2017թ. հունվարից Ուկրաինան սկսել է խնձոր արտահանել Հայաստան, հայտնում է «Ուկրինֆորմը»։

3 ամսում արդեն Հայաստան է արտահանվել 105 տոննա ուկրաինական խնձոր։ Այդ ցուցանիշով Հայաստանը զբաղեցրել է երկրորդ տեղը ուկրաինական էքսպորտի մասնաբաժնում՝ զիջելով միայն Բելառուսին։

Բելառուսը 2017թ. ներկրել է շուրջ 2200 տոննա խնձոր։

Նշվում է, որ Ուկրաինայից խնձորի արտահանումը 2017թ. առաջին ամսվա տվյալով, 2016թ. հունվարի համեմատ, ավելացել է կրկնակի՝ մինչև 2.5 հազար տոննա։
2017թ. Ուկրաինան, բացի Հայաստանից, խնձոր է արտահանում նաև Լիբիա և Իրաք։ Հայաստանին հաջորդում է Լիբիան՝ 100 տոննա խնձորով։

«Եթե անցած տարվա հունվարին խնձոր ներկրող երկրների շրջանակը բաղկացած էր միայն Բելառուսից, Վրաստանից և Ղազախստանից, ապա այս տարի ուկրաինական խնձորները արտահանվել են Հայաստան, Լիբիա, Վրաստան, Իրաք, Բելառուս»,- նշվում է հաղորդագրության մեջ։

Իրաքն ու Վրաստանը ներկրել են 20 և 18 տոննա ուկրաինական խնձոր համապատասխանաբար։