Մուտք

Invalid username or password

Մոռացե՞լ եք գաղտնաբառը

Կենտրոնական բանկը 2018 թվականին կանխատեսում է 4.7-5.8% տնտեսական աճ

Վերադարձ լուրերի բաժին

11:01 , 05 Մարտ 2018

2017 թվականին ներքին պահանջարկի բարձր աճը մեծամասամբ պայմանավարված Կենտրոնական բանկի կողմից իրականացվող շարունակական խթանող դրամավարկային քաղաքականությամբ և տնտեսության վարկավորման աճով, ինչպես նաև արտաքին պահանջարկի և ՌԴ-ից դրամական փոխանցումների վերականգնմամբ, որի ներքո 2017 թվականի համար գնահատվում է բարձր տնտեսական աճ։

Այս մասին նշվում է ԿԲ Դրամավարկային քաղաքականության 2018 թվականի առաջին եռամսյակի ծրագրում և 2017-ի չորրորդ եռամսյակի ծրագրի կատարման հաշվետվության մեջ։

Վերը նկարագրված զարգացումների պայմաններում 2017 թվականին սպասվում է 7.2-7.4% տնտեսական աճ (ԿԲ կողմից այս զեկույցի հրապարակման պահին ԱՎԾ-ն դեռ չէր հրապարակել տնտեսական աճի փաստացի ցուցանիշը՝ 7.5%)։

ԿԲ գնահատմամբ, 2018 թվականին ակնկալվող խթանող հարկաբյուջետային քաղաքականությունը, 2017 թվականին իրականացված ընդլայնողական դրամավարկային քաղաքականության լագային ազդեցությունները, ինչպես նաև՝ արտաքին աշխարհում բարենպաստ զարգացումները կշարունակեն դրական նպաստում ունենալ համախառն պահանջարկի վրա։

cb-pahanjark

Այս զարգացումների պայմաններում Կենտրոնական բանկը 2018 թվականին կանխատեսում է 4.7-5.8% տնտեսական աճ։ Ըստ ԿԲ-ի, այդ աճը մեծապես պայմանավորված կլինի մասնավոր ծախսումների և արտահանման աճով։

Միջնաժամկետ հատվածում տնտեսական աճի զարգացումները մեծապես որոշվում են տնտեսության ներուժով։ 2019 թվականին տնտեսական աճը ԿԲ-ն գնահատում է 4.5-5.9%, իսկ 2020 թվականին՝ 4.4-6%-ի շրջանակներում։ Նշված միջնաժամկետ տնտեսական աճերը պայմանավորված են ներդրումային ծրագրերի իրականացմամբ, Կառավարության կողմից իրականացվող բարեփոխումների ընթացքով և գործընկեր երկրներում ակնկալվող տնտեսական աճի ներուժային մակարդակներով։

cb-pahanjark2

ԱՄԵՆԱԿԱՐԴԱՑՎԱԾ ԼՈՒՐԵՐ

ՎՏԲ-Հայաստան Բանկի հաճախորդները ստանում են կենսաթոշակ մինչև յուրաքանչյուր ամսվա երկրորդ աշխատանքային օրը  

Հաճախորդի ցանկությամբ Բանկը տրամադրում է նաև թոշակային քարտ, որով հաճախորդը կարող է կանխիկացնել միջոցներ ոչ միայն Հայաստանում, այլ նաև արտերկրում:

Համաշխարհային բանկը հակաճգնաժամային 4 միջոցառման գծով անհատույց համաֆինանսավորող կլինի

Այդ մասին տեղեկացրել է փոխվարչապետի պաշտոնակատար Մհեր Գրիգորյանը: