ 633 727-ից հասնելով 796 123-ի։ Սրա մեջ մտնում են ապահովագրության բոլոր տեսակները՝ բացի կյանքի ապահովագրությունից։ Այս մասին տեղեկացնում է ՀՀ Ազգային վիճակագրական ծառայությունը՝ ըստ Ըստ ՀՀ կենտրոնական բանկի տրամադրած նախնական տվյալների։

Արտոնագրված 7 ապահովագրական ընկերությունների կողմից հավաքագրվել է 35 մլրդ 262.8 մլն դրամի ապահովագրավճար։ Կեսից ավելին՝ 54%-ը, ցամաքային ավտոտրանսպորտային միջոցների  օգտագործումից բխող պատասխանատվության պարտադիր  ապահովագրությունն է (ԱՊՊԱ)։ Տարվա ընթացքում ԱՊՊԱ-ի գծով հավաքագրվել է 19.17 մլրդ դրամի ապահովագրավճար։

Ըստ ծավալի՝ երկրորդ տեղում անձնական ապահովագրությունն է՝ 8 մլրդ դրամ, երրորդում՝ գույքի ապահովագրությունը՝ 6.27 մլրդ դրամ։

Գծ. 1. Հավաքագրված ապահովագրավճարների ծավալը 2017 թվականի ընթացքում՝ ըստ տեսակների, մլն դրամ

INS1

2016 թվականի համեմատ ՀՀ ապահովագրական շուկայի ծավալը (ըստ ապահովագրավճարների) աճել է 2.1 մլրդ դրամով կամ 6.4%-ով։

Հարաբերական առումով ամենից շատ աճել է անձնական ապահովագրության գծով հավաքագրված ապահովագրավճարների ծավալը՝ 29.37%-ով։ ԱՊՊԱ-ի գծով ապահովագրավճարների ծավալն աճել է 4.63%-ով, ապահովագրության այլ տեսակների գծով՝ 17.55%-ով։

Գծ. 1. Հավաքագրված ապահովագրավճարների փոփոխությունը, 2017 թվականը՝ 2016 թվականի համեմատ, %

INS2

Իսկ պատասխանատվության և գույքի ապահովագրության գծով ապահովագրավճարները նվազել են, համապատասխանաբար, 27.23%-ով և 6.61%-ով։

Նշենք նաև, որ 2017 թվականին՝ 2016 թվականի համեմատ, ապահովագրական հատուցումներն ավելի շատ են աճել՝ 26.6%-ով կամ 3.8 մլրդ դրամով։ Այսպես, եթե 2016 թվականին վճարվել է 14.2 մլրդ դրամի հատուցում, 2017 թվականին այդ թիվը հասել է 18 մլրդ դրամի։

Բացարձակ թվով ամենից շատ աճել է ԱՊՊԱ-ի գծով հատուցումների ծավալը՝ 8.8 մլրդ դրամից հասնելով 11.68 մլրդ դրամի։

ԱՄԵՆԱԿԱՐԴԱՑՎԱԾ ԼՈՒՐԵՐ

Արժույթի միջազգային հիմնադրամի գործադիր խորհուրդը Հայաստանի ֆինանսական համակարգը գնահատել է կայուն

2012 թ.-ից ի վեր ֆինանսական համակարգի կայունությունն ամրապնդվել է, ինչին նպաստել են ՀՀ կենտրոնական բանկի կողմից ձեռնարկած մի շարք միջոցառումներ։

Առաջին դեմքերի բանավեճը Հանրայինի եթերում (տեսանյութ)

Հանրային հեռուստաընկերության ուղիղ եթերում այժմ ընթանում է նախընտրական բանավեճ՝ ընտրություններին մասնակցող քաղաքական ուժերի առաջին դեմքերի մասնակցությամբ:

Գնաճային ցածր միջավայրը մոտական ամիսներին պահպանվելու է. ԿԲ խորհրդի անդամ

Հայաստանի Հանրապետության Կենտրոնական բանկի խորհրդի անդամ Արթուր Ստեփանյանն արձանագրում է, որ այսօր գնաճի ցուցանիշները իրենց կանխատեսումներից ցածր են: