Մուտք
Invalid username or password
Կոնվերս Բանկը «սպորտային» անակնկալ է մատուցել Գյումրիի բնակիչներին
Վերադարձ լուրերի բաժին
17:54 , 24 Սեպտեմբեր 2019
Դիտումներ670
Գյումրիում տեղի ունեցավ Կոնվերս Բանկի աջակցությամբ կառուցված հերթական պրոֆեսիոնալ մարզահրապարակի բացման արարողությունը, որին մասնակցում էին Շիրակի մարզպետ Տիգրան Պետրոսյանը, Գյումրիի փոխքաղաքապետ Հայկ Սուլթանյանը, Կոնվերս Բանկի ներկայացուցիչներ, հյուրեր:
«Սա Գյումրիում բացված առաջին պրոֆեսիոնալ մարզահրապարակն է, որը մեր համաքաղաքացիներին հնարավորություն կընձեռի մարզվել միջազգային չափորոշիչներին համապատասխան պայմաններում: Վստահ եմ նաև, որ այն կդառնա գյումրեցի փոքրիկների ժամանցի նախընտրելի վայրերից մեկը»,- իր խոսքում ասել է Գյումրիի փոխքաղաքապետ Հայկ Սուլթանյանը:
«Ողջունելի է, որ բանկը կորպորատիվ սոցիալական պատասխանատվության տիրույթում այսպիսի նախաձեռնությամբ է հանդես եկել, որը կնպաստի առողջ ապրելակերպին ու մասսայական սպորտի զարգացմանը: Նման նախագծերի իրականացումը գործընկեր համայնքների նկատմամբ տնտեսվարողների հոգածու վերաբերմունքի լավագույն դրսևորումներից է»,- ասել է Շիրակի մարզպետ Տիգրան Պետրոսյանը։
Նշվել է, որ նախորդ տարի՝ մեկ այլ ծրագրի շրջանակում, Կոնվերս Բանկը աջակցել է Գյումրու երկու դպրոցում համակարգչային սենյակների ստեղծմանը, տեխնիկապես համալրմանը, իսկ դպրոցներից մեկում՝ նաև համակարգչային սենյակի նորոգմանը:
«Առաջիկայում՝ Նոր Հաճնում նման մարզահրապարակի բացմամբ մենք ավարտին կհասցնենք Հայաստանում և Արցախում 5 պրոֆեսիոնալ մարզահրապարակների կառուցման նախագիծը: Դրանք, գործարկման առաջին տարվա ընթացքում սպասարկելու է նախագծի մեր գործընկեր StreetWorkout հայաստանյան ֆեդերացիան, այնուհետև մարզահրապարակները անցնելու են համապատասխան համայնքների՝ Երևան, Շուշի, Գյումրի, Մեծամոր և Նոր Հաճն, հաշվեկշիռ»,- ասել է Կոնվերս Բանկի բիզնեսի զարգացման գծով տնօրեն Արթուր Նահապետյանը:
Շիրակի մարզում Կոնվերս Բանկը ներկայացած է երեք մասնաճյուղով՝ «Գյումրի», «Կումայրի»և «Շիրակ»: Այս տարվա սեպտեմբերի մեկի դրությամբ, դրանց վարկային պորտֆելը կազմել է 5.8 մլրդ դրամ՝ նախորդ տարվա նույն ժամանակահատվածի համեմատ աճելով 28 տոկոսով: Միաժամանակ, Բանկը Շիրակի մարզում գյուղատնտեսության, զբոսաշրջության, զբոսաշրջային ենթակառույցների, սռևտրի և սպասարկման զանցի ընդլայնման և զարգացման նպատակով նախորդ տարի մշակել և ներդրել է«Գյումրի» և«Գյումրի ագրո» վարկատեսակները:
Դիտումներ 670
ԱՄԵՆԱԿԱՐԴԱՑՎԱԾ ԼՈՒՐԵՐ
Բարեփոխումները 2019-ին դրական են ազդել պետական պարտքի կայունության պահպանմանը
Այդ մասին ասել է ԿԲ նախագահ Արթուր Ջավադյանը՝ Ազգային ժողովում:
Brain – Ring մրցույթը՝ առցանց
Նախաձեռնության նպատակը ավագ դպրոցում ձեռնարկատիրական և ֆինանսական կրթություն ուսումնասիրող աշակերտներին խրախուսելը և նրանցից լավագույններին բացահայտելն է։
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։