Մուտք

Invalid username or password

Մոռացե՞լ եք գաղտնաբառը

Հայաստանից արտահանումն աճել է

Վերադարձ լուրերի բաժին

15:31 , 11 Դեկտեմբեր 2019

2019-ի ընթացքում Հայաստանից արտահանումն աճել է կայուն տեմպերով, իսկ ներմուծման աճի տեմպը դանդաղել է: Չնայած ընթացիկ տարվա առաջին 3 ամիսներին գրանցված արտահանման ծավալների անկմանը, ապրիլ ամսից ՀՀ-ից արտահանման ծավալները գրանցել են կայուն աճ։ Սեպտեմբերին 2018-ի սեպտեմբերի համեմատությամբ 33% արտահանման աճ է արձանագրվել, իսկ ինն ամիսների կտրվածքով աճը կազմել է 8%:

Հոկտեմբերին արտաքին առևտրի պատկերը փոքր-ինչ փոխվել է: Եթե 2018-ի հունվար-հոկտեմբերին 2017-ի նույն ժամանակահատվածի համեմատ արտահանման աճի տեպը կազմել էր 11.7%, ապա այս տարվա հունվար-հոկտեմբերին նախորդ տարվա նույն ժամանակահատվածի համեմատ ՀՀ-ից արտահանումն ավելացել է 7.2%-ով, իսկ ներմուծման ծավալների աճի տեմպը դանդաղել է: Նախորդ տարվա 26-ի դիմաց՝ 6%:

Նախորդ տարվա հունվար-հոկտեմբերի համեմատ՝ այս տարի արտահանման աշխարհագրական կառուցվածքը ևս փոփոխություններ է կրել: Դեպի ԵԱՏՄ, ԵՄ երկրներ արտահանումը կրճատվել է, իսկ դեպի այլ երկրներ արտահանման աճ է գրանցվել՝ կազմելով ընդհանուր արտահանման 47%-ը: Դեպի ԵՄ երկրների արտահանման կրճատումը պայմանավորված է դեպի Գերմանիա և Բուլղարիա արտահանման ծավալների նվազմամբ: Այլ երկրների շարքում արտահանման գծով խոշոր գործընկերներից են Շվեյցարիան, Չինաստանը, Իրաքը, Իրանը և այլն: Դեպի Կանադա, Ճապոնիա, Հունաստան արտահանման ծավալն աճել է 2 անգամ: Դեպի Կիպրոս արտահանումն աճել է 7 անգամ: Արտահանման գծով կտրուկ աճ է գրանցվել նաև Ղրղզստանը՝ 3.9 անգամ: Ինչպես արտահանման, այնպես էլ ներմուծման ամենամեծ մասը բաժին է ընկնում Այլ երկրներ խմբին՝ մոտ 48%: ԵԱՏՄ երկրներից դեպի Հայաստան ներմուծումն ավելացել է 13.2%-ով՝ կազմելով ընդհանուր ներմուծման 28%-ը: Ներմուծման կառուցվածքում կրճատվել են ԵՄ և ԱՊՀ այլ երկրների մասնաբաժինները:

Հայաստանից ավելացել են սարքերի և ապարատների, թղթից իրերի, պատրաստի սննդի արտադրանքի, հանքահումքային ապրանքների, թանկարժեք և կիսաթանկարժեք քարերի արտահանման ծավալները: Կտրուկ անկում է գրանցվել կոշկեղենի, գլխարկների, հովանոցների, կենդանական ծագման յուղերի և ճարպերի արտահանման գծով: Դիտարկվող ժամանակահատվածում ավելացել է ավտոմեքենաների, արվեստի ստեղծագործությունների, փայտի և փայտյա իրերի ներմուծումը:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկի և Ucom ընկերության համագործակցությունը

Ucom ընկերության հետ համագործակցության շրջանակներում բոլոր ցանկացողները կարող են ձևակերպել ապառիկ վարկեր Ucom-ի 78 վաճառքի և սպասարկման կենտրոններում և ձեռք բերել ապրանքներ առանց Բանկ այցելելու:

1000 խոշոր հարկ վճարողների կողմից 2021 թ. առաջին եռամսյակում պետբյուջե է վճարվել ավելի քան 260 մլրդ 170 մլն դրամ

Պետական եկամուտների կոմիտեի կայքում հրապարակվել է 2021 թ. հունվար-մարտ ամիսներին 1000 խոշոր հարկ վճարողների կողմից պետական բյուջե վճարված գումարների վերաբերյալ ցանկը:

Թուրքիայից վերջնական սպառման ապրանքների ներմուծման արգելքի ժամկետը երկարաձգվելու է. փոխվարչապետ

Փոխվարչապետը նշեց, որ հումքի և կոմպոնենտների ներմուծման վրա սահմանափակումը չի տարածվում, որպեսզի արտադրողների մոտ խնդիրներ չառաջանան: