Մուտք

Invalid username or password

Մոռացե՞լ եք գաղտնաբառը

Հայաստանը պատրաստվում է պատշաճ ընդունել իրանցի զբոսաշրջիկներին. նախարար Կարայան

Վերադարձ լուրերի բաժին

12:28 , 15 Մարտ 2018

Հայաստանը մի շարք քայլեր է ձեռնարկել իրանցի զբոսաշրջիկների համար երկիրն ավելի գրավիչ, հետաքրքիր և ապահով դարձնելու ուղղությամբ։ Այս մասին «Արմենպրես»-ի հետ զրույցում նշել է ՀՀ տնտեսական զարգացման և ներդրումների նախարար Սուրեն Կարայանը՝ հավելելով, որ ինչպես ամեն տարի, այս տարի ևս նախատեսվում են Նովրուզին նվիրված տոնակատարությունների, համերգների, տոնավաճառների կազմակերպում:

«Մենք բազմիցս նշել ենք, որ Իրանը մեզ համար կարևոր գործընկեր և թիրախային զբոսաշրջային շուկա է։ Ուրախությամբ պետք է արձանագրեմ, որ նախորդ տարի իրանցի զբոսաշրջիկների թվի 16,6% աճ է գրանցվել։ Այո, այս տարի ևս մենք Նովրուզին ընդառաջ մի շարք քայլեր ենք ձեռնարկել՝ Հայաստանը իրանցի զբոսաշրջիկների համար դարձնելու գրավիչ, հետաքրքիր և, իհարկե, ապահով»,-ասել է նախարարը:

Հենց Իրան – Հայաստան սահմանային անցակետում Մեղրի ԱՏԳ-ում գործող տեղեկատվական կենտրոնում իրանցի զբոսաշրջիկներին կտրամադրվեն Հայաստանի զբոսաշրջային գրավչություններն ու ներուժը ներկայացնող պարսկերեն բրոշյուրներ, քարտեզներ, թռուցիկներ, տեղեկատվական թերթիկներ:

Իրանից Հայաստան տանող մայրուղիներին կտեղադրվեն հայերեն և պարսկերեն տեղեկատվական, ինչպես նաև Նովրուզի շնորհավորական գրառումներ պարունակող պաստառներ։ Պաստառները Նովրուզի նախօրեից սկսած մեկ ամիս շարունակ տեղադրված կլինեն մայրուղիներին։

«Մեկ այլ կարևոր քայլ. Նովրուզի ողջ ընթացքում Հայաստանում կգործի 24-ժամյա թեժ գիծ՝ պարսկալեզու մասնագետների ներգրավմամբ՝ Արտակարգ իրավիճակների նախարարության, ՀՀ ոստիկանության հետ սերտ համագործակցությամբ, այսպիսով կփորձենք ապահովել իրանցի զբոսաշրջիկների անվտանգությունը և անհրաժեշտության դեպքում հրատապ լուծում տալ հնարավոր խնդիրներին։ Մենք ակնկալում ենք, որ այս օրերի ընթացքում մասնավոր հատվածը ևս ակտիվ ներգրավվածություն կունենա։ Ինչպես ամեն տարի, այս տարի ևս նախատեսվում են Նովրուզին նվիրված տոնակատարությունների, համերգների, տոնավաճառների կազմակերպում»,-նշել է Կարայանը:

Նրա խոսքով՝ Նովրուզին ընդառաջ ՀՀ տնտեսական զարգացման և ներդրումների նախարարության զբոսաշրջության պետական կոմիտեն և Հայաստանի Զբոսաշրջության զարգացման հիմնադրամը կկազմակերպեն քննարկում շահագրգիռ պետական կառավարման մարմինների և մասնավոր հատվածի ներկայացուցիչների մասնակցությամբ իրանցի զբոսաշրջիկներին պատշաճ ընդունելու հարցերով:

Իրանական Նովրուզի տոնակատարությունները կնշվեն մարտի 21-24-ը:

ԱՄԵՆԱԿԱՐԴԱՑՎԱԾ ԼՈՒՐԵՐ

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Կառավարության նիստը-ՈՒՂԻՂ

Այն ուղիղ միացմամբ կարող եք դիտել մեր կայքում:

«Կառավարության գործողությունները և անգործությունը Լիդիանի ներդրումային ծրագրի դեմ թիրախավորած արշավի մաս են»,- Լիդիան

«Կաշխատենք նաև ELARD-ի հետ, որը ինչպես ներկայացվում է կառավարության կողմից, իրականացնելու է վերջին աուդիտը»,- Լիդան: