Մուտք

Invalid username or password

Մոռացե՞լ եք գաղտնաբառը

Հայաստանը Եվրամիության հետ համաձայնագիրը կվավերացնի մինչև մայիս

Վերադարձ լուրերի բաժին

Հեղինակ

B4B.am

Խորագրեր

Աշխարհ

15:10 , 02 Հուլիս 2018

Եվրանեսթում հունիսի 25-29-ը տեղի ունեցած լիագումար նիստից Հայաստանի պատվիրակությունը գոհ է վերադարձել։ Հայկական պատվիրակության ղեկավար Արմեն Աշոտյանի խոսքով՝ պատվիրակության առջև դրված որևէ նպատակ անկատար չի մնացել:

«Ըստ Եվրանեսթի կանոնակարգի՝ ամեն լիագումար նիստում կարելի է ընդունել առավելագույնը 3 բանաձև։ Այս անգամ 6 փաստաթուղթ կար նիստի օրակարգում, որոնցից 2-ը առաջարկվել էին հայկական պատվիրակության կողմից, և մեզ հաջողվեց դրանցից մեկն ընդունել։ Այսպիսի միջազգային հարթակում սա շատ լուրջ հաջողություն է»,- ասաց Արմեն Աշոտյանը։

«Արմենպրես»-ի փոխանցմամբ՝ հայկական պատվիրակության կողմից առաջարկված բանաձևը վերաբերել է ՀՀ և ԵՄ ասոցացման համաձայնագրի վավերականացմանը։

«Քանի որ մինչև 2019-ի մայիսը քիչ ժամանակ է մնացել, առաջարկեցինք արագացնել վավերացման գործընթացը՝ դրանով ևս մեկ անգամ ցույց տալով, որ ՀՀ իշխանությունները շահագրգռված են Եվրոպայի հետ հարաբերությունների բարելավմամբ»,- նշեց Եվրանեսթում հայկական պատվիրակության անդամ Վարդան Բոստանջյանը:

Լիագումար նիստի ընթացքում խոսվել է նաև քաղաքական կոռուպցիայի ու փողերի լվացման մասին: Միջազգային հեղինակավոր կազմակերպությունների մասնագետների կողմից թեմային առնչվող զեկուցումներից հետո Ադրբեջանի հետ առնչվող կոռուպցիոն սկանդալների մասին խոսել են նաև հայկական պատվիրակության անդամները:

«Քաղաքական կոռուպցիան միջազգային ինստիտուտներում վնասում է ժողովրդավարությանը: Անդրադառնալով Ադրբեջանին առնչվող կոռուպցիոն սկանդալին՝ մենք ոչ թե նպատակ ունեինք ևս մեկ անգամ պարզապես փաստն արձանագրել, այլև` հետևողական լինել, որ հետևանքները վերացվեն»,- ասաց Արմեն Աշոտյանը:

Հայկական պատվիրակության անդամները 5 օրում հանդիպումներ են ունեցել նաև տարբեր պատվիրակությունների բարձրաստիճան պաշտոնյաների հետ, ովքեր պատրաստակամություն են հայտնել` ներքաղաքական ստեղծված իրավիճակում աջակցել Հայաստանում ժողովրդավարության խթանման հարցում:

ԱՄԵՆԱԿԱՐԴԱՑՎԱԾ ԼՈՒՐԵՐ

Արմեն Սարգսյանը Պարենի համաշխարհային ծրագրի գործադիր տնօրենի հետ խոսել է երկկողմ շահավետ փոխգործակցության մասին

B4b.am-ին ՀՀ նախագահի մամուլի ծառայությունից հայտնեցին, որ ախատանքային այցով Գերմանիայի Դաշնային Հանրապետությունում գտնվող նախագահ Արմեն Սարգսյանը ՄԱԿ-ի Պարենի համաշխարհային ծրագրի գործադիր տնօրեն Դեյվիդ Բիսլիի հետ խոսել է առողջ սննդի արտադրման և արտահանման, ողջ աշխարհում իրականացվող սովի հաղթահարման ծրագրերի, պարենային օգնության տրամադրման, դպրոցական սննդի ծրագրերի իրականացման ու այս համատեքստում Հայաստանի հետ համագործակցության ընդլայնման մասին։ Բիսլին նշել […]

Tesla-ի էլեկտրամոբիլներում կգործի «Շան ռեժիմը» եւ «Ժամապահի ռեժիմը»

Tesla ընկերության Էլեկտրամոբիլներում երկու նոր հնարավորություն Է հայտնվել ծրագրային ապահովման մեջ՝ «շան ռեժիմը» եւ «ժամապահի ռեժիմը»: Ըստ b4b.am-ի՝ այդ մասին հայտնել են ընկերության ներկայացուցիչները: Տեսլայի Պաշտոնական Էջում հայտնվել է տեսահոլովակ, որը ցուցադրում է այդ հնարավորությունների աշխատանքը: «Շան ռեժիմը» թույլ Է տալիս ընտանի կենդանիներին թողնել փակ ավտոմեքենայում՝ չվախենալով, որ նրանք կսատկեն շնչահեղձությունից եւ բարձր ջերմաստիճանից: Դրա […]

Արգենտինայում հազարավոր ցուցարարներ պահանջել են պարենային արտակարգ ռեժիմ սահմանել

Արգենտինայի տարբեր քաղաքներում հազարավոր մարդիկ փողոցներ են դուրս եկել՝ կառավարությունից պահանջելով պարենային արտակարգ ռեժիմ սահմանել երկրում գնաճի ֆոնին: Այդ մասին հայտնել Է Buenos Aires Times-ը: «Մեր առջեւ կրկին ծառացել Է սովի խնդիրը… սա վատագույն իրադրությունն Է 2001 թվականի ճգնաժամի ժամանակներից ի վեր»,-հայտարարել Է Բուենոս Այրեսում ակտիվիստների առաջնորդներից մեկը՝ Դանիել Մենենդեսը: 2015 թվականից Մաուրիսիո Մակրիի նախագահական […]