Մուտք

Invalid username or password

Մոռացե՞լ եք գաղտնաբառը

Կլուծվի սնանկ կառուցապատողին վճարած քաղաքացիների խնդիրը

Վերադարձ լուրերի բաժին

Կառավարությունը քննարկեց կառուցվող բազմաբնակարան կամ ստորաբաժանված շենքերի բնակարանների և ոչ բնակելի տարածքների օտարման գործարքները ՀՀ հարկային օրենսգրքի 62-րդ հոդվածի 7-րդ մասի կիրառության իմաստով իրական արժեքից ցածր արժեքով հատուցմամբ գործարքներ համարելու մասին հարցը:

Ֆինանսների նախարար Ատոմ Ջանջուղազյանը նշեց, որ խոսքն այն գործարքների մասին է, որոնցով կառուցապատողների հետ կնքված պայմանագրերի շրջանակում գնորդները կատարել են վճարումներ, բայց կառուցապատման գործընթացի ընթացքում կառուցապատողը սնանկ է ճանաչվել, և այլ կառուցապատող աճուրդով ձեռք է բերել կառուցապատումը շարունակելու և գործընթացն ավարտելու իրավունքը:

«Մի կողմից՝ կա բարեխիղճ գնորդ, որը կատարել է մասնակի վճարում, մյուս կողմից՝ կա կառուցապատման իրավունք ձեռք բերած բարեխիղճ տնտեսավարող, որը պետք է շարունակի ծրագիրն ու ավարտին հասցնի: Բայց կա նաև խնդիր մինչ այդ կատարված վճարումների և ընդհանրապես գործարքի գնի հետ: Առաջարկվող նախագծով հնարավորություն կտրվի շուկայականից ցածր կամ Հարկային օրենսգրքով ընդհանուր կարգավորումներից տարբերվող մոտեցմամբ գործարքը շուկայականից ցածր գնով ճանաչել և հնարավորություն տալ, որ խնդիրը դուրս գա փակուղուց, ու կառուցապատումն ավարտվի»,- նշեց Ջանջուղազյանը:

Նախարարը հավելեց՝ խոսքը մինչև 2015-ի հունվարի 1-ը կնքված գործարքներին է վերաբերում, որովհետև դրանից հետո փոխված օրենսդրությունն այդ ռիսկը կանխարգելել է, այսինքն՝ դրանից հետո այսպիսի իրավիճակ չէր կարող լինել:

1lurer.am

ԱՄԵՆԱԿԱՐԴԱՑՎԱԾ ԼՈՒՐԵՐ

Ճշգրտված ծրագրային ցուցանիշը գերակատարվել է շուրջ 59 մլրդ դրամով

Ըստ Կարեն Թամազյանի, չնայած առանձին ամիսներին կորոնավիրուսային համավարակով պայմանավորված եկամուտ ապահոված աշխատատեղերի անկմանը` տարեկան կտրվածքով 2020թ. հարկման ենթակա եկամուտներ ապահոված աշխատատեղերը կազմել են միջին ամսական 609 հազար, որը 2019թ. նույն ամսվա համեմատ ավելի է շուրջ 1.2 %-ով (7 հազարով):

Քաղաքացիները ԿԲ-ում կարող են փոխանակել հնամաշ կամ վնասված ՀՀ դրամները

ՀՀ ԿԲ դրամանիշերի փոխանակման գործառնական դրամարկղը գործելու է ք. Երևան, Վազգեն Սարգսյան 6 հասցեում:

ՎՏԲ-Հայաստան Բանկն առաջարկում է օգտվել ոսկյա իրերի գրավադրմամբ վարկեր ձևակերպելու շահավետ պայմաններից

Ոսկյա իրերի գրավադրմամբ վարկ ձևակերպած հաճախորդ-վարկառուներին ՎՏԲ-Հայաստան Բանկը հնարավորություն է տալիս պարբերաբար ավելացնել գործող վարկի սահմանաչափը մինչև 10%: