Մուտք

Invalid username or password

Մոռացե՞լ եք գաղտնաբառը

ԿԲ իրավաբանական վարչության պետը տեղափոխվում է մասնավոր ոլորտ

Վերադարձ լուրերի բաժին

10:51 , 28 Սեպտեմբեր 2018

ՀՀ Կենտրոնական բանկի իրավաբանական վարչության պետ Վարուժան Ավետիքյանը ԿԲ-ում երկար տարիների աշխատանքից հետո որոշել է գործունեությունը շարունակել մասնավոր հատվածում։ Այս մասին նա տեղեկացրել է իր ֆեսբուքյան էջում՝ նշելով, որ Կենտրոնական բանկին 17 տարի ծառայելուց հետո (որից 12-ը որպես իրավաբանական վարչության ղեկավար) որոշել է շարժվել առաջ։

«Այսօր վերջին աշխատանքային օրս է բանկում: 17 տարիների ընթացքում ունեցել եմ բազմաթիվ հաջողություններ ու ձախողումներ: Անկախ ամեն ինչից սակայն՝ ամեն օր աշխատանքի եմ եկել մեծ ոգևորությամբ: Սիրով եմ ներկայացել աշխատանքի, քանզի Կենտրոնական բանկն այն կառույցն է, որտեղ մարդն անսահման հնարավորություն ունի արարել ու ստեղծագործել, սովորել ու սովորեցնել, բարեփոխել հինը` միաժամանակ նաև պահպանելով ավանդույթները: Մեծ հպարտությամբ եմ ասում, որ անցնող տարիների ընթացքում պատիվ եմ ունեցել աշխատել Կենտրոնական բանկի երկու հրաշալի նախագահների հետ. Տիգրան Սարգսյանի ու Արթուր Ջավադյանի, որոնք իսկապես առաջնորդել են կառույցը` միաժամանակ հսկայական գիտելիք, ոգևորություն ու հավատ փոխանցելով ինձ ու գործընկերներիս` անկախ տարիքից կամ զբաղեցրած պաշտոնից: Շնորհակալ եմ, պարոնայք», – գրել է Ավետիքյանը։

Նա տեղեկացրել է, որ միանում է TK & Partners խորհրդատվական ընկերությանը և երկուշաբթի օրվանից իր գործընկերների`Տիգրան Կարապետյանի, Ալեքսանդր Խաչատուրյանի ու Միսակ Բաբաջանյանի հետ կլծվի այդ ընկերությունը զարգացնելու գործին` այս անգամ արդեն ծառայելով իրենց հաճախորդներին ու վստահորդներին։ «Հարազատներիցս շատերն ինձ հարցնում են թե արդյո՞ք հիմա լավագուն պահն է մասնավոր բիզնեսում նետվելու համար: Միանշանակ պնդում եմ, որ այո: Հայաստանում բիզնեսն ու տնտեսությունը չզարգանալու ու չհզորանալու տարբերակ չունեն: Ուրեմն՝ առաջ», – գրել է Ավետիքյանը։

Նա նաև ավելացրել է, որ մեծ պատրաստակամությամբ ու կամավոր հիմունքներով կշարունակի իրականացնել  Զինծառայողների ապահովագրության հիմնադրամի տնօրենի գործառույթները այնքան ժամանակ, որքան հիմնադրամի խորհուրդն ու Կենտրոնական բանկը նպատակահարմար կհամարեն, քանի որ հիմնադրամը դեռ շատ անելիքներ ունի:

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Դատվածություն ունեցողները չեն կարող լինել որոշ ֆինանսական գործառույթ իրականացնող կազմակերպությունների ղեկավարներ

Գործադիրն այսօրվա նիստում հավանություն է տվել «Ապահովագրության և ապահովագրական գործունեության մասին» և հարակից մի շարք օրենքներում լրացումներ և փոփոխություն կատարելու մասին ՀՀ օրենքների նախագծերի վերաբերյալ կառավարության օրենսդրական նախաձեռնությանը: Հիմնավորման համաձայն՝ խնդրին այն է, որ ԿԲ կողմից լիցենզավորվող որոշ սուբյեկտների համար նախատեսված չեն դրանց ղեկավարների և նշանակալից մասնակիցների նկատմամբ հանցագործության համար դատվածություն չունենալու վերաբերյալ պահանջներ: Օրինագծերի […]