Մուտք
Invalid username or password
ԿԲ-ն հրապարակել է 2019 թ. ֆինանսական կազմակերպությունների գործարար վարվելակերպի վերահսկողության արդյունքները
Վերադարձ լուրերի բաժին
05:51 , 04 Մայիս 2020
Դիտումներ2400
2019 թվականին կատարվել են ֆինանսական կազմակերպությունների` տեղերում և հեռակա ստուգումներ: Այդ մասին հյատնում է ՀՀ ԿԲ 2019 թ. տարեկան հաշվետվությունը: Տեղերում ստուգումների միջոցով որոշ ֆինանսական կազմակերպություններում իրականացվել են ծառայությունների մատուցման պատշաճության, բողոքների ու վեճերի լուծման, տեղեկությունների հրապարակման քաղաքականությունների, դրանց կիրարկման, սպառողների տեսանկյունից ռիսկայնության ու իրավական համապատասխանության ուսումնասիրություններ:
Հեռակա ստուգումների շրջանակներում ստուգվել են 40 ֆինանսական կազմակերպության համացանցային կայքեր, 182 հեռուստագովազդ և 278 ռադիոգովազդ: Արձանագրվել է մոտ 200 խախտում: Ֆինանսական կազմակերպությունների հեռուստագովազդներին զուգընթաց, ամսական պարբերականությամբ ստուգվել են նաև ռադիոգովազդները:
Ելնելով իրավական դաշտի փոփոխություններից և հիպոտեկային շուկայի աշխուժացումից՝ առանձնակի դիտարկվել են հիպոտեկային վարկերը: Մասնավորապես՝ 22 բանկում և վարկային կազմակերպություններում իրականացվել են ուսումնասիրություններ, ստուգվել են 35 ֆինանսական կազմակերպության հիպոտեկային վարկերի պայմանագրերի օրինակելի ձևանմուշները սահմանող ներքին իրավական ակտերը, պայմանագրերի օրինակելի ձևերը, փաստացի կնքված պայմանագրերը: Արձանագրվել է մոտ 150 խախտում:
2019 թվականին ևս ՍՇՊևՖԿ կենտրոնն արձագանքել է սպառողներից գրավոր և թեժ գծի միջոցով ստացված դիմումներին: Տարվա ընթացքում թեժ գծով ստացվել է 6147 զանգ, որից 5699-ը բավարարվել են, 302-ը ուղղորդվել են ԿԲ գրավոր դիմում ներկայացնելու, 133-ը՝ այլ կառույցներ, 13-ը չեն բավարարվել: Զանգերի թիվը նվազել է 10,96 %-ով: 2019 թվականին ստացվել է 878 դիմում. նախորդ տարվա համեմատությամբ դիմումների թիվն աճել է 116-ով կամ 7,34%-ով:
Դիտումներ 2400
ԱՄԵՆԱԿԱՐԴԱՑՎԱԾ ԼՈՒՐԵՐ
Ամենամյա բարեգործական ընթրիք՝ հասարակության խոցելի խավին աջակցելու համար
Ամենամյա հերթական ընթրիքից հետո, նոր ծրագրերի մեկնարկը տրված է, իսկ աշխատանքային ժամանակացույցը՝ հագեցած:
«BUSUU» լեզուների ուսուցման հավելված՝ Վիվա-ՄՏՍ-ի բաժանորդների համար
2878 կարճ համարին ուղարկվող SMS հաղորդագրությունների համար հավելյալ գումար չի գանձվում: Ռոումինգում գտնվելիս, SMS հաղորդագրությունների համար վճարը գանձվում է համապատասխան ուղղության սակագների հիման վրա:
Ռալֆ Յիրիկյանը «Առաջնորդության դպրոցի» ուսանողներին ներկայացրել է Վիվա-ՄՏՍ-ի փորձը կառավարման ոլորտում
Դասախոսության ավարտին Ռալֆ Յիրիկյանը հորդորել է երիտասարդներին սահմանել նպատակներ ու ձգտել դրանց իրագործմանը:
Գտեք մեզ սոցցանցերում
© 2017 B4B.am
Կայքում տեղ գտած հրապարակումների հեղինակային իրավունքը պատկանում է B4B.am լրատվական-վերլուծական ռեսուրսին։ Նյութերի մասնակի կամ ամբողջական արտատպումը այլ ԶԼՄ-ների կողմից առանց պատշաճ հղման արգելվում է։ Շնորհակալություն մեր աշխատանքը հարգելու համար։