Մուտք

Invalid username or password

Մոռացե՞լ եք գաղտնաբառը

Կոնվերս բանկը ներդրել է Շիրակի մարզի զարգացմանը միտված երկու վարկային պրոդուկտ

Վերադարձ լուրերի բաժին

15:56 , 18 Փետրվար 2019

Կոնվերս Բանկը տեղեկացնում է, որ Շիրակի մարզում ՓՄՁ և գյուղատնտեսության ոլորտների զարգացման նպատակով Կոնվերս Բանկը ներդրել է «Գյումրի» և «Գյումրի ագրո» վարկային պրոդուկտները: Դրանցից առաջինի՝ ՓՄՁ ֆինանսավորման «Գյումրի» պրոդուկտի շրջանակում նախատեսվում է տարածաշրջանում զբոսաշրջության (ներառյալ զբոսաշրջային ենթակառույցները), առևտրի ու սպասարկման ոլորտներում ներդրումային ծրագրերի, այդ թվում՝ Start-Up ֆինանսավորում:

Վարկավորումն իրականացվում է երեք արժույթով. դրամով՝ սկսած տարեկան 10.5 %, դոլարով՝ 8%, իսկ եվրոյով՝ 6 % դրույքաչափով: Վարկի մարման ժամկետը մինչև 120 ամիս է: Start-Up նախագծերի համար սահմանված է նաև մայր գումարի մարման՝ 24 ամիս արտոնյալ ժամկետի հնարավորություն:

«Պրոդուկտը հաճախորդներին է առաջարկվելու որպես բանկային ծառայությունների համալիր փաթեթի մի մաս, որի շրջանակում վարկառուներին կտրամադրվի Բանկի այլ ծառայություններից արտոնյալ պայմաններով օգտվելու հնարավորություն: «Գյումրի» վարկատեսակի շահառուների համար անվճար կլինի Կոնվերս Բանկի Intenet banking, Mobile banking ծառայությունների տրամադրումը, Կորպորատիվ քարտերի տրամադրումն ու սպասարկումը, PՕS տերմինալներ տեղադրման դեպքում մեկ տարի սպասարկման վարձ չի գանձվի և այլն»,- b4b.am-ին ասացին են Կոնվերս Բանկում:

Գործարկված «Գյումրի ագրո» վարկատեսակով իրականացվելու է մինչև 84 ամիս մարման ժամկետով գյուղվարկավորում՝ դրամային վարկերի դեպքում` սկսած 10.5%, իսկ ԱՄՆ դոլարով՝ 8 % տարեկան տոկոսադրույքով:

«Ներդրվող բանկային պրոդուկտներից կարող են օգտվել բոլոր այն անձինք, ովքեր ցանկություն կհայտնեն ներդրումներ իրականացնել Շիրակի մարզում: Ծրագրի պոտենցիալ շահառուներից կարևորում ենք հատկապես արտերկրում գործունեություն ծավալող Շիրակի մարզից գործարարներին, ովքեր մտադիր են վերադառնալ և իրենց գործունեությունը սկսել տարածաշրջանում: Ըստ որում, ՓՄՁ վարկավորման պարագայում մենք պատրաստակամ ենք ոչ միայն ֆինանսավորել ներդրումային ծրագրերը, այլև դրանց իրականացման ողջ ընթացքում տրամադրել անվճար բիզնես խորհրդատվություն», -ասել են Կոնվերս Բանկում:
Նման պրոդուկտների ներդրման մտադրության մասին Կոնվերս Բանկը հայտարարել էր ամիսներ առաջ՝ Բանկի Խորհրդի՝ Գյումրիում կայացած արտագնա նիստի ժամանակ:
ՓՄՁ վարկավորման «Գյումրի» և «Գյումրի Ագրո» վարկատեսակների մանրամասները՝ համապատասխանաբար https://www.conversebank.am/hy/gyumriloan/ և https://www.conversebank.am/hy/gyumriagroloan/ հղումներով:

ԱՄԵՆԱԿԱՐԴԱՑՎԱԾ ԼՈՒՐԵՐ

ՀԱՅԲԻԶՆԵՍԲԱՆԿ. մրցունակ առաջարկներ «Արմենիա Էքսպո 2021»-ի շրջանակներում

Բանկը կարևորում և գնահատում է իր հաճախորդներին:

Հայտարարություն-հերքում Վիվա-ՄՏՍ-ից

Գնորդի համաձայնությամբ՝ վերջինիս նույնականացման դեպքում, Վիվա-ՄՏՍ-ը պատրաստ է ներկայացնել ողջ եղելությունը՝ փաստերով ու ժամկետներով:

Ucom-ում գործում է «Մատչելին՝ զեղչով» առաջարկը

Հավելենք, որ 36 ամսով ապառիկ ձևակերպելու դեպքում գնորդներն առաջին 12 ամսվա ընթացքում կօգտվեն 0% կանխավճարի, 0% սպասարկման վճարի և 0% տարեկան տոկոսադրույքի հնարավորությունից։