Մուտք

Invalid username or password

Մոռացե՞լ եք գաղտնաբառը

Հայաստանից Ղրղզստան դեղերի արտահանումը կրկնապատկվել է

Վերադարձ լուրերի բաժին

20:01 , 24 Սեպտեմբեր 2017

Այս տարվա հունվար-հուլիս ամիսներին Հայաստանից Ղրղզստան արտահանվել է 470.1 հազար դոլարի ապրանք։ Դա, իհարկե, չափազանց փոքր ծավալ է՝ հատկապես հաշվի առնելով, որ այդ երկիրը նույնպես ԵԱՏՄ անդամ է։ Սակայն դինամիկան դրական է. 2016 թվականի հունվար-հուլիսի համեմատ՝ Հայաստանից Ղրղզստան արտահանման ծավալն աճել է 2.3 անգամ։

Իսկ ինչի՞ հաշվին և ի՞նչ ենք արտահանում։ Եվրասիական տնտեսական հանձնաժողովի բազաների տվյալներով՝ Հայաստանից Ղրղզստան արտահանման մեծ մասը դեղորայքն է. հունվար-հուլիսին արտահանվել է 198.8 հազար դոլարի կշռածրարած դեղամիջոցներ՝ 2.3 անգամ ավելի շատ, քան նախորդ տարվա նույն ժամանակահատվածում։

Երկրորդ խոշոր հոդվածը շոկոլադն է։ Տարվա առաջին 7 ամիսներին արտահանվել է 18 տոննա շոկոլադ՝ 89 հազար դոլար մաքսային արժեքով։ Երրորդ տեղում հաշվողական տեխնիկան է՝ 70 հազար դոլար։ Ընդ որում, շոկոլադի և տեխնիկայի արտահանումը նախորդ տարի այնքան քիչ է եղել, որ համեմատական անգամ տրված չէ։

Այսինքն, Հայաստանից Ղրղսզստան արտահանման կտրուկ աճը պայմանավորված է գլխավորապես այս 3 ապրանքախմբերով։

Բացի սրանցից, այս տարվա առաջին 7 ամիսներին Հայաստանից Ղրղզստան արտահանվել է 21 հազար դոլարի թունդ ալկոհային խմիչք (հիմնականում կոնյակ), 19,5 հազար դոլարի այլ տեսակի սննդամթերք, ինչպես նաև ևս մի քանի անուն ապրանքներ (հանքային ջուր, մրգեր ընկույզ և այլն), որոնց քանակը չափազանց փոքր է։

ԱՄԵՆԱԿԱՐԴԱՑՎԱԾ ԼՈՒՐԵՐ

Պետդուման վավերացրել է ԵԱՏՄ-ի Մաքսային օրենսգրքի մասին պայմանագիրը

ՌԴ Պետդուման վավերացրել է Եվրասիական տնտեսական միության Մաքսային օրենսգրքի մասին պայմանագիրը, տեղեկացնում է ՏԱՍՍ-ը: Փաստաթուղթը ԵԱՏՄ-ի անդամ հինգ պետությունների՝ Ռուսաստանի, Բելառուսի, Հայաստանի, Ղազախստանի եւ Ղրղզստանի ղեկավարների կողմից ստորագրվել է 2017 թվականի ապրիլի 11-ին: Ենթադրվում է, որ օրենսգիրքն ուժի մեջ կմտնի մասնակից բոլոր հինգ երկրներից պայմանագրի վավերացման վերաբերյալ ծանուցումներ ստանալուց հետո: Պլանավորվում է, որ դա տեղի […]

ԵԱՏՄ տարածքում կստեղծվի փորձագիտական գրասենյակ՝ ԵԱՏՀ կոլեգիայի ղեկավարությամբ

«Արմենպրես»-ի փոխանցմամբ` այս մասին լրագրողներին տեղեկացրեց Եվրասիական տնտեսական հանձնաժողովի (ԵԱՏՀ) կոլեգիայի նախագահ Տիգրան Սարգսյանը:

«Մենք պատրաստ ենք մասնակցություն ունենալ Իրանի հետ ազատ տնտեսական գոտու զարգացման գործում». Դմիտրի Մեդվեդևը՝ Մեղրիի ԱՏԳ-ի մասին

Եթե ԵԱՏՄ մեր բարեկամները ու գործընկերները ստեղծում են նման ազատ տնտեսական գոտի Իրանի հետ, մենք պատրաստ ենք մասնակցություն ունենալ դրա զարգացման գործում, այդ թվում նաև՝ այնտեղ հրավիրելով մեր ռուսական բիզնեսը