Մուտք

Invalid username or password

Մոռացե՞լ եք գաղտնաբառը

Հակաճգնաժամային ծրագրի ֆինանսները հասանելի կլինեն ապրիլի 1-ից

Վերադարձ լուրերի բաժին

17:10 , 26 Մարտ 2020

Փոխվարչապետ Մհեր Գրիգորյանը կառավարության մարտի 26-ի նիստին ասել է, որ աջակցության ուղղությունները հետևյալն են․ «Սպառման դեֆորմացման պարագայում կա որոշակի լիկվիդայնության անկում համակարգում, և ենթադրվում է, որ մենք պետք է ունենանք գործողությունների ու միջոցառումների շարք, որով այդ խնդիրը կչեզոքացնենք։ Երկրորդ ուղղությունը, որի շուրջ մենք պետք է մոբիլիզացնենք մեր ռեսուրսները, դա կորոնավիրուսի հետևանքով աշխատանք կորցրած խմբերն են, որոնց մենք պետք է թիրախավորենք ու օժանդակենք, երրորդ ուղղությունը սոցիալապես անապահով ու խոցելի խմբերի սոցիալական անվտանգության ապահովումն է։ Մենք ունենք ակնհայտ խնդիր, որն այսօր կարևորագույնն է ամբողջ աշխարհում, առողջապահական համակարգի լրազինումն ու վերազինումը։ Այստեղ նույնպես պետք է իրականացնենք միջոցառումներ։ Եվ, իհարկե, ելնելով իրավիճակից, պետական պահուստների, այսինքն՝ դեղորայքային, հումքային, սննդի պաշարների կառավարման արդյունավետ համակարգի ձևավորում»։

Փոխվարչապետի խոսքով՝ կառավարությունը պետք է ունենա նոր ֆինանսական մոդել, ճշգրիտ անելիքները, ծախսերը և ներգրավվելիք միջոցները։ Ըստ նրա՝ կառավարությունը բաց է ծրագրի հանրային քննարկման համար, թե մասնագիտական, թե հանրային հարթակում։

Վարչապետ Նիկոլ Փաշինյանն ասել է․ «Մենք այս ծրագրով ուզում ենք ոչ միայն աջակցել մեր տնտեսության մրցունակ հատվածին և սոցիալական առաջին հարվածներն ստացած մեր խավերին, այլև, որ շատ կարևոր է, այս փաթեթի խորքային նպատակը մեր տնտեսությանը, հանրությանը հետկորոնավիրուսային ժամանակաշրջանում մրցունակ տնտեսություն ու մրցունակ գործունեություն կառուցելու նախապատրաստելն ու տրամադրելն է։ Այս օրակարգը ոչ մի պարագայում զարգացման որևէ սցենարի դեպքում չպետք է մոռանանք։ Մեր խնդիրն ավանդական գոյատևման տրամաբանությունից պետք է տեղափոխենք զարգացման, ուժեղացման, մեր երկրի մրցունակության բարձրացման տրամաբանություն։ Եվ այս օրակարգը չպետք է կորցնենք նույնիսկ ամենաօրհասական պահերին»։

Նա հավելեց, որ մենք հիմա զբաղված չենք գոյապայքարով, այլ զբաղված ենք ապագա աշխարհում, հետկորոնավիրուսային աշխարհում մեր երկրի տեղադիրքը, հանրության մրցունակությունը, հանրային հարաբերությունների մակարդակը և յուրաքանչյուր քաղաքացու մրցունակությունն ուժեղացնելու ռազմավարական ծրագրի որդեգրմամբ։ Ըստ վարչապետի՝ պայմանավորվածությունը հետևյալն է․«Մենք ֆինանսները պետք է արդեն ապահովենք, որպեսզի չորեքշաբթի օրվանից ծրագրով նախատեսված ֆինանսներն սկսեն շրջանառվել, շահառուները հնարավորություն ունենան չորեքշաբթի օրվանից ստանալ»։ Իսկ կառավարության հաջորդ նիստում, ըստ վարչապետի, պետք է աշխատեն էլի նոր փաթեթներ ունենալ, որոնցով այլ ծրագրեր իրականացնել։ «Եվ այսպես այնքան, մինչև կհամոզվենք, որ ճգնաժամի շոկային փուլը հաղթահարված է, և մենք կանցնենք ավելի կոնկրետ զարգացման հայեցակարգերի քննարկմանը»,- հավելել է Փաշինյանը։

ԱՄԵՆԱԿԱՐԴԱՑՎԱԾ ԼՈՒՐԵՐ

Գերատեսչություններն ամենօրյա ռեժիմով իրականացնում են ծրագրերի ընթացքի մշտադիտարկում և ներկայացնում կառավարության ղեկավարին

Կառավարությունում քննարկվել է նպատակային ներդրումային ծրագրերին օժանդակության շրջանակը:

ՎՏԲ–Հայաստան Բանկը կվճարի հրատապ միանվագ աջակցության գումարներ

Հրատապ միանվագ աջակցության գումարները հաճախորդներին կտրամադրվեն առանց միջնորդավճարների և նվազեցումների:

Եկամտահարկի վերադարձի համար նոր փաստաթուղթ է անհրաժեշտ

ՊԵԿ-ը տեղեկացրել է, թե ինչ է պետք ներկայացնել: