Մուտք

Invalid username or password

Մոռացե՞լ եք գաղտնաբառը

Հայաստանը դեսպանություններում մշտական առևտրային ներկայացուցիչների կարիք չի տեսնում

Վերադարձ լուրերի բաժին

11:17 , 18 Հունիս 2020

Հայաստանը դեսպանություններում մշտական առևտրային ներկայացուցիչների կարիք չի տեսնում, հարցերը կլուծվեն դիվանագիտական ներկայացվածության միջոցով: Այդ մասին ասաց ՀՀ էկոնոմիկայի նախարար Տիգրան Խաչատրյանը՝ ԱԺ-ում կառավարության անդամների հետ հարց ու պատասխանի ժամանակ պատասխանելով պատգամավոր Նարեկ Մկրտչյանի հարցին: Պատգամավորը հիշեց, որ դեռ 2 տարի առաջ հայտարարվել էր, որ ՀՀ դեսպանություններին կից պետք է ստեղծվի առևտրային կցորդների նոր ինստիտուտ, նա հետաքրքրվեց գործընթացներով:

«Եկել ենք այն եզրակացության, որ ժամանակակից աշխարհում կոմունիկացիոն եղանակներն այնպիսին են, որ որևէ երկրում մարդու ֆիզիկական մշտական ներկայություն ապահովելը՝ Հայաստանում առկա բիզնեսի շահերն աշխարհով ներկայացնելու համար, այլևս արդյունավետ չէ: Եվ մենք ԱԳ նախարար Զոհրաբ Մնացականյանի հետ եկել ենք այն եզրակացության, որ ամբողջ աշխարհում մեր դիվանագիտական ներկայացվածությունը կամուրջ է մեր կողմից նկատված հարցերը տվյալ շուկաներում լավագույն ձևով փոխանցելու, այնտեղ եղած գործընկերներին խնդրի քննարկմանը միացնելու և հարցեը լուծելու համար: Մենք չենք ունենա մշտական առևտրային ներկայացուցիչներ դեսպանատներում »,-ասաց նախարարը: Նա նշեց՝ Հայաստանում կհավաքագրվեն խնդիրները, թիրախային աշխատանք կտարվի այն ուղղությամբ, որտեղ ներդրումների համար հետաքրքրություն ներկայացնող միավոր կա: Մյուս կողմից, արտերկրում եղած պոտենցիալը դեպի Հայաստան կուղղորդվի: Ընդ որում՝ երկու դեպքում էլ բիզնես միություններն ակտիվորեն կօգտագործվեն որպես կամուրջ և հարթակ:

Արմենպրես

ԱՄԵՆԱԿԱՐԴԱՑՎԱԾ ԼՈՒՐԵՐ

2020 թվականին ՀՀ պետական եկամուտների կոմիտեն հավաքագրել է 1 տրլն 385.2 մլրդ դրամի եկամուտ

ՊԵԿ նախագահ Էդվարդ Հովհաննիսյանը ներկայացրել է 2020 թվականի ընթացքում հավաքագրված եկամուտները:

15.01.2021: Շաբաթական ամփոփ տվյալներ

2020 թ. դեկտեմբերի 28-ից 2021 թ. հունվարի 10-ն ընկած ժամանակահատվածում բանկերի կողմից դրամով տեղաբաշխված միջոցների ծավալը կազմել է 58.9 մլրդ դրամ, իսկ ԱՄՆ դոլարով տեղաբաշխված միջոցների ծավալը՝ 29.3 մլն ԱՄՆ դոլար:

«ՄՈԳՈ»-ից վերադարձման ենթակա գումարների մասին

Պատասխանատվության միջոցը կիրառվել է «Սպառողական կրեդիտավորման մասին» ՀՀ օրենքով և ՀՀ ԿԲ Խորհրդի 28.07.2009 թվականի թիվ 229-Ն որոշմամբ հաստատված կանոնակարգ 8/05-ով սահմանված պահանջների խախտման արդյունքում. կիրառվել է տուգանք՝ 500.000 ՀՀ դրամ գումարի չափով։