Մուտք

Invalid username or password

Մոռացե՞լ եք գաղտնաբառը

ՀԱԿ-ն առաջընթաց է համարում ապօրինի հարստացումը քրեականացնող օրենսդրական նախաձեռնությունը

Վերադարձ լուրերի բաժին

Հեղինակ

B4B.am

Խորագրեր

Լուրեր

16:26 , 14 Դեկտեմբեր 2016

Ազգային ժողովի ՀԱԿ խմբակցության ղեկավար Լևոն Զուրաբյանն առաջընթաց է համարում ապօրինի հարստացումը քրեականացնող օրենսդրական նախաձեռնությունը: Ազգային ժողովում ՀՀ քրեական օրենսգրքում փոփոխություններ կատարելու մասին և Քրեադատավարական օրենսգրքում լրացում կատարելու մասին նախագծերի փաթեթի քննարկման ժամանակ ՀԱԿ խմբակցության ղեկավարն ընդգծեց, որ սա մի նախաձեռնություն է, որի համար իրենք տարիներ շարունակ պայքարել են և պահանջատեր են եղել: «Այսօր մենք ստացել ենք մի օրինագիծ, որը թեև առաջընթաց է, սակայն դեռ բավարար չէ: Մենք կարծում ենք, որ այս օրենքին հարկավոր է հետադարձ ուժ տալ»,- «Արմենպրես»-ի հաղորդմամբ՝ նշեց Զուրաբյանը:

Նա հայտարարեց, որ «Հայ ազգային կոնգրես»-ը իր նախընտրական ծրագրի կարևոր դրույթներից մեկն է դարձնելու ապօրինի հարստացումը քրեականացնող օրենքին հետադարձ ուժ տալու մեխանիզմներ գտնելը: Նրա խոսքով՝ իրենք հասնելու են նրան, որ ստուգվեն բոլոր պաշտոնյաները, ովքեր տարբեր պաշտոններում պաշտոնավարել են՝ սկսած 1991թ.-ից:

Օրենքին հետադարձ ուժ տալու հարցը մինչ այդ բարձրացրել էր նաև ՕԵԿ խմբակցության պատգամավոր Հովհաննես Մարգարյանը, ինչին ի պատասխան հիմնական զեկուցող, ՀՀ արդարադատության նախարար Արփինե Հովհաննիսյանը հայտնել էր, որ օրենքին հետադարձ ուժ տալ հնարավոր չէ, քանի որ Սահմանադրության մեջ ամրագրված է, որ խստացնող օրենքները չեն կարող հետադարձ ուժ ունենալ:

ԱՄԵՆԱԿԱՐԴԱՑՎԱԾ ԼՈՒՐԵՐ

«Բուհերին խնդրել ենք ուսման վարձերը չբարձրացնել». Լևոն Մկրտչյան

Հայաստանում այս տարի դիմորդների թիվը նվազել է 1500-ով։ Լրագրողների հետ զրույցում ՀՀ կրթության և գիտության նախարարն այդ ամենը մեկնաբանել է կրթության ոլորտում փոփոխություններով

Ադրբեջանական խնձորի ներկրման դեպքով հարուցվել է քրգործ. ՊԵԿ-ը չարաշահումներ է թույլ տվել

Պետական եկամուտների կոմիտեն տեղական շուկայի տարբեր վաճառակետերում իրականացրել է օպերատիվ-հետախուզական միջոցառումներ

Մարտական հերթապահություն իրականացնել ցանկացող նորակոչիկները ծառայության ավարտին կստանան 5 մլն դրամ. ՊՆ-ն քննարկման է դնում «ԵՍ ԵՄ» ծրագիրը

Այն նորակոչիկները, ովքեր ցանկություն կհայտնեն ծառայությունն իրականացնել մարտական հերթապահություն իրականացնող զորամասում, իրավունք կստանան անցնելու ծառայության նոր տեսակի` ժամկետային պայմանագրային: