Մուտք

Invalid username or password

Մոռացե՞լ եք գաղտնաբառը

Հայաստանը շարունակում է մնալ արտաքին պարտքի նվազ բեռ ունեցող երկրների շարքում. նախարար

Վերադարձ լուրերի բաժին

Հեղինակ

B4B.am

Խորագրեր

Պաշտոնական

15:58 , 17 Նոյեմբեր 2016

Հայաստանի արտաքին պարտքն այս տարվա արդյունքներով կկազմի շուրջ 5 միլիարդ 849 միլիոն դոլար: Ազգային ժողովում ՀՀ 2017 թ. պետական բյուջեի նախագծի քննարկման ժամանակ այս մասին հայտնեց ՀՀ ֆինանսների նախարար Վարդան Արամյանը՝ պատասխանելով ՀԱԿ խմբակցության քարտուղար Արամ Մանուկյանի հարցին:

«2017 թ. մենք գնահատում ենք, որ Հայաստանի արտաքին պարտքը կկազմի 6 միլիարդ 245 միլիոն դոլար: Պարտք-ՀՆԱ ցուցանիշը 2016թ. կլինի 54.5 տոկոս, 2017 թ. այն չի անցնի 56.2 տոկոսից: Սա այն ցուցանիշն է, որ մենք դրել ենք: Եթե մենք համեմատում ենք նախորդ տարիների հետ, կարող ենք արձանագրել, որ մենք շուրջ 6-7 տոկոսային կետով պարտք ենք ավելացրել ամեն տարի: Արդյոք մենք կարո՞ղ ենք 2017 թ. նույն տեմպերով գնալ: 2017 թ. մենք արտաքին շոկեր չենք կանխատեսում: Ամեն դեպքում, այդպիսին են միջազգային կառույցների գնահատականները: Ուստի անիմաստ է դառնում շատ պարտք վերցնելը, իսկ մենք պարտք ենք վերցրել արտաքին շոկերին հակազդելու համար»,-  ասաց Արամյանը:

Նախարարը հավելեց, որ Հայաստանը շարունակում է մնալ նվազ պարտքի բեռ ունեցող երկրների շարքում: Նա պարզաբանեց, որ արտաքին պետական պարտքի զուտ ներկա արժեքը գնահատված է, որ նվազ բեռ ունեցող երկրների համար պետք է փոքր լինի 48 տոկոսից: «Հայաստանի պարագայում 2015 թ. այդ ցուցիչը եղել է 34 տոկոս, իսկ 2016թ. 42 տոկոսից բարձր չի լինի: Արտաքին պարտքի զուտ ներկա արժեք-արտահանում ցուցանիշը նվազ պարտքի բեռ ունեցող երկրների համար գնահատվում է 132 տոկոս: Հայաստանի ցուցանիշը 2015 թ. համար եղել է 115 տոկոս, իսկ 2016 թ. 132 տոկոսից էապես ցածր է լինելու: Ուստի, մենք այն վիճակում չենք, որ պարտքի առումով վտանգավոր վիճակում ենք, սակայն սա չի նշանակում, որ մենք ապագայում քայլեր չպետք է անենք, որ մնանք նվազ արտաքին պարտքի բեռ ունեցող երկրների շարքում: Դրա համար մեզ պետք է, որ 2017 թ. պահպանողական լինենք»,- եզրափակեց նախարարը:

ԱՄԵՆԱԿԱՐԴԱՑՎԱԾ ԼՈՒՐԵՐ

ՊԵԿ-ը 2020-ի երրորդ եռամսյակում բացահայտել է մաքսանենգության և մաքսային կանոնների խախտման մոտ 200 դեպք

Մասնավորապես` վարչության աշխատակիցները կանխել են տարբեր երկրներից փոստային ճանապարհով, ինչպես նաև ուղեկցող ուղեբեռներով թմրամիջոցների ու հոգեմետ նյութերի ներմուծման և արտահանման մաքսանենգության 130 դեպք:

«Հայաստան» համահայկական հիմնադրամի ֆինանսական միջոցների ծախսերի մասին տեղեկատվություն

Հաշվի առնելով այս օրերին լրատվամիջոցներից ստացված բազմաթիվ հարցումները, հարկ ենք համարում հրապարակել «Հայաստան» համահայկական հիմնադրամի կողմից կառավարությանը նվիրաբերած դրամական միջոցների տրամադրման կարգի ու այլ մանրամասների վերաբերյալ տեղեկատվությունը։

Կենտրոնական բանկը ՀՀ արտարժութային շուկայում կիրականցնի գործառնություններ

ՀՀ կենտրոնական բանկն անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների և ֆինանսական կայունությունը։