Մուտք

Invalid username or password

Մոռացե՞լ եք գաղտնաբառը

Հայաստանը՝ ավտոմեքենա արտահանող երկի՞ր

Վերադարձ լուրերի բաժին

20:09 , 11 Մարտ 2017

ՀՀ Պետական եկամուտների կոմիտեի՝ մաքսային ծառայության հրապարակած տվյալների մեջ, որոնք վերաբերում են 2016 թվականի ՀՀ արտաքին առևտրին, բավականին անսպասելի և անհասկանալի իրողություններ կարելի է հանդիպել։

Պարզվում է՝ 2016 թվականին կտրուկ ավելացել է Հայաստանից մարդատար ավտոմեքենաների արտահանումը։ Ըստ ՀՀ մաքսային ծառայության տվյալների՝ 2016 թվականին Հայաստանից արտահանվել է 1800 հատ մարդատար ավտոմեքենա՝ մոտավորապես 7.8 մլն դոլար մաքսային արժեքով։ 2015 թվականին, ինչպես տեսնում եք, արտահանվել էր 120 մեքենա։

cars-exp1

Հայաստանում մարդատար ավտոմեքենաներ չեն արտահանվում, սակայն տարվա կտրվածքով 100-150 մեքենայի արտահանումը հասկանալի է՝ դրանք կարող են ֆիզիկական կամ իրավաբանական անձանց կողմից վերավաճառվել այլ երկրներ։ Սակայն այսպիսի թռիչքը՝ 1800 մեքենա, արդեն անհասկանալի է։

Քանի որ արտաքին առևտրի ցուցանիշներ հրապարակում է նաև Եվրասիական տնտեսական հանձնաժողովի կայքը, որոշեցինք թվերը ստուգել նաև այդ աղբյուրից։ Սակայն ամեն ինչ է՛լ ավելի խճճվեց։

ԵՏՀ այս բազայում ներկայացված է ԵՏՄ անդամ-երկրներից արտահանման ծավալները դեպի երրորդ երկրներ՝ ըստ առանձին ապրանքախմբերի։

Ինչպես տեսնում եք՝ 2016 թվականին ԵՏՄ երկրներից դեպի երրորդ երկրներ արտահանվել է 46937 հատ մարդատար ավտոմեքենա՝ 824.5 մլն դոլար մաքսային արժեքով։

Այդ 824.5 միլիոն դոլարից 1.7%-ը բաժին է ընկնում Հայաստանին։ Այսինքն՝ ըստ ԵՏՀ տվյալների բազաների՝ Հայաստանից 2016 թվականին արտահանվել է 14 մլն դոլարի մարդատար ավտոմեքենա։ Այսինքն՝ գրեթե կրկնակի անգամ ավելի շատ (արժեքով), քան ՀՀ մաքսային ծառայության տվյալներով։

cars-exp2

Նշենք նաև, որ ԵՏՀ տվյալների համաձայն՝ Հայաստանից արտահանված 14 մլն դոլար արժեքով մարդատարների մեծ մասը՝ 7.7 մլն դոլարը, գնացել է Արաբական Միացյալ էմիրություններ։

Իհարկե, շատ կցանկանայինք հավատալ, որ Հայաստանում սկսել են մարդատարներ արտադրել, սակայն դրան հավատալը այս ապհին անհնար է։ Հուսով ենք՝ Պետական եկամուտների կոմիտեն կպարզաբանի այս անհասկանալի թվերը։

UCOM-ն ահազանգում է. ՀԾԿՀ-ն անհավասար պայմաններ է առաջարկում կապի օպերատորներին

«Յուքոմ» ընկերությունն անընդունելի է համարում միևնույն ռեսուրսի օգտագործման թույլտվության համար մեկնարկային գինը մեկ օպերատորի համար սահմանել

Հունվարի 1-ից փոխվելու են առանց մաքսային վճարների ներմուծվող անձնական օգտագործման ապրանքների արժեքային և բնաիրային չափերը. ՊԵԿ

2019 թվականի հունվարի 1-ից առանց մաքսատուրքերի ու հարկերի վճարման ներմուծվող ապրանքների արժեքային չափը կրճատվելու է 3 անգամ, իսկ կշիռը՝ 2 անգամ:

Զինվորականները վարկերի սպասարկման համար կրկնակի անգամ քիչ կվճարեն

Առաջիկա որոշումներով կառավարությունը պատրաստվում է վերակառուցել ԶՈւ մի քանի հազար սպաների եւ ենթասպաների նախկինում վերցրած վարկերը: