Մուտք

Invalid username or password

Մոռացե՞լ եք գաղտնաբառը

Կոլաներն ու լիմոնադները կհարկվեն ակցիզային հարկով

Վերադարձ լուրերի բաժին

13:41 , 02 Նոյեմբեր 2018

ՊԵԿ-ը նախատեսում է շաքարի որոշակի քանակ ունեցող զովացուցիչ ըմպելիքները հարկել ակցիզային հարկով

Ենթաակցիզային ապրանքների շրջանակը նախատեսվում է ընդլայնել: Շաքարի որոշակի պարունակություն ունեցող զովացուցիչ ըմպելիքները կարող են մտնել ակցիզային հարկի տակ: «Արմենպրես»-ի հաղորդմամբ` այս մասին ԱԺ-ում լրագրողների հետ զրույցում ասել է ՊԵԿ նախագահի պաշտոնակատար Դավիթ Անանյանը:

«Նոր ապրանքներ կրող են մտնել: Շաքարի որոշակի պարունակություն ունեցող զովացուցիչ ըմպելիքները կարող են մտնել ակցիզային հարկի տակ: Դա միջազգային պրակտիկայում ընդունված հարկատեսակ է: Շաքարի վնասակար քանակություն ունեցող զովացուցիչ ըմպելիքները միջազգային պրակտիկայում դառնում են ենթաակցիզային ապրանքներ: Մենք ինքներս են այդպիսի առաջարկով հանդես եկել»,-ասել է Անանյանը:

Նա շեշտել է, որ եթե չլիներ քաղաքական փոփոխությունների այս փուլը, ԱԺ-ում արդեն ներկայացրած կլինեին այս փաթեթի կոնսենսուսային տարբերակը, որ կա կառավարությունում:

Անանյանը նկատել է, որ այդ փաթեթը կարող են ԱԺ-ում քննարկել լավագույն դեպքում դեկտեմբերին, իսկ փոփոխությունների կարելի կլինի սպասել հուլիսից:

ԱՄԵՆԱԿԱՐԴԱՑՎԱԾ ԼՈՒՐԵՐ

Քննարկվել են ՀՀ կառավարության և Գերմանական զարգացման բանկի միջև համագործակցության ընդլայնմանը վերաբերող հարցեր

Վարչապետ Նիկոլ Փաշինյանն ընդունել է Գերմանական զարգացման բանկի (KfW) տարածաշրջանային տնօրեն Օլաֆ Ցիմելկայի գլխավորած պատվիրակությանը: Այդ մասին b4b.am-ին հայտնեց կառավարության մամուլի բաժինը։ Կառավարության ղեկավարն ընդգծել է, որ մի քանի ամիսների ընթացքում երկու երկրների միջև տեղի են ունեցել բարձր մակարդակի փոխայցելություններ, որոնք նոր թափ կհաղորդեն հայ-գերմանական բարեկամական հարաբերություններին: Նիկոլ Փաշինյանի խոսքով՝ այդ հարաբերություններում կարևոր տեղ ունի […]

Հույն գործարարները Հայաստանը պետք է դիտարկեն որպես հարթակ խոշոր շուկաներ դուրս գալու համար

B4b.am-ը հայտնում է, որ մարտի 19-ին տեղի ունեցած հայ-հունական գործարար համաժողովի ժամանակ այս մասին ասաց Արդյունաբերողների և գործարարների միության նախագահ Արսեն Ղազարյանը: Նա հայ և հույն գործարարներին կոչ արեց ակտիվանալ բիզնես ոլորտում: «Բարեկամ երկրներ, պետաիրավական հոյակապ դաշտ, գրեթե ռազմաքաղաքական դաշնակցություն, բայց շատ փոքր տնտեսական ակտիվություն: Մեղավորը հայ և հույն գործարարներն են: Ոչ պետությունը, ոչ բիզնես-կառույցները, […]