Մուտք

Invalid username or password

Մոռացե՞լ եք գաղտնաբառը

Համայնքների սեփական եկամուտների գծով հավաքագրումներն աճել են 2 մլրդ 960 միլիոն դրամով

Վերադարձ լուրերի բաժին

16:58 , 17 Հուլիս 2019

ՀՀ տարածքային կառավարման և ենթակառուցվածքների նախարարությունում հերթական աշխատանքային խորհրդակցությունն է անցկացվել ՀՀ մարզպետների մասնակցությամբ, որը վարել է նախարար Սուրեն Պապիկյանը:

ՀՀ տարածքային կառավարման և ենթակառուցվածքների նախարարության հասարակայնության հետ կապերի բաժինը տեղեկացրեց, որ նախարար Պապիկյանն ընդհանուր առմամբ դրական է գնահատել համայնքների կողմից եկամուտների հավաքագրման ծավալները: 2019 թ․առաջին կիսամյակում նախորդ տարվա նույն ժամանակահատվածի համեմատ համայնքների սեփական եկամուտների գծով հավաքագրումներն աճել են 2 մլրդ 960 միլիոն դրամով կամ 3,6 տոկոսով։ Միաժամանակ, նախարարը մարզպետներին հանձնարարել է ուսումնասիրություններ անցկացնել ցածր ցուցանիշներ արձանագրած համայնքներում, բացահայտել դրանց պատճառները և ներկայացնել խնդրի հաղթահարման համակարգային լուծումներ:

Խոսելով հանրապետության ներմարզային և միջմարզային երթուղային ցանցում առկա խնդիրների մասին՝ նախարարը նկատել է, որ միասնական երթուղային ցանցի ստեղծմանը զուգահեռ անհրաժեշտ է հստակեցնել ուղևորահոսքի ծավալները:

Երկրում իրականացվող խոշորածավալ ճանապարհաշինական ծրագրերի շրջանակում ՀՀ մարզերի տարբեր համայնքներում մեկնարկած շինարարական աշխատանքն արդյունավետ կազմակերպելու և դրանք կյանքի կոչելու նպատակով նախարարը մարզպետներին հանձնարարել է համապատասխան ստորաբաժանումների միջոցով համայնքներին տեխնիկական, մասնագիտական և խորհրդատվական աջակցություն ցուցաբերել՝ տեղերում նախագծերի մշակման աշխատանքների գործում:

ԱՄԵՆԱԿԱՐԴԱՑՎԱԾ ԼՈՒՐԵՐ

930 000 ԱՄՆ դոլար՝ Ամուլսարի հարակից համայնքներին

«Լիդիան Արմենիա». «Աշխատատեղերի և բիզնես հնարավորությունների
բացակայության հետևանքով արտագաղթի աճի տեմպերը ակնհայտ են»:

ԱՄՆ ՄԶԳ մասնագետների հետ քննարկվել են ֆինանսական միջոցների հասանելիության խնդիրները

Նախարարի տեղակալ Նաիրա Մարգարյանը համառոտ ներկայացրել է փոքր ու միջին ձեռներեցության զարգացմանը միտված պետական քաղաքականությունը և ՓՄՁ ռազմավարության մշակման ընթացքը։

ԵԱՏՄ երկրների հետ Հայաստանի առևտրաշրջանառությունն աճել է

Այդ մասին վկայում են ՀՀ ազգային վիճակագրական ծառայության հրապարակած տվյալները: