Մուտք

Invalid username or password

Մոռացե՞լ եք գաղտնաբառը

Mars-ն ու Snickers-ը Հայաստանից հետ չեն կանչվի

Վերադարձ լուրերի բաժին

13:24 , 25 Փետրվար 2016

Շոկոլադե սալիկներ արտադրող ամերիկյան «Մարս» ընկերությունը հետ է կանչել աշխարհի շուրջ 55 երկրներ արտահանած իր արտադրանքը, որի մեջ հայտնաբերվել են պլաստիկե կարմիր կտորներ: Այս մասին նախօրեին հայտնել էր  հոլանդական «NOS» հեռուստաընկերությունը:

Խոսքն այս դեպքում «Mars», «Snickers», «Milky Way Mini», ինչպես նաև «Celebrations» և «MiniMix» շոկոլադե կոնֆետներին է վերաբերում, որոնք արտադրվել էին Հոլանդիայի Վեհել նահանգի գործարաններից մեկում: Դրանց պահպանման ժամկետը պետք է լրանար 2017թ.-ի հունվարի 8-ին: Հավանականությունը, որ սպառողները հեշտությամբ կհայտնաբերեին պլաստիկե կտորները, շատ փոքր էր, բայց ինչպես Հոլանդիայի սննդի անվտանգության պետական ծառայությունն է նշում, դրանք կարող էին խեղդվելու պահճառ դառնալ:

Ընդհանուր հետկանչը, ինչպես նշեցինք, վերաբերում է 55 երկրների, այդ թվում` Հոլանդիային, Բելգիային, Մեծ Բրիտանիային, Վիետնամին, Գերմանիային, Իսպանիային, Իտալիային, Ֆրանսիային և Շրի Լանկային:

Արդյո՞ք հետկանչը վերաբերում է նաև Հայաստանին, որտեղ ևս վաճառվում են վերը նշված շոկոլադե կոնֆետները: «Մարս» ընկերության արտադրանքը, ինչպես հայտնի է, մեր երկիր ներկրում է «Դերժավա-Ս» ՓԲԸ-ն։ Ընկերության աշխատակիցը B4B.am-ի հետ զրույցում նշեց` խոսքն այս դեպքում Հայաստանին չի վերաբերում.

«Մենք ներկրում ենք Ռուսաստանում արտադրված կոնֆետները, իսկ այն շոկոլադե սալիկները, որոնց մեջ պլաստիկե կտորներ են հայտնաբերվել, արտադրված են եղել Հոլանդիայում: Հետևաբար` մեզ մոտ նման խնդիր չի կարող առաջանալ»,- վստահեցրին «Դերժավա-Ս»-ից:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկն առաջարկում է ձևակերպել կենսաթոշակային քարտեր և ստանալ թոշակն անկանխիկ

Կենսաթոշակն անկանխիկ ստանալու համար՝ հաճախորդին անհրաժեշտ է մոտենալ ՎՏԲ-Հայաստան Բանկի իրեն հարմար մասնաճյուղ, ներկայացնելով անձը հավաստող փաստաթուղթ և հանրային ծառայության համարանիշը և լրացնել թոշակային քարտ ստանալու դիմում:

Վիվա-ՄՏՍ-ը կրկին հերքել է քաղաքական գործընթացներում ներգրավված լինելը

Ընկերությունն իրականացրել ու իրականացնում է ռազմավարական կարևոր գործառույթ՝ տրամադրելով հեռահաղորդակցության ու թվային ծառայությունների լայն շրջանակ և ամբողջովին ապաքաղաքական կառույց է:

UCOM-ի LEVEL UP փաթեթներով բաժանորդներն ունեն անսահմանափակ մուտք Tiktok, Spotify, Coursera

Ucom-ի մի շարք Level Up սակագնային պլանների շրջանակում վերոնշյալ երեք հավելվածներից օգտվելիս ինտերնետի համար գանձում չի կատարվում: