Մուտք

Invalid username or password

Մոռացե՞լ եք գաղտնաբառը

Հայաստանը նահանջել է pwc-ի հարկային վարկանիշում

Վերադարձ լուրերի բաժին

15:31 , 23 Նոյեմբեր 2016

Հայաստանը զբաղեցրել է 88-րդ հորիզոնականը՝ աուդիտորական PricewaterhouseCoopers ընկերության կողմից հրապարակվող Paying Taxes 2017 զեկույցում (կազմվում է Համաշխարհային բանկի խմբի հետ համատեղ)։ Նախորդ զեկույցում մեր երկիրը 41-րդ տեղում էր։

Զեկույցում երկրները դասակարգվում են ոչ միայն ըստ միջին հարկային բեռի, այլ նաև վճարումների քանակի և  հարկերի վճարման համար ծախսվող ժամանակի հիման վրա։

Ուշագրավն այն է, որ միջին հարկային բեռի առումով Հայաստանի դիրքը բավականին լավն է։ Միջին հարկային բեռը ՀՀ-ում գնահատվում է 18.4%, և այս առումով Հայաստանը աշխարհի 190 երկրների շարքում զբաղեցնում է 14-րդ տեղը։

Հարևան և ԱՊՀ երկրների շարքում հարկային բեռի ավելի թեթև ցուցանիշ ունի միայն Վրաստանը՝ 16.4%։

pwc-by-tax-rate

Փոխարենը՝ Հայաստանում շատ է վճարումների քանակը և հարկային վճարումների վրա ծախսվող ժամանակը (տարեկան 313 ժամ)։ Իսկ վճարումների քանակ 14 է՝ նախորդ զեկույցի 10-ի դիմաց։

Համեմատության համար նշենք, որ Վրաստանում հարկայինի հետ հարաբերությունների վրա գործարարները տարեկան ծախսում են 270 ժամ, իսկ վճարումների քանակն ընդամենը 5 է։

Հենց այս պատճառով ենք 41-րդ տեղից նահանջել 88-րդ տեղը։ Ադրբեջանն այս ցանկում 40-րդն է։

Նշենք, որ ցանկը գլխավորում են Քաթարը, Արաբական Միացյալ Էմիրությունները և Հոնգկոնգը։

Քաթարում հարկերի միջիին բեռը 11.3% է, վճարումների քանակը՝ 4, ծախսվող ժամանակը՝ 41 ժամ։

ԱՄԷ-ում վճարումների քանակը նույնն է՝ 4, դրույքաչափը ավելի բարձր՝ 15.9%, փոխարենը այս երկրի գործարարները հարկային վարչարարության վրա ծախսում են տարեկան ընդամենը 12 ժամ։

Զեկույցին և Հայաստանի ցուցանիշներին առավել մանրամասն կարող եք ծանոթանալ pwc-ի կայքում։

Իսկ ստորև կարող եք տեսնել հարկային վարչարարության հիմնական ցուցանիշները՝ Կենտրոնական Ասիայի և Արևելյան Եվրոպայի համար։

pwc-ECA

ԱՄԵՆԱԿԱՐԴԱՑՎԱԾ ԼՈՒՐԵՐ

Հայաստանի ՀՆԱ-ն նախորդ եռամսյակի համեմատ աճել է 38.6%-ով

Ըստ Վիճակագրական կոմիտեի՝ Հայաստանի բնակչության մեկ շնչի հաշվով ՀՆԱ-ն այս տարվա հուլիս-սեպտեմբերին կազմել է 588 հազ. 434 դրամ կամ 1212 ԱՄՆ դոլար։

«Հայաստան» համահայկական հիմնադրամի ֆինանսական միջոցների ծախսերի մասին տեղեկատվություն

Հաշվի առնելով այս օրերին լրատվամիջոցներից ստացված բազմաթիվ հարցումները, հարկ ենք համարում հրապարակել «Հայաստան» համահայկական հիմնադրամի կողմից կառավարությանը նվիրաբերած դրամական միջոցների տրամադրման կարգի ու այլ մանրամասների վերաբերյալ տեղեկատվությունը։

Կենտրոնական բանկը ՀՀ արտարժութային շուկայում կիրականցնի գործառնություններ

ՀՀ կենտրոնական բանկն անհրաժեշտության դեպքում կկիրառի իր գործիքակազմում առկա բոլոր գործիքները՝ երաշխավորելով գների և ֆինանսական կայունությունը։