Մուտք

Invalid username or password

Մոռացե՞լ եք գաղտնաբառը

Հայաստանը Ռուսաստանի հետ գազի գնի վերաբերյալ նոր բանակցություններ կսկսի

Վերադարձ լուրերի բաժին

17:42 , 29 Օգոստոս 2018

Հայ-ռուսական հարաբերություններում գազի գնի հետ կապված որևէ լարվածություն չունենք և չենք էլ ունենա: «Արմենպրես»-ի հաղորդմամբ՝ այս մասին հայտարարել է ՀՀ էներգետիկ ենթակառուցվածքների և բնական պաշարների նախարար Արթուր Գրիգորյանը՝ իր պաշտոնավարման 100 օրվա կապակցությամբ օգոստոսի 29-ին հրավիրած մամուլի ասուլիսին: Նա հավաստեց, որ կարևորագույն հարցերում Հայաստանի և Ռուսաստանի միջև փոխըմբռնում կար ու կա, և դա թույլ է տալիս մտածել, որ Հայաստանի համար գազի գինը չի ավելանա:

Նախարարը նկատել է, որ գազի գնի վերաբերյալ բանակցությունները հիմնականում երկրների առաջին դեմքերն են վարում, և այս պահին որևէ բանակցություն չկա, բայց տարեվերջին լրանում է «Հայաստանի Հանրապետության կառավարության և Ռուսաստանի Դաշնության կառավարության միջև Հայաստանի Հանրապետություն բնական գազի առաքման ժամանակ գների ձևավորման կարգի մասին» համաձայնագրի ժամկետը, և բնական է՝ համապատասխան բանակցություններ կլինեն, և Հայաստանը ձգտելու է ավելի էժան գազ ստանալ:

«Մենք ամեն ինչ անելու ենք, որ ունենանք գազի ավելի էժան գին, քան այսօր ունենք: ՀՀ կառավարությունը ամեն ինչ անելու է, որ ավելի էժան տարբերակ ունենա»,- ընդգծել է Արթուր Գրիգորյանը:

Նրա խոսքով` բանակցությունները շարունակվելու են նաև Իրանի հետ. հայկական կողմն Իրանի էներգետիկայի նախարարի հետ անցկացրել է մի շարք քննարկումներ և հարց է բարձրացրել Իրանի կողմից հնարավոր էժան տարբերակով գազի վաճառքի մասին:

ԱՄԵՆԱԿԱՐԴԱՑՎԱԾ ԼՈՒՐԵՐ

«Կառավարության գործողությունները և անգործությունը Լիդիանի ներդրումային ծրագրի դեմ թիրախավորած արշավի մաս են»,- Լիդիան

«Կաշխատենք նաև ELARD-ի հետ, որը ինչպես ներկայացվում է կառավարության կողմից, իրականացնելու է վերջին աուդիտը»,- Լիդան:

Կուսումնասիրեն Հայկական ԱԷԿ-ի՝ մինչև 600 մեգավատ հզորությամբ էներգաբլոկ ունենալու հնարավորությունը

Հայկական ատոմային էլեկտրակայանում շարունակվում են շահագործման ժամկետի երկարաձգման աշխատանքները, որի համար դեռ 2014-2015 թվականներին Հայաստանը Ռուսաստանի Դաշնության հետ ստորագրել է համագործակցության և ֆինանսավորման մասին երկու համաձայնագիր: b4b.am-ի հաղորդմամբ` Հայաստանում ատոմային էներգետիկայի զարգացման հեռանկարները պանելային քննարկման ժամանակ լրագրողների հետ զրույցում Հայաստանի էներգետիկ ենթակառուցվածքների և բնական պաշարների նախարարության էներգետիկայի վարչության ատոմային էներգետիկայի բաժնի պետ Արտեմ Պետրոսյանն ասաց, […]

Քննարկվել են ՀՀ կառավարության և Գերմանական զարգացման բանկի միջև համագործակցության ընդլայնմանը վերաբերող հարցեր

Վարչապետ Նիկոլ Փաշինյանն ընդունել է Գերմանական զարգացման բանկի (KfW) տարածաշրջանային տնօրեն Օլաֆ Ցիմելկայի գլխավորած պատվիրակությանը: Այդ մասին b4b.am-ին հայտնեց կառավարության մամուլի բաժինը։ Կառավարության ղեկավարն ընդգծել է, որ մի քանի ամիսների ընթացքում երկու երկրների միջև տեղի են ունեցել բարձր մակարդակի փոխայցելություններ, որոնք նոր թափ կհաղորդեն հայ-գերմանական բարեկամական հարաբերություններին: Նիկոլ Փաշինյանի խոսքով՝ այդ հարաբերություններում կարևոր տեղ ունի […]