Մուտք

Invalid username or password

Մոռացե՞լ եք գաղտնաբառը

Հայաստանի ազգային պոլիտեխնիկական համալսարանում (ՀԱՊՀ) բացվեց Խելացի լուծումների միջհամալսարանական կենտրոնը

Վերադարձ լուրերի բաժին

17:09 , 23 Դեկտեմբեր 2019

Խելացի լուծումների կենտրոնը հիմնվել է Տեղեկատվական և հաղորդակցության տեխնոլոգիաների գործատուների միության (ՏՀՏԳՄ) և Հայաստանի ազգային պոլիտեխնիկական համալսարանի համագործակցության արդյունքում: Նախաձեռնության գլխավոր գործընկերն է ՎիվաՍել-ՄՏՍ-ը: Գործընկերներն են՝ Սինոփսիս Արմենիա և Յունիքոմփ ընկերությունները:

IMG_3364

4-րդ արդյունաբերական հեղափոխության ժամանակաշրջանում պահանջված են դառնում այն մասնագիտությունները, որոնք մինչ այժմ գոյություն չունեին, իսկ համաձայն ուսումնասիրությունների՝ դպրոցական երեխաների 65%-ը աշխատելու է մասնագիտություններով, որոնք այսօր դեռևս գոյություն չունեն։ Այս իրավիճակը Հայաստանի համար շատ լավ առիթ է՝ դիրքավորվելու տնտեսության նոր առաջացող ճյուղերում, որտեղ ստեղծվում է մեծ հավելյալ արժեք։ Էականորեն բարձրանում է հիմնարար կրթության դերը, և մի քանի հարակից մասնագիտությունների տիրապետելու՝ ինժեներների կարողությունը ։ Իր հերթին տնտեսության բոլոր ճյուղերում և պետական հատվածում թվայնացումը և բարձր տեխնոլոգիաների զանգվածային օգտագործումն առաջացնելու են այդ ճյուղերում աշխատող մասնագետների նկատմամբ նոր պահանջներ. նրանք պետք է ՝ գիտելիքներ ձեռք բերել նաև ՏՀՏ և հարակից մասնագիտություններում։

IMG_3752

«Թվայնացումը բերում է գործունեության փոխակերպման՝ կյանքի անխտիր բոլոր ոլորտներում: Արձագանքելով զարգացման գլոբալ միտումներին ու նաև՝ նախահարձակ լինելով՝ ՎիվաՍել-ՄՏՍ-ն աջակցում է այս կենտրոնի ստեղծմանը: Հեռահաղորդակցությունն ընթանում է դեպի թվային էկոհամակարգերի զարգացում: Բաժանորդը գնալով ավելի շատ թվային սարքերից ու ծառայություններից է օգտվում: Անհատների ու ձեռնարկությունների մոտ անհրաժեշտություն է առաջանում կապված լինել ավելի ու ավելի շատ սարքերի, ծառայությունների, մատակարարների ու հաճախորդների հետ: Գործընթացների թվայնացումը, գերավտոմատացումը, տվյալների վերլուծությունն ու այս ամենի արդյունավետ կառավարումը պահանջում են նոր որակներ: Աշխատաշուկա է մտնում նոր՝ «Z» սերունդը՝ 90-ականների երկրորդ կեսից հետո ծնվածները, որոնք պետք է կարողանան ստեղծագործել ու ազգային արժեք ստեղծել նոր՝ փոխկապակցված է ու թվայնացված աշխարհում: Հետևաբար՝ այս սերունդը ՎիվաՍել-ՄՏՍ-ի հոգածության ներքո է», – ասել է ընկերության գլխավոր տնօրեն Ռալֆ Յիրիկյանը:

IMG_3540

«Խելացի լուծումների կենտրոնը» հարթակ է այն մարդկանց համար, ովքեր փնտրում են նոր մարտահրավերներ: Կենտրոնը ունենալու է երեք ուղղվածություն. առաջինը՝ մագիստրոսական ծրագիր, երկրորդը՝ մասնագիտական վերապատրաստման ծրագիր և երրորդը՝ միջմասնագիտական վերապատրաստում: Այս կենտրոնը վառ օրինակ է մասնավոր ընկերությունների և ԲՈՒՀ-ի համագործակցության և կարծում ենք, որ կարելի է այս համագործակցությունը տրանսֆորմացիա անել՝ մասնավոր-ԲՈՒՀ-պետություն համագործակցության: «Խելացի լուծումների կենտրոնը» հանդիսանում է «Silicon Mountains» մեծ նախագծի կրթական հատվածը», ասել է ՏՀՏԳՄ տնօրեն Էդուարդ Մուսայելյանը:

Այդ մարտահրավերներին լավագույնս դիմակայելու և հնարավորություններից օգտվելու համար շատ կարևոր է կրթական համակարգի և հատկապես բուհերի տրանսֆորմացիան՝ նոր տիպի կրթական մոդելներին համապատասխան։ Այս ճանապարհին մեծ կարևորություն է ստանում կրթություն-արտադրություն և պետական-մասնավոր հատված համագործակցությունը։

IMG_3389
Խելացի Լուծումների նորաբաց կենտրոնը այդ համագործակցության արդյունքն է և մասնավոր ընկերությունների սոցիալական պատասխանատվության ծրագրի վառ օրինակը։

Խելացի Լուծումների կենտրոնում առաջին փուլում նախատեսվում է իրականացնել մագիստրոսական, մասնագիտական վերապատրաստման, միջմասնագիտական վերապատրաստման ծրագրեր, իսկ հետագայում կենտրոնը կհամալրվի նաև բակալավրիատի ծրագրերով, գիտահետազոտական աշխատանքներով և ստարտափ էկոհամակարգով։

IMG_3364
Այս տարի՝ ծրագրի առաջին փուլում, ստեղծվել են երկու ժամանակակից սարքավորումներով հագեցած լսարան, որոնցից յուրաքանչյուրում գործում է երեք լաբորատորիա՝

– Կիբերանվտանգություն,
– Միկրոէլեկտրոնիկա,
– ՏՀՏ ժամանակակից ենթակառուցվածքներ:

IMG_3382

Ծրագրերը կունենան տեսական, գործնական և գիտահետազոտական ուղղվածություն՝ հնարավորինս նախապատրաստելով ուսանողներին մասնագիտական աշխատանքի՝ բարձր պահանջարկ ունեցող միջմասնագիտական ուղղություններով։ Խելացի Լուծումների կենտրոնում 3-4 տարվա ընթացքում նախատեսվում է ստեղծել 15-20 լսարան և հագեցած ժամանակակից լաբորատորիաներ, ուսումնական գործընթացում ներդնել ժամանակակից բովանդակություն, վերապատրաստել ՀԱՊՀ դասախոսներին։ Նախատեսվող ուղղություններն են՝ կիբերանվտանգություն, միկրոէլեկտրոնիկա, արհեստական բանականություն և մեքենայական ուսուցում, իրերի համացանց (ներառյալ խելացի քաղաք, խելացի տուն), գերժամանակակից կապ, ինքնակառավարվող սարքեր, տվյալագիտություն, և այլն:

ԱՄԵՆԱԿԱՐԴԱՑՎԱԾ ԼՈՒՐԵՐ

Յունիբանկն առաջատար է POS վարկերի քանակով

2020թ.-ի արդյունքներով Յունիբանկը տրամադրված POS վարկերի քանակով զբաղեցրել է առաջատար դիրք: Բանկին բաժին է ընկնում POS վարկավորման շուկայի մոտ 20% -ը:

«Գալաքսի» ընկերությունների խումբը 2020 թվականին ավելի քան 11,5 միլիարդ դրամի հարկային վճարումներ է կատարել

«Գալաքսի» ընկերությունների խումբը իր ապրանքների ու ծառայությունների միջոցով մուտք է գործում ամեն երրորդ տնային տնտեսություն Հայաստանում, և համայնքի պրոֆիլը 18-55 տարեկան ակտիվ ՀՀ քաղաքացիներն են: Տնտեսական և սոցիալական ազդեցության զեկույցն ամբողջությամբ հասանելի է այստեղ:

ՎՏԲ-Հայաստան Բանկի և Ucom ընկերության համագործակցությունը

Ucom ընկերության հետ համագործակցության շրջանակներում բոլոր ցանկացողները կարող են ձևակերպել ապառիկ վարկեր Ucom-ի 78 վաճառքի և սպասարկման կենտրոններում և ձեռք բերել ապրանքներ առանց Բանկ այցելելու: