Մուտք
Invalid username or password
Համագործակցության համաձայնագիր՝ Հայաստանի ֆոնդային բորսայի և Cbonds գործակալության միջև են
Վերադարձ լուրերի բաժին
13:09 , 23 Սեպտեմբեր 2020
Դիտումներ286
Ռուսական Cbonds գործակալությունը և Հայաստանի ֆոնդային բորսան կնքել են համաձայնագիր Premium Cbonds կայքում գնանշումների և AMX-ում շրջանառվող բաժնետոմսերի և պարտատոմսերի մասին տեղեկատվության արտացոլման վերաբերյալ։ Սա հասանելի կդարձնի հայաստանյան արժեթղթերի մասին տեղեկատվությունը միջազգային մասնագետների շրջանակներին։
Cbonds-ի գլխավոր տնօրեն Սերգեյ Լյալինը նշեց․ «Մեզ համար կարևոր է կայքի օգտատերերին տրամադրել ճշգրիտ և մանրամասն տեղեկատվություն: Cbonds-ի և Հայաստանի ֆոնդային բորսայի համագործակցությունը կապահովի հայկական արժեթղթերի մասին տեղեկատվության ամբողջականություն, ստացման արագություն և հուսալիություն: Հուսով ենք, որ դա կբարձրացնի Ռուսաստանի և այլ երկրների ներդրողների հետաքրքրությունը հայկական արժեթղթերի շուկայի նկատմամբ»։
«Մենք բարձր ենք գնահատում Cbonds-ի հետ համագործակցությունը և հույս ունենք, որ AMX-ի վերաբերյալ համապատասխան տեղեկատվության առկայությունը գործակալության կայքում կբարձրացնի տարածաշրջանի և միջազգային ներդրողների հետաքրքրությունը AMX-ի ֆինանսական գործիքների և ծառայությունների նկատմամբ, ինչպես նաև կնպաստի հայկական և օտարերկրյա թողարկողների արժեթղթերով բորսայական առևտրի ակտիվացմանը»,- ասաց Հայաստանի ֆոնդային բորսայի գլխավոր տնօրեն Հայկ Եգանյանը։
Այժմ կայքը պարունակում է ավելի քան 600 հայկական պարտատոմսերի և եվրապարտատոմսերի թողարկման մանրամասներ, որոնցից շրջանառվում են ավելի քան 4 միլիարդ դոլար ընդհանուր արժողությամբ 130 թողարկումներ։ Ինչպես նաև հասանելի է տեղեկատվություն Հայաստանյան 11 թողարկողների բաժնետոմսերի պարամետրերի, գնանշումների ավարտի և առևտրաշրջանառության արխիվի վերաբերյալ:
Ֆոնդային բորսայում ցուցակվելու համար կարող եք տեսնել ցուցակման ուղեցույցը։
Դիտումներ 286
ՎՏԲ-Հայաստան Բանկն առաջարկում է վճարային քարտեր ուսանողներին
ՎՏԲ-Հայաստան Բանկը, միջազգային Visa վճարահաշվարկային համակարգի հետ համատեղ, մեկնարկել է iStudent քարտը, որը նախատեսված է միջին մասնագիտական և բարձրագույն ուսումնական հաստատությունների ուսանողների համար:
Հնարավոր է՝ տարբերանշաններ թողարկվեն սպասարկման ոլորտի օբյեկտների համար, որոնց աշխատակիցները կպատվաստվեն
Այդ մասին ասել է վարչապետի պաշտոնակատար Նիկոլ Փաշինյանը:
Համաշխարհային բանկը հակաճգնաժամային 4 միջոցառման գծով անհատույց համաֆինանսավորող կլինի
Այդ մասին տեղեկացրել է փոխվարչապետի պաշտոնակատար Մհեր Գրիգորյանը:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։