Մուտք
Invalid username or password
Հայաստանը դուրս է մնացել ազատ ինտերնետ ունեցող երկրների շարքից (ինֆոգրաֆիկա)
Վերադարձ լուրերի բաժին
15:09 , 14 Նոյեմբեր 2017
Դիտումներ 23954
Freedom House կազմակերպությունը հրապարակել է Ինտերնետի ազատության 2017 թվականի զեկույցը։
Զեկույցում ներառված 65 երկրներում ինտերնետի ազատությունը գնահատվում են 0-ից 100 միավորով (0-ն՝ լիովին ազատ, 100 անազատ)։
Մինչև 30 միավոր ունեցող երկրները համարվում են լիովին ազատ, 31-ից 60 միավոր ունեցողները՝ մասամբ ազատ, 60-ից բարձր միավոր ունեցողները՝ անազատ։ Զեկույցը ներառում է 2016 թվականի հունիսի 1-ից 2017 թվականի մայիսի 31-ն ընկած ժամանակահատվածը։
Միանգամից նշենք, որ նախորդ զեկույցի համեմատ՝ Հայաստանի միավորը աճել է 2-ով և հասել 32-ի, ինչի արդյունքում ինտերնետի ազատության առումով Հայաստանի կարգավիճակը «ազատ»-ի վերածվել է «մասամբ ազատ»-ի։
Ինտերնետի ազատությունը զեկույցում գնահատվում է 3 չափանիշների հիման վրա՝ համացանց մուտքի արգելքներ, բովանդակության սահմանափակումներ և օգտագործողների իրավունքների խախտումներ։
Մուտքի առումով Հայաստանի միավորը 7 է, բովանդակության սահմանափակման գծով՝ 10, իսկ ամենաբարձր (ամենավատ) միավորը իրավունքների խախտումների գծով է՝ 15։
Հարևան երկրներից Ադրբեջանի միավորը 58 է, այսինքն՝ այն անազատ համարվելու սահմանագծին է։ Վրաստանը համարվում է ազատ ինտերնետ ունեցող երկիր (24 միավոր), Թուրքան՝ անազատ (66 միավոր), Իրանը՝ անազատ (85 միավոր)։
ԵԱՏՄ անդամ երեք երկրները համարվել են անազատ՝ Ռուսաստան (66 միավոր), Ղազախստան (62 միավոր), Բելառուս (64 միավոր)։ Միայն Ղրղզստանն է մասամբ ազատ ինտերնետ ունեցող երկիր (37 միավոր)։
Նշենք նաև, որ ինտերնետի ազատության վարկանիշը գլխավորում են Էստոնիան և Իսլանդիան՝ 6-ական միավորով։
Դիտումներ 23954
Աշխարհի բնակչությունը մինչև 2050 թվականը կավելանա 2.2 միլիարդ մարդով. ՄԱԿ
Այդ մասին ասված է «Աշխարհի ազգաբնակչությունը 2018 թվականին» զեկույցում, որը հրապարակվել է Ազգաբնակչության բնագավառում ՄԱԿ-ի հիմնադրամի կողմից:
ՀԲ-ն կոչ է արել նախապատրաստվել առևտրում իրադրության հնարավոր վատանալուն
Առեւտրային սահմանափակումները կբերեն գլոբալ տնտեսության աճի դանդաղման, եւ հարկ է, որ երկրներն այժմ մտածեն իրադրության վատանալու դեպքում ձեռնարկվելիք միջոցների շուրջ
Նավթի գները նվազել են – 06-09-18
Աշխարհի խոշորագույն հումքային բորսաների սեպտեմբերի 6-ի առևտրային նստաշրջանների արդյունքում սահմանվել են նավթի հետևյալ գները.
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։