Մուտք

Invalid username or password

Մոռացե՞լ եք գաղտնաբառը

ԿԲ այցելուների կենտրոնը և «Գիտելիք հանուն զարգացման» կենտրոնը միանում են Թանգարանների միջազգային օրվան նվիրված միջոցառումներին

Վերադարձ լուրերի բաժին

Խորագրեր

Պաշտոնական

14:09 , 16 Մայիս 2016

ՀՀ կենտրոնական բանկի այցելուների կենտրոնը միանում է «Թանգարանների գիշեր» և Թանգարանների միջազգային օրվան նվիրված համաեվրոպական միջոցառումներին:

Մայիսի 18-ին ժամը 09.00-ից մինչև 18.00-ն և մայիսի 21-ին ժամը 09.00-ից մինչև 24.00-ն Կենտրոնական բանկի այցելուների կենտրոնի դռները բաց կլինեն քաղաքացիների առջև:

Կենտրոնում այցելուները կարող են ծանոթանալ Հայաստանի դրամաշրջանառության պատմությանը` սկսած առաջին հայկական դրամներից (Ծոփք, Կոմմագենե, Արտաշեսյան տոհմի մետաղադրամներ) մինչև ժամանակակից թղթադրամներ, մետաղադրամներ, հուշադրամներ, հուշամեդալներ: Այցելուները կծանոթանան նաև դրամի պաշտպանական հատկանիշներին: Հայաստանի Հանրապետության անկախության 25-ամյակի կապակցությամբ կենտրոնում ներկայացվելու է հուշադրամների «Հայոց պետականություն» շարքը, այդ թվում՝ «Հայաստանի Հանրապետության 25-ամյակ» հուշադրամը:

Այցելուների կենտրոնը գտնվում է Կենտրոնական բանկի տարածքում. հասցե՝ Վ. Սարգսյան 6, հեռախոս՝ 010 59 27 83:

Նշենք նաև, որ ՀՀ կենտրոնական բանկի Դիլիջան քաղաքի «Գիտելիք հանուն զարգացման» կենտրոնը այս տարի ևս միանում է «Թանգարանների գիշեր» և Թանգարանների միջազգային օրվան նվիրված համաեվրոպական միջոցառումներին:

Մայիսի 18-ին 09.00 մինչև 18.00 և մայիսի 21-ին 09.00 մինչև 24.00 կենտրոնի դռները բաց կլինեն այցելուների առջև:

ՀՀ ԿԲ ԳՀԶ կենտրոնում այցելուները կարող են ծանոթանալ հայկական դրամի և Հայաստանում դրամաշրջանառության պատմությանը, ինչպես նաև ՀՀ կենտրոնական բանկի կողմից թողարկված հուշադրամներին:
Կենտրոնի հասցեն` Տավուշի մարզ, ք.Դիլիջան, Մյասնիկյան 63, հեռախոս. (0268) 2 25 71, (0268) 2 25 81

ԱՄԵՆԱԿԱՐԴԱՑՎԱԾ ԼՈՒՐԵՐ

Արտոնություն է տրամադրվել հերթական ներդրումային ծրագրին

Կառավարությունը մարտի 21-ի նիստում ընդունել է որոշում, որով «Եվրոստան-ույուտ» ՍՊԸ-ին տրվել է գերակա ոլորտում իրականացվող ներդրումային ծրագրի շրջանակում օգտվել մաքսատուրքից ազատելու արտոնությունից: Ընկերությունը ներմուծվող ապրանքներն օգտագործելու է ջերմա և ձայնամեկուսիչ կոնստրուկցիաների արտադրության մեջ։ Նախատեսվում է ծրագրի շրջանակում իրականացնել 700 000 000 ՀՀ դրամի ներդրում: Արդյունքում՝ ծրագրի շրջանակում կստեղծվի 40 նոր աշխատատեղ՝ 260 000 ՀՀ դրամ […]

Կընդլայնվեն մատչելի պայմաններով ուսանողական վարկեր ձեռք բերելու հնարավորությունները

«Սրանով մենք փաստորեն բարձրացնում ենք վարկի վերին սահմանաչափը և երեք տոկոսային կետով իջեցնում ենք ուսանողական վարկի տոկոսը: Սա միանշանակ բարենպաստ փոփոխություն է մեր ուսանողների համար»,- Նիկոլ Փաշինյան:

Քայլեր են ձեռնարկվելու քաղաքացիների ֆինանսական գրագիտությունը բարձրացնելու ուղղությամբ

Կառավարության մարտի 21-ի նիստում Նիկոլ Փաշինյանն անդրադարձել է վարկերի իրական տոկոսների հարցին և նշել. «Մենք Կենտրոնական բանկի հետ կարևորել ենք քաղաքացիների ֆինանսական գրագիտության բարձրացումը։ Մի բանում վստահ ենք՝ մենք պետք է պետական ծրագրեր իրականացնենք՝ քաղաքացիների ֆինանսական գրագիտությունը բարձրացնելու առումով»: Կենտրոնական բանկի նախագահ Արթուր Ջավադյանը նշել է, որ այս ուղղությամբ բազմաթիվ ծրագրեր են իրականացվում և մանրամասներ […]