Մուտք

Invalid username or password

Մոռացե՞լ եք գաղտնաբառը

Կոնյակագործներն անհանգստացած են արտահանման կրճատմամբ: Նրանք դիմել են վարչապետին

Վերադարձ լուրերի բաժին

Հեղինակ

B4B.am

Խորագրեր

ԵՏՄ
Լուրեր

11:03 , 18 Փետրվար 2019

Կոնյակագործությամբ ու գինեգործությամբ զբաղվող տասից ավելի ընկերությունների ներկայացուցիչներ Բարեփոխումների աջակցության հանրային նախաձեռնության հետ հերթական հանդիպումից հետո որոշել են դիմել վարչապետ Նիկոլ Փաշինյանին: Նրանք անհանգստացած են այս տարվա հունվարի 1-ից ուժի մեջ մտած օրենքով: b4b.am-ի հաղորդմամբ՝ գործարարներն ահազանգում են, որ այն արդեն ունեցել է բացասական ազդեցություններ՝ սկսած արտադրանքի ինքնարժեքի թանկացումից, արտահանման ծավալների նվազումից մինչև արտաքին շուկայում հայկական կանյակի դիրքերի թուլացում և կորուստներ: Խոսքը «Պետական տուրքի մասին» Հայաստանի Հանրապետության օրենքում լրացումներ և փոփոխություններ կատարելու մասին օրենսդրական փոփոխության մասին է, որն ընդունվել է 2018 թվականի հունիսի 13-ին:

Քննարկման արդյունքում Բարեփոխումների աջակցության հանրային նախաձեռնության կազմկոմիտեն և ոլորտի ներկայացուցիչները կազմել և ընդունել են խնդրի կարգավորումը նախատեսող առաջարկությունների փաստաթուղթ-դիմումներ՝ ներկայացնելու ՀՀ վարչապետ Ն. Փաշինյանին և ԱԺ նախագահ Ա. Միրզոյանին: Դիմումի մեջ կոնյակագործները նշել են, որ օրենքի ընդունումից և պետական տուրքի գանձումից հետո մոտ 21 ցենտով թանկանալու է տեղական արտադրության սպիրտը, ինչը մեր արտադրանքն անմրցունակ է դարձնելու արտաքին շուկաներում, հատկապես՝ Ռուսատսանում:

_MG_7761 копия
Ըստ գործարարների՝ տուրքի պատճառով արտադրող և արտահանող ընկերությունները 100-200 դրամով ավելացնելու են սպիրտի ինքնարժեքը: «Շղթայական ռեակցիայով այն ազդելու է խաղողի մթերման ծավալների վրա»,- նշում են կոնյակագործները: Դրա հետևանքով, ըստ նրանց, ընկերություններն ավելի պակաս գին են առաջարկելու խաղողագործներին, որն էլ ենթադրում է, որ կիջնի խաղողի սպառումը Հայաստանում: Կոնյակագործները պնդում են, որ օրենքն ընդունելուց առաջ ոլորտի ներկայացուցիչների հետ չի կազմակերպվել քննարկում որևէ ձևաչափով: Նրանք պատրաստակամություն են հայտնել ԱԺ և կառավարության հետ քննարկել վիճահարույց հարցերը:

ԱՄԵՆԱԿԱՐԴԱՑՎԱԾ ԼՈՒՐԵՐ

Ռազմական դրության ժամանակահատվածում սահմանված հարկային արտոնությունները

Լրացուցիչ հարցերի դեպքում կարող եք դիմել ՀՀ պետական եկամուտների կոմիտեի հեռախոսազանգերի կենտրոն՝ 060 544 444 կամ 0 8000 0007 հեռախոսահամարներով։

Կորոնավիրուսի ազդեցությունը տրանսֆերների վրա

Հայաստան փոխանցվող գումարների վրա իրենց ազդեցությունն են թողել մի շարք գործոններ։

ԵՏՀ-ում ՀՀ-ն ներկայացնող նախարար Գ. Վարդանյանի առաջարկությունը հավանության են արժանացրել ՌԴ և ԵԱՏՄ երկրների փոխվարչապետները

Նախաձեռնությունն ուղղված է ինտեգրված տեղեկատվական համակարգի զարգացման ու արդիականացման նոր հնարավոր մոտեցումների մշակմանը: