Մուտք

Invalid username or password

Մոռացե՞լ եք գաղտնաբառը

Հաճախորդների սպասարկման նոր ձևաչափ՝ ՎՏԲ-Հայաստան Բանկում

Վերադարձ լուրերի բաժին

18:48 , 21 Օգոստոս 2020

ՎՏԲ-Հայաստան Բանկի Կոնտակտային կենտրոնն այսուհետ սպասարկելու է իր հաճախորդներին CRM Dynamics 365 համակարգի միջոցով:

Կառավարման նոր համակարգը, որը Բանկը ներդրել է 2020թ. հուլիսին, կբարձրացնի հաճախորդների սպասարկման գործընթացի արդյունավետությունն՝ անընդմեջ վերլուծելով հաճախորդների տվյալները և պահպանելով հաճախորդի հետ փոխհարաբերության ողջ պատմությունը:

Դա թույլ կտա մի քանի անգամ ավելի արագ և որակյալ սպասարկել հաճախորդների դիմումները՝ նույնականացնելով հաճախորդին մինչև Բանկի Կոնտակտային կենտրոնի համապատասխան աշխատակցին միանալը՝ ապահովելով անհատական սպասարկում:

Նորագույն CRM Dynamics 365 համակարգի մեկնարկը ՎՏԲ-Հայաստանի Բանկի հաճախորդներին հնարավորություն է ընձեռել ստանալու իրենց հարցերի պատասխանները IVR (ինտերակտիվ ձայնային մենյու) ավտոմատ համակարգի միջոցով, որը Բանկի հաճախորդների համար ստեղծել է 27/4 ռեժիմով սպասարկվելու նոր հնարավորություն:

Մասնավորապես, հաճախորդները կարող են առանց Կոնտակտային կենտրոնի աշխատակիցներին դիմելու և օպերատորին միանալու՝ ակնթարթորեն կատարել հետևյալ գործարքները՝

• Ստանալ տեղեկատվություն գործող վարկերի մասին SMS հաղորդագրությունների միջոցով. վարկային կոդը, հաջորդ վճարման ամսաթիվը և գումարը, վարկի մնացորդը, ժամկետանց գումարը և այլն: Դրա համար անհրաժեշտ է Բանկի IVR համակարգում 87-87 հավաքելուց հետո ընտրել 1 թվանշանը:

• Ստուգել քարտային հաշվի իրական մնացորդը, որի համար անհրաժեշտ է 87-87 հավաքելուց հետո IVR համակարգի մենյուում ընտրել 2 թվանշանը, հավաքել քարտի համարը, բանկային կոդը և լսել քարտի մնացորդը:

• Ստանալ դրամական փոխանցման գումարը քարտին՝ ձայնային հաղորդագրության միջոցով արագ դրամական փոխանցման մասին տվյալներ թողնելով:

Նոր համակարգի մեկնարկից հետո բանկի հաճախորդների 30%-ը, ովքեր նախկինում զանգահարում էին Կոնտակտային կենտրոն և սպասարկվում անմիջապես Բանկի աշխատակիցների կողմից, այժմ ստանում են իրենց հետաքրքրող տեղեկատվությունը ավտոմատ կերպով՝ IVR համակարգի միջոցով:

Բացի այդ, յուրաքանչյուր զանգից հետո, հաճախորդին հնարավորություն է տրվում գնահատել աշխատակցի սպասարկման որակը , ինչպես նաև, ցանկության դեպքում, ձայնային հաղորդագրության միջոցով թողնել իր կարծիքը կամ առաջարկությունները, ինչը թույլ կտա մշտապես հետևել, վերլուծել և բարելավել հաճախորդների սպասարկման որակը, հաճախորդների առաջարկությունների հիման վրա մշակել նոր պրոդուկտներ և ծառայություններ:

Առավել մանրամասն տեղեկատվություն կարելի է ստանալ Բանկի պաշտոնական կայքում կամ զանգահարելով Բանկի Կոնտակտային Կենտրոն` 87-87 հեռախոսահամարով:

Բանկը վերահսկվում է ՀՀ ԿԲ կողմից:

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկի և Ucom ընկերության համագործակցությունը

Ucom ընկերության հետ համագործակցության շրջանակներում բոլոր ցանկացողները կարող են ձևակերպել ապառիկ վարկեր Ucom-ի 78 վաճառքի և սպասարկման կենտրոններում և ձեռք բերել ապրանքներ առանց Բանկ այցելելու:

1000 խոշոր հարկ վճարողների կողմից 2021 թ. առաջին եռամսյակում պետբյուջե է վճարվել ավելի քան 260 մլրդ 170 մլն դրամ

Պետական եկամուտների կոմիտեի կայքում հրապարակվել է 2021 թ. հունվար-մարտ ամիսներին 1000 խոշոր հարկ վճարողների կողմից պետական բյուջե վճարված գումարների վերաբերյալ ցանկը:

Թուրքիայից վերջնական սպառման ապրանքների ներմուծման արգելքի ժամկետը երկարաձգվելու է. փոխվարչապետ

Փոխվարչապետը նշեց, որ հումքի և կոմպոնենտների ներմուծման վրա սահմանափակումը չի տարածվում, որպեսզի արտադրողների մոտ խնդիրներ չառաջանան: